នាយករដ្ឋមន្រ្តីថ្មីនៃរដ្ឋាភិបាល ង្វៀនស្វឹនភុក សច្ចាប្រណិធានទទួលតំណែង។ (ប្រភព៖ Chinhphu.vn) |
នាព្រឹកថ្ងៃទី៧ខែមិនាឆ្នាំ២០១៦ អនុវត្តតាមបទដ្ឋានសម័យប្រជុំលើកទី១១ រដ្ឋសភាបានដំណើរការបោះឆ្នោតជ្រើស លោកង្វៀនស្វឹនភុក ទទួលតំណែងនាយករដ្ឋមន្រ្តីនៃរដ្ឋាភិបាល តាមរបៀបបោះឆ្នោតសម្ងាត់។
បើកសម័យប្រជុំការងារនាពេលព្រឹក សមាជិកគណកម្មការអចិន្ត្រៃយ៍រដ្ឋសភា លោកអគ្គលេខារដ្ឋសភា ង្វៀនហាញភុក ជំនួសមុខគណកម្មការអចិន្ត្រៃយ៍រដ្ឋសភា ប្រកាសលទ្ធផលពិភាក្សា នៃគណៈតំណាងសមាជិករដ្ឋសភា ពីការរំពឹងថាជាបុគ្គលដែលត្រូវ បោះឆ្នោតជ្រើសរើសនាយករដ្ឋមន្រ្តីនៃរដ្ឋាភិបាល។
បន្ទាប់មក លោកប្រធានរដ្ឋ ត្រឹនដាយក្វាង ស្តាប់របាយការណ៍និងមតិយោបល់ របស់សមាជិកតំណាងរដ្ឋសភា ពីការរំពឹងថាជាបុគ្គលដែលត្រូវបោះឆ្នោតជ្រើសរើស នាយករដ្ឋមន្រ្តីនៃរដ្ឋាភិបាល។ រដ្ឋសភាបានដំណើរការពិភាក្សា អនុម័តបញ្ជីឈ្មោះ ដើម្បីបោះឆ្នោតជ្រើសនាយករដ្ឋមន្រ្តីនៃរដ្ឋាភិបាល។
រដ្ឋសភាដំណើរការបោះឆ្នោតជ្រើសនាយករដ្ឋមន្រ្តីនៃរដ្ឋាភិបាល ដោយវិធីបោះឆ្នោតសម្ងាត់។ តាមលទ្ធផលប្រកាស មានសមាជិកតំណាងចំនួន៤៤៦នាក់បានអនុម័ត ស្រូបយក៩០,២៦%នៃបូកសរុបសមាជិកតំណាងរដ្ឋសភា មាន៤៤សំឡេងមិនគាំទ្រ លោកង្វៀនស្វឹនភុកជាប់តំណែង នាយករដ្ឋមន្រ្តីនៃរដ្ឋាភិបាល។
ក្រោយពេល គណកម្មការពិនិត្យសន្លឹកឆ្នោត ប្រកាសលទ្ធផលពិនិត្យសន្លឹកឆ្នោត លោកអគ្គលេខារដ្ឋសភា ង្វៀនហាញភុក បានរាយការណ៍សេចក្តីពង្រាងសេចក្តីសម្រេចចិត្ត ពីការបោះឆ្នោតជ្រើសរើសតំណែងនាយករដ្ឋមន្រ្តីនៃរដ្ឋាភិបាល។
សមាជិកតំណាងចំនួន៤៧៤នាក់ បានចុចបូតុង(៩៦,១៦%នៃសរុបសមាជិកតំណាងរដ្ឋសភាទាំងអស់) រដ្ឋសភា បានអនុម័តសេចក្តីសម្រេចចិត្តនេះ។
ក្រោយពេលប្រព្រឹត្តិទៅពិធីទទួលតំណែងនាយករដ្ឋមន្រ្តីនៃរដ្ឋាភិបាល។ ក្នុងពិធីពន្លឺភ្លេងគោរព ទង់ជាតិនិងរដ្ឋធម្មនុញ្ញ បានក្រុមពិធីនាំចូលក្នុងពិធីកាន់តំណែង។ ចាប់ពីកន្លែងអង្គុយរបស់សមាជិកតំណាង លោកង្វៀនស្វឹនភុក ឈានជើងនិងអោនកាយគោរពទង់ជាតិនិងឈរលើវេទិកា ដើម្បីសច្ចាប្រណិធាន។
