គោលដៅគឺដើម្បីធានាបាននូវប្រភពដើមជលផលប្រកបដោយតម្លាភាព ការពារធនធានសមុទ្រ និងរួម​ជាមួយប្រទេសទាំងមូលដើម្បីដក "កាតលឿង IUU" របស់គណៈកម្មការអឺរ៉ុប ឱ្យបានឆាប់ៗ។ គិត​ត្រឹមដើមខែកញ្ញា ឆ្នាំ ២០២៦ នាវាទាំង​នេសាទ ១០០% របស់ខេត្ត​ដាក់ឡាក់ត្រូវបានធ្វើបច្ចុប្បន្នភាពដោយផ្អែកលើ​មូលដ្ឋានទិន្នន័យនេសាទជាតិ។ វរសេនីយ៍ត្រី លឿង កុងហៅ អនុប្រធានប៉ុស្តិ៍ការពារព្រំដែនហ័រហៀបណាំ បានឱ្យដឹងថា៖ «អ្នកនេសាទកំពុងអនុលោមយ៉ាងតឹងរ៉ឹងតាមបទប្បញ្ញត្តិស្តីពីការបង្ការ និងប្រយុទ្ធប្រឆាំងនឹងការនេសាទ IUU ។ បច្ចុប្បន្ននេះ នៅក្នុង​តំបន់ មិនមាននាវានេសាទណាមួយដែលស្ថិតក្រោមប្រភេទ "គ្មានការចុះបញ្ជី គ្មានការត្រួតពិនិត្យ និងគ្មានអាជ្ញាប័ណ្ណ​នេសាទ”នោះទេ​។ នាវានេសាទទាំងអស់​បានដំឡើងឧបករណ៍តាមដាន​ការធ្វើដំណើរ និងគោរពតាមបទប្បញ្ញត្តិស្តីពីការជួសជុលឧបករណ៍នៅពេលដែលមានបញ្ហា ដើម្បីធានាបា​ននូវការអនុលោមតាមបទប្បញ្ញត្តិរបស់​ច្បាប់»។

នៅខេត្ត​ក្វាងង៉ៃ ការប្រយុទ្ធប្រឆាំងនឹងការនេសាទ IUU កំពុងត្រូវបានអនុវត្តយ៉ាងខ្លាំងក្លា ជាមួយនឹងការវាយតម្លៃលទ្ធផល​អនុវត្តប្រចាំសប្តាហ៍។ ដូច្នេះ រាល់​ការលំបាក ឬឧបសគ្គដែលទាក់ទងនឹងភារកិច្ចប្រយុទ្ធប្រឆាំងនឹងការនេសាទ IUU ត្រូវបានដោះស្រាយ​យ៉ាងទាន់ពេលវេលា​។ លោក វ៉ូ វ៉ាន់ហាយ ប្រធាននាយកដ្ឋាននេសាទ និងកិច្ចការសមុទ្រនៃ​ខេត្តក្វាងង៉ៃ បានបញ្ជាក់ថា៖ «ការប្រយុទ្ធប្រឆាំងនឹងការនេសាទ IUU ត្រូវបានអនុវត្តយ៉ាងម៉ឺងម៉ាត់តាមការណែនាំរបស់នាយករដ្ឋមន្ត្រីរដ្ឋាភិបាល​។ ការរាយការណ៍ប្រចាំសប្តាហ៍ត្រូវបានដឹកនាំយ៉ាងម៉ឺងម៉ាត់ដោយគណៈកម្មាធិការបក្ស និងគណៈកម្មាធិការប្រជាជនខេត្ត។ រហូតមកដល់បច្ចុប្បន្ន បានបំពេញជាមូលដ្ឋាននូវ​តម្រូវការដែលខេត្តក្វាងង៉ៃតម្រូវ​ឱ្យ​អនុវត្តន៍ ចាប់ពីការគ្រប់គ្រងកងនាវានេសាទ រហូតដល់ការធានាការអនុលោមតាមបទប្បញ្ញត្តិ។ បន្ទាប់មកគឺការតាមដានប្រភពដើម​ជលផល នៅពេលមកដល់កំពង់ផែ ដើម្បីធានា​នូវ​មូលដ្ឋានសម្រាប់ការតាមដាន​ប្រភពដើម​នាពេលអនាគត ការគ្រប់គ្រងយ៉ាងតឹងរ៉ឹងលើនាវានេសាទដែលគ្មានលក្ខណៈសម្បត្តិគ្រប់គ្រាន់ និងការដាក់ទណ្ឌកម្មយ៉ាងធ្ងន់ធ្ងរលើនាវាដែលរំលោភបំពាន»។

លើសពីនេះ នៅតំបន់ឆ្នេរសមុទ្រ និងតំបន់ពិសេស លីសឺន កងកម្លាំងការពារព្រំដែនខេត្តក្វាងង៉ាយ បានបង្កើនវត្តមានរបស់ខ្លួននៅក្នុងតំបន់ ដោយនៅជិតប្រជាជន នៅជិតកប៉ាល់ អមដំណើរអ្នក​នេសាទក្នុងដំណើរនេសាទនីមួយៗ និងរួម​បញ្ជូល​នូវការឃោសនាអំពីច្បាប់នេសាទ និងបទប្បញ្ញត្តិ IUU ដើម្បីឱ្យអ្នកនេសាទយល់កាន់តែច្បាស់អំពីការទទួលខុសត្រូវរបស់ខ្លួន ហើយទន្ទឹមនឹងនោះ ផ្សព្វផ្សាយនិងរំលឹកគ្នាទៅវិញទៅមកឱ្យគោរពតាមបទប្បញ្ញត្តិនៅពេលនេសាទលើសមុទ្រ៕​