ថ្លែងនៅក្នុងសម័យប្រជុំកម្រិតខ្ពស់ លោកស្រីអនុរដ្ឋមន្ត្រី ង្វៀន ធី ហួង វ៉ាន់ បានសង្កត់ធ្ងន់ថា ក្នុងនាមជាប្រទេសមួយដែលឆ្លងកាត់សង្គ្រាមជាច្រើនលើក​ វៀតណាមបាន​​យល់​យ៉ាងស៊ីជម្រៅ ចែករំលែកនូវការឈឺចាប់និងការខាតបង់ដែលប្រទេសនានាកំពុងរងទុក្ខ​ដោយសារតែផលវិបាកនៃគ្រាប់បែក​មីន។ ការគំរាមកំហែងពី​គ្រាប់បែក​មីន និងគ្រឿងផ្ទុះនៅតែជាឧបសគ្គចម្បង​ចំពោះដំណើរសន្តិភាព និងការអភិវឌ្ឍប្រកបដោយចីរភាព មិនត្រឹមតែនៅវៀតណាមប៉ុណ្ណោះទេ ប៉ុន្តែថែមទាំងនៅក្នុងប្រទេសជាច្រើនជុំវិញពិភពលោក​ទៀត​ផង។

លោកស្រីអនុរដ្ឋមន្ត្រីបានអះអាងថា វៀតណាមគាំទ្រជានិច្ចនូវស្មារតីនិងគោល​ដៅមនុស្សធម៌នៃអនុសញ្ញាអន្តរជាតិស្តីពីគ្រាប់បែកចង្កោមនិងគ្រាប់មីនប្រឆាំងមនុស្ស​; គាំទ្ររាល់កិច្ចខិតខំប្រឹងប្រែងទាំងអស់ដើម្បីទប់ស្កាត់ការប្រើប្រាស់ដោយគ្មានការរើសអើងនូវអាវុធទាំងនេះ​។ ទន្ទឹមនឹងនោះ វៀតណាមបាន​អះអាងពីសិទ្ធិស្របច្បាប់របស់ប្រទេសនីមួយៗ ក្នុងការធានាសន្តិសុខ ការពារជាតិ និងស្វ័យ​ការពារ ស្របតាមគោលការណ៍ជាមូលដ្ឋាននៃធម្មនុញ្ញអង្គការសហប្រជាជាតិ និងច្បាប់អន្តរជាតិ។

លោកស្រីអនុរដ្ឋមន្ត្រីបានអះអាងថា វៀតណាមនឹងខិតខំប្រឹងប្រែងដោយឥតឈប់ឈរ ដើម្បីគោលដៅសន្តិភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាព ហើយត្រៀមខ្លួន​រួច​ជាស្រេ​ចដើម្បីគាំទ្រដល់គំនិតផ្តួចផ្តើមទាំងអស់ ស្តីពីការទប់ស្កាត់ជម្លោះ និងការស្ថាបនាឡើងវិញ៕​