រដ្ឋបាលរបស់ប្រធានាធិបតីអាមេរិកលោក Donald Trump វាយតម្លៃខ្ពស់ចំពោះទំនាក់ទំនងសហប្រតិបត្តិការជាមួយវៀតណាម

នាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេសវៀតណាម ជួបសន្ទនាតាមទូរស័ព្ទជាមួយរដ្ឋមន្ត្រីក្រសួងការពារជាតិអាមេរិក Pete Hegseth។ (រូបថត៖ TTXVN)

ក្នុងជំនួបនេះ រដ្ឋមន្ត្រីលោក Phan Van Giang បានអះអាងថា វៀតណាមតែងតែចាត់ទុកសហរដ្ឋអាមេរិកជាដៃគូយុទ្ធសាស្ត្រកំពូលរបស់ខ្លួន។ លោករដ្ឋមន្ត្រីបានសង្កត់ធ្ងន់ថា កិច្ចសហប្រតិបត្តិការក្នុងការជំនះពុះពារលើផលវិបាកនៃសង្គ្រាមនាពេលថ្មីៗនេះ គឺជាចំណុចភ្លឺ ក្នុងទំនាក់ទំនងការពារជាតិរវាងប្រទេសទាំងពីរ។ ការដែលសហរដ្ឋអាមេរិក ប្ដេជ្ញាចិត្តបន្តប្រមូលធនធានដើម្បីដោះស្រាយការបំពុលដោយឌីអុកស៊ីតនៅអាកាសយានដ្ឋាន Bien Hoa ឧបត្ថម្ភជនពិការ ជម្នះផលវិបាកនៃគ្រាប់បែកមីន ស្វែងរកនិងប្រមូលអដ្ឋិធាតុយុទ្ធជនវៀតណាម ក៏ដូចជាកិច្ចសហប្រតិបត្តិការរបស់ភាគីទាំងពីរក្នុងការស្វែងរកទាហានអាមេរិកដែលបាត់ខ្លួនក្នុងសង្គ្រាមគឺមានសារៈសំខាន់  រួមចំណែកក្នុងការទុកអតីតកាលមួយអន្លើ ឆ្ពោះទៅអនាគត។ រដ្ឋមន្ត្រីលោក Phan Van Giang បានសម្តែងក្តីសង្ឃឹមថា ក្រសួងការពារជាតិនៃប្រទេសទាំងពីរនឹងបន្តរក្សាការផ្លាស់ប្តូរគណៈប្រតិភូ ទំនាក់ទំនងកម្រិតខ្ពស់ និងយន្តការពិគ្រោះយោបល់ រួមទាំងកិច្ចសន្ទនាដែលមានស្រាប់។