អនុវត្តពិធីសច្ចាប្រណិធានទទួលតំណែង ចំពោះមុខរដ្ឋសភានិងប្រជាជនទូទាំងប្រទេស លោកនាយករដ្ឋមន្រ្តីថ្មី នៃរដ្ឋាភិបាល ង្វៀនស្វឹនភុក មានប្រសាសន៍ថា៖ “ខ្ញុំសូមថ្លែងអំណរអរគុណដល់រដ្ឋសភាបានទុកចិត្តជ្រើសរើស ខ្ញុំទទួលតំណែងជានាយករដ្ឋមន្រ្តីនៃរដ្ឋាភិបាល សាធារណរដ្ឋសង្គមនិយមវៀតណាម។ ចំពោះទង់ក្រហមផ្កាយលឿងដ៏ពិសិដ្ឋរបស់ទឹកដី ចំពោះរដ្ឋសភា ចំពោះប្រជាជននិងអ្នកបោះឆ្នោតទូទាំងប្រទេស ខ្ញុំសូមសច្ចាប្រណិធាន ស្មោះត្រង់ជាមួយមាតុភូមិ ប្រជាជន រដ្ឋធម្មនុញ្ញ នៃសាធារណរដ្ឋសង្គមនិយមវៀតណាម ជាដាច់ខាត់ ។ ខ្ញុំស្ម័គ្រចិត្តប្រើអស់កម្លាំងកាយចិត្តតស៊ូ ដើម្បីធ្វើសម្រេចល្អនូវភារកិច្ចរបស់បក្ស រដ្ឋនិងប្រជាជនប្រគល់ឲ្យ”។
ក្រោយពាក្យសច្ចាប្រណិធាន លោកស្រីប្រធានរដ្ឋសភា ង្វៀនធីគីមង៉ឹន បានប្រកាស៖ “រដ្ឋសភាសាធារណរដ្ឋសង្គមនិយមវៀតណាម កត់សម្គាល់ពាក្យសច្ចាប្រណិធានរបស់នាយករដ្ឋមន្ត្រី នៃរដ្ឋាភិបាល ង្វៀនស្វឹនភុក”។
ជំនួសមុខរដ្ឋសភា លោកស្រីប្រធានរដ្ឋសភា ង្វៀនធីគីមង៉ឹន ជូនលោកនាយករដ្ឋមន្រ្តីនៃរដ្ឋាភិបាល ង្វៀនស្វឹនភុក នៅកម្រងផ្កាដ៏ស្រស់ស្អាតនិងជូនពរ លោកនាយករដ្ឋមន្រ្តីសម្រេចភារកិច្ច ដែលបក្ស រដ្ឋ និងប្រជាជនប្រគល់ឲ្យត្រូវដូចជាពាក្យសច្ចាប្រណិធាន។
ថ្លែងការណ៍ចំពោះមុខរដ្ឋសភា ក្រោយពិធីសច្ចាប្រណិធាន លោកនាយករដ្ឋមន្រ្តី ង្វៀនស្វឹនភុក ថ្លែងអំណរអគុណដល់រដ្ឋសភា រដ្ឋាភិបាល និងអតីតអ្នកមុខអ្នកការ អះអាងការដែលលោកបានរដ្ឋសភា ទុកចិត្តជ្រើសរើសឲ្យទទួលតំណែង ជាអ្នកនាំមុខរដ្ឋាភិបាល នេះគឺជាមហាកិត្តិយលដ៏ធំធេង ហើយក៏ជាភារកិច្ចដ៏ធ្ងន់ដែលបក្ស រដ្ឋនិងប្រជាជនប្រគល់ជូន។
លោកនាយករដ្ឋមន្រ្តី ង្វៀនស្វឹនភុក មានប្រសាសន៍ថា “ខ្ញុំស្ម័គ្រខិតខំអស់ពីកម្លាំងកាយចិត្តបម្រើទឹកដី បម្រើប្រជាជន និងទាំងអស់នេះ គឺដើម្បីគោលដៅកសាងប្រទេសជាតិវៀតណាម សង្គមនិយម ប្រជាជនមានបាន ទឹកដីរីកចម្រើន ប្រជាធិបតេយ្យ យុត្តិធម៌ ស៊ីវិល័យ។ ជាអ្នកដឹកនាំស្ថានប័នរដ្ឋបាល នៃរដ្ឋជាន់ខ្ពស់បំផុត អនុវត្តសិទ្ធិប្រតិបត្តិច្បាប់ ស្ថាប័នប្រតិបត្តិរដ្ឋសភា ខ្ញុំនឹងសមមិត្តសមាជិកយកអស់ពីកម្លាំងកាយចិត្តកសាងរដ្ឋាភិបាលរឹងមាំ សាមគ្គី ឯកភាព សុពលភាព ប្រសិទ្ធភាព សកម្មភាពខ្លាំងក្លា អស់ពីចិត្តពីថ្លើមបម្រើប្រជាជន ធ្វើសម្រេចល្អនៅមុខងារ ភារកិច្ច តាមលក្ខន្តិកៈរបស់រដ្ឋធម្មនុញ្ញនិងច្បាប់ ក្រោមការដឹកនាំរបស់បក្ស សង្កេតពិនិត្យ សហប្រតិបត្តិការ គាំទ្ររបស់រដ្ឋសភា របស់ប្រធានរដ្ឋ រណស្សិមាតុភូមិវៀតណាម និងប្រជាជនទូទៅ។
