នេះជាដំណើរទស្សនកិច្ចផ្លូវការលើកទីពីរនៅប្រទេសបារាំងរបស់លោកអគ្គលេខាបក្ស ប្រធានរដ្ឋ តូ ឡឹម ហើយក៏ជាលើកទីពីរដែរ ដែលប្រមុខបក្ស និងរដ្ឋវៀតណាមបានចូលរួមព្រឹត្តិការណ៍អន្តរជាតិដែលរៀបចំ​ឡើង​នៅប្រទេសបារាំង។ កិច្ចប្រជុំកំពូល​នៅ​​ទីក្រុងប៉ារីសក៏ជាកិច្ចប្រជុំកំពូលថ្នាក់ប្រមុខ​រដ្ឋ​លើកដំបូងនៅលើពិភពលោក​ស្តីពីវិស័យអវកាសផងដែរ។

ដំណើរទស្សនកិច្ចនេះ បន្ត​បញ្ជាក់ពីសារៈសំខាន់ពិសេសរបស់វៀតណាមចំពោះភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងបារាំង; ហើយ​ជាឱកាសមួយដើម្បីត​ភ្ជាប់​ចំណុចខ្លាំងរបស់បារាំងក្នុងវិស័យវិទ្យាសាស្ត្រ បច្ចេកវិទ្យា នវានុវត្តន៍ និងវិស័យបច្ចេកវិទ្យាយុទ្ធសាស្ត្រជាមួយនឹងតម្រូវការអភិវឌ្ឍន៍ថ្មីរបស់វៀតណាម តាមនោះ ទាក់ទាញធនធានបន្ថែមទៀតដើម្បីបម្រើគោលដៅនៃការអភិវឌ្ឍយ៉ាងឆាប់រហ័ស និងប្រកបដោយចីរភាព ដែលរួមចំណែកដល់ការ​អភិវឌ្ឍទំនាក់ទំនង​រវាងប្រទេសទាំងពីរកាន់តែស៊ីជម្រៅ ជាក់​ស្តែង និងមានប្រសិទ្ធភាពជាង។ ដំណើរទស្សនកិច្ចនេះត្រូវបានរំពឹងថា នឹងបង្កើតការផ្លាស់ប្តូរយ៉ាង​ខ្លាំងនៅក្នុងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ; ធ្វើឱ្យវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថលក្លាយជាកម្លាំងចលករថ្មីនៃទំនាក់ទំនងរវាងប្រទេសទាំងពីរ៕​