កាសែតរូបភាពវៀតណាមជាភាសាខ្មែរ

វប្បធម៌

របាំចានជនជាតិតៃ (Tay) នៅខេត្តបាក់កាន (Bac Kan)

30/11/2024

របាំចានជារបាំបុរាណនៃជនជាតិតៃ (Tay) បានកកើតឡើងក្នុងដំណើរការពលកម្ម ផលិតកម្មជាយូយារណាស់មកហើយ។ របាំចានមានពាក់ព័ន្ធដល់&a
ជនជាតិតៃ (Tay) ខេត្តបាក់កាន (Bac Kan) មានខឿនវប្បធម៌ប្រពៃណីមួយដ៏សម្បូរបែប រួមមានបទកំណាព្យ រឿងព្រេង រឿងសំណើចប្រជាប្រិយ បុណ្យទានប្រពៃណី ចម្រៀង របាំ តន្រ្តី។ល។ ទំនុកចម្រៀងប្រជាប្រិយពេញនិយមបំផុត គឺចម្រៀងស្លឺ ចម្រៀងប្រជាប្រិយលឿនកយ ចម្រៀងក្នុងថ្ងៃរៀបការ ចម្រៀងបំពេរកូន។ល។ ក្រៅពីនោះ បងប្អូនជនជាតិតៃ (Tay) នៅមានប្រព័ន្ធរបាំមហាជនមួយ បានស្នងពីជំនាន់មួយទៅជំនាន់មួយ សម្តែងយ៉ាងសម្បូរបែបដោយក្ដីជំនឿ ក្ដីសង្ឃឹមរបស់មនុស្សក្នុងជីវភាពរស់នៅ ពលកម្ម ផលិតកម្ម។ ក្នុងចំណោមនោះ ទំនុកចម្រៀងប្រជាប្រិយ របាំមហាជននៃជនជាតិតៃ (Tay) របាំចាន ជារបាំមួយក្នុងចំណោមរបាំដែលពេញនិយមបំផុត និង បានប្រើប្រាស់ជាប្រចាំ។
របាំចានជនជាតិតៃ (Tay) ខេត្តបាក់កាន (Bac Kan) មានលក្ខណៈពិសេសបង្គួរ៖ ឈុតសម្លៀកបំពាក់សម្តែងរបាំចានរួមមាន អាវផាយ អាវខ្លី សំពត់រ៉ុប ខ្សែក្រវាត់ចង្កេះ កន្សែងជ្រុងចួតក្បាល។ ឈុតសម្លៀកបំពាក់នារីមានពណ៌ខៀវចាស់ បានកាត់ដេរដោយសំពត់កប្បាស។ សម្លៀកបំពាក់កាត់ដេរសាមញ្ញ គ្មានការដេរប៉ាក់ក្បាច់រចនា។ ឧបករណ៍តន្រ្តីសំខាន់នៃរបាំចាន គឺចាន និង ចង្កឹះ។ របាំចានឥរិយាបទអង្គុយ ឬឈរ ពីរនាក់ទល់មុខគ្នាដៃកាន់ចាន។ ចានកាន់ជាប់កណ្តាលបាត់ដៃ កដៃបង្វិលមួយជុំនៅត្រង់ពោះ រេឡើងលើក្បាល រួចបង្វែរទៅខាងក្រោយខ្នង ដាក់សន្សឹមចុះមកត្រង់ពោះវិញ ហើយធ្វើសាឡើងវិញដោយប្តូរដៃ។ របាំឥរិយាបទឈរ ដៃទាំងពីរកាន់ចានគាបចង្កឹះ គោះតាមចង្វាក់ ដៃកាន់ចាន់ទាំងពីរដាក់នៅត្រង់ពោះ រេខ្វែងតាមក្រោមក្លៀកទៅខាងក្រោយខ្នង រួចវិលត្រឡប់មកត្រង់ពោះវិញដើម្បីផ្លាស់ប្តូរដៃ។ ឬរាំដៃម្ខាងលើកខ្ពស់ ដៃម្ខាងដាក់ចុះត្រឹមចង្កេះ។

នេះជារបាំពិសេស បានខេត្តបាក់កាន (Bac Kan) ក៏ដូចជាស្រទាប់ជនជាតិតៃ (Tay) រក្សា និង អភិរក្សដោយរូបភាពតៗមាត់ និង បង្រៀនផ្ទាល់ ប៉ុន្តែមកដល់សព្វថ្ងៃ កាយវិការរបាំហាក់បីដូចជាឯកភាពជាធ្លុងមួយ តិចមានឃ្លាតចាកបទដើម។ កាយវិការរបាំមានអត្ថន័យត្រាប់តាមកាយវិការរវៃយកសូត្រនាងនៃមាមីង តាំងពីអតីតកាល សកម្មភាពសម្ភារៈ សកម្មភាពស្មារតី ឬពិធីអំណរបាយថ្មី នៃបងប្អូនជនជាតិតៃ (Tay)។
សម្តែងរបាំនៅសប្តាហ៍វប្បធម៌ ទេសចរណ៍ខេត្តបាក់កាន (Bac Kan) ឆ្នាំ២០២៤។

ឆ្លងកាត់វដ្ឋប្រវត្តិសាស្រ្ត របាំចានជនជាតិតៃ (Tay) ខេត្តបាក់កាន (Bac Kan) បានអភិរក្ស និង អភិវឌ្ឍនៅក្នុងជីវភាពស្មារតី នៃជនជាតិតៃ (Tay) ពីជំនាន់មួយទៅជំនាន់មួយ។ សព្វថ្ងៃ នៅលើភូមិសាស្រ្តខេត្តបាក់កាន (Bac Kan) ក្រុម ក្លឹបសិល្បៈបានបង្កើតឡើង សហការតភ្ជាប់នឹងអ្នកចំណូលចិត្ត ស្រឡាញ់របាំចាន រួមជាមួយគ្នា ដើម្បីរៀបចំរួមប្រាស្រ័យ សកម្មភាពបម្រើព្រឹត្តការណ៍វប្បធម៌ នយោបាយ សង្គមនៅមូលដ្ឋាន ទីផ្សារ ពិធីបុណ្យទាន បម្រើភ្ញៀវទេសចរនៅមូលដ្ឋាន។ល។ ប្រការនោះ បង្កលក្ខណៈសម្រាប់រូបភាពសិល្បៈនេះ បន្តរក្សា និងមានឱកាសអភិវឌ្ឍក្នុងជីវភាពរស់នៅនាសម័យទំនើប។

ក្នុងដំណើរការធ្វើទេសចរណ៍ និង អភិវឌ្ឍទេសចរណ៍ ជនជាតិតៃ (Tay) ខេត្តបាក់កាន (Bac Kan) បានឧទ្ទេសនាមរបាំចាននៃជនជាតិខ្លួនដល់ភ្ញៀវទេសចរជិតឆ្ងាយ ចូលរួមចំណែកយ៉ាងសំខាន់ក្នុងការធ្វើឱ្យសម្បូរបែបវប្បធម៌នៃខេត្តបាក់កាន (Bac Kan) ជាដោយឡែក និងទូទាំងតំបន់ឦសានជាទូទៅ៕
អត្ថបទ៖ ង៉ោ ឌឹកមិច រូបថត៖ ង៉ោ ឌឹកមិច ទីភ្នាក់ងារសារព័ត៌មានវៀតណាម
ប្រែសម្រួល៖ រីកើង