រដ្ឋាភិបាលនិងនាយករដ្ឋមន្រ្តីនៃរដ្ឋាភិបាល បន្តលើកកម្ពស់ប្រពៃណីល្អស្អាត និងលទ្ធផលសម្រេចបានរបស់អតីតរដ្ឋាភិបាល យកចិត្តទុកដាក់ស្តាប់មតិ បំណងរបស់ប្រជាជន អ្នកបោះឆ្នោតទូទាំងប្រទេស ចេញកម្លាំងជំនះភាពទន់ខ្សោយ ខិតខំតស៊ូ អនុវត្តយកជ័យជំនះលើគោលដៅ ភារកិច្ចអភិវឌ្ឍន៍សេដ្ឋកិច្ច-សង្គមកិច្ច ជម្រុញទូទៅបុព្វហេតុផ្លាស់ប្តូរថ្មី និងសមាហរណកម្មអន្តរជាតិ ប្រមូលផ្តុំកែប្រែបែបបទរដ្ឋបាល បង្កើតបរិស្ថានវិនិយោគ-អាជីវកម្មងាយស្រួល ពង្រីកប្រជាធិបតេយ្យ បង្កើនច្បាប់វិន័យក្នុងក្បាលម៉ាស៊ីនរដ្ឋបាលរដ្ឋនិងក្នុងសង្គម លើកកម្ពស់ប្រសិទ្ធភាពការងារប្រឆាំងអំពើពុករលួយ ខ្ជះខ្ជាយ ប្តេជ្ញា អត់ធ្មត់ តស៊ូការពាររឹងមាំឯកភាព អធិបតេយ្យ ឯកភាព បូរណភាពទឹកដី មិនបង្អងលើកកម្ពស់ជីវភាពរស់នៅ សម្ភារៈ ស្មារតី នាំមកជីវភាពសុខដុមរមនា សុភមង្គល សន្តិសុខ សុវត្ថិភាពជូនប្រជាជន”។
ក្រោយពីថ្លែងការ នាយករដ្ឋមន្រ្តីថ្មីនៃរដ្ឋាភិបាល ង្វៀនស្វឹនភុក បានជូនអតីតលោកនាយករដ្ឋមន្រ្តីនៃរដ្ឋភិបាល ង្វៀនតឹនយុង នូវបាច់ផ្កាដ៏ស្រស់និងពាក្យប្រសិទ្ធិពរដ៏ពិសិដ្ឋ។
តំណែងឧបនាយករដ្ឋមន្រ្តីនិងសមាជិករដ្ឋាភិបាល ក៏បាននាយករដ្ឋមន្រ្តីនៃរដ្ឋាភិបាលស្នើរដ្ឋសភាដំណើរការអនុម័តជ្រើសរើសតែងតាំង នៅក្នុងម៉ោងធ្វើការខាងមុខតាមកម្មវិធីសម័យប្រជុំ។
លោកនាយករដ្ឋមន្រ្តី ង្វៀនស្វឹនភុក កើតថ្ងៃទី២០ខែវិច្ឆិកាឆ្នាំ១៩៥៤ ភូមិកំណើតក្វាងណាម បរិញ្ញាបត្រសេដ្ឋកិច្ច មហាវិទ្យាល័យសេដ្ឋកិច្ចជាតិប្រជាជនហាណូយ(១៩៧៨) ទ្រឹស្តីនយោបាយជាន់ខ្ពស់ លោកជាសមាជិកមជ្ឈឹមបក្សនីតិកាល១០ ១១និង១២ សមាជិកការិយាល័យនយោបាយនីតិកាល១១និង១២ សមាជិកតំណាងរដ្ឋសភា១១និង១៣។
មុនពេលបោះឆ្នោតជ្រើសរើសធ្វើជានាយករដ្ឋមន្រ្តីនៃរដ្ឋាភិបាល លោកង្វៀនស្វឹនភុក ធ្លាប់ទទួលតំណែងដូចជា៖ សមាជិកគណកម្មការអចិន្រ្តៃយ៍ខេត្តក្វាងណាម អនុប្រធាន ដល់អនុប្រធានអចិន្ត្រៃយ៍នៃគណកម្មការប្រជាជនខេត្តក្វាងណាម អនុប្រធានលេខាធិការគណកម្មការខេត្ត ប្រធានគណកម្មការអចិន្រ្តៃយ៍ខេត្តក្វាងណាម អនុប្រធានអធិការកិច្ចនៃរដ្ឋាភិបាល អនុប្រធានទទួលបន្ទុបអចិន្រ្តៃយ៍ការិយាល័យរដ្ឋាភិបាល រដ្ឋមន្រ្តី-ទទួលបន្ទុកការិយាល័យរដ្ឋាភិបាល អនុប្រធានលេខាធិការគណកម្មការប្រតិបត្តិការបក្ស រដ្ឋាភិបាល ឧបនាយករដ្ឋមន្រ្តីរដ្ឋាភិបាលអាណត្តិ២០១១-២០១៦៕
ទីភ្នាក់ងារសារព័ត៌មានវៀតណាម/កាសែតរូបភាពវៀតណាម