តាមព័ត៌មានពីក្រសួងការបរទេសវៀតណាមឲ្យដឹងថា បន្ទាប់ពីកើតមានឡើងការរញ្ជួយដីនិងរលកយក្សស៊ូណាមីកាលពីថ្ងៃទី២៨ ខែកញ្ញា ឆ្នាំ២០១៨ នៅទីក្រុង Palu ប្រទេសឥណ្ឌូនេស៊ីនោះ ស្ថានទូតវៀតណាមប្រចាំឥណ្ឌូនេស៊ីបានស្វែងយល់យ៉ាងឆាប់រហ័សអំពីស្ថានភាពរបស់ប្រជាពលរដ្ឋវៀតណាមនៅតំបន់ដែលរងផលប៉ះពាល់ ហើយអនុវត្តន៍វិធានការឧបត្ថម្ភចាំបាច់នានា។
ការរញ្ជួយដីបង្កឡើងផលប៉ះពាលយ៉ាងធ្ងន់ធ្ងរនៅទីក្រុង Palu (រូបថត៖ Reuters)
រហូតមកដល់ពេលនេះ មិនទាន់មានព័ត៌មានស្ដីពីជនវៀតណាមដែលបានស្លាប់ឬរងរបួសក្នុងការរញ្ជួយដីនិងរលកយក្សស៊ូណាមីនៅឡើយ។ និស្សិតវៀតណាមទាំង ១០ នាក់ ដែលកំពុងសិក្សារៀនសូត្រនៅសកលវិទ្យាល័យ Tadulako ទីក្រុង Palu សុទ្ធតែមានសុវត្ថិភាព។ ស្ថានទូតវៀតណាមកំពុងជួយឧបត្ថម្ភប្អូនៗនិស្សិតទាំងនេះអំពីលំនៅដ្ឋានរហូតដល់ពេលដែលស្ថានភាពវិលត្រឡប់ទៅរកភាពធម្មតាវិញ៕
តាម VOV5 - វិទ្យុសម្លេងវៀតណាម