ទិដ្ឋភាពរួមនៃសន្និបាតនេះ។ រូបថត៖ VNA
គណៈកម្មាធិការមជ្ឈិមបានវាយតម្លៃថា ក្នុងពាក់កណ្តាលដើមនៃអាណត្តិឆ្នាំ ២០២១-២០២៦ ប្រទេសយើងបានពុះពារយ៉ាងរឹងមាំឆ្លងកាត់ការលំបាក និងបញ្ហាប្រឈមជាច្រើន ហើយសម្រេចបាននូវសមិទ្ធិផលសំខាន់ៗ និងគ្រប់ជ្រុងជ្រោយក្នុងវិស័យជាច្រើន និងផ្តោតបញ្ជាចង្អុលលើការអនុវត្តភារកិច្ចសំខាន់ៗ ចំនួន ៥ ក្នុងពាក់កណ្តាលចុងក្រោយនៃអាណត្តិ ហើយខិតខំអនុវត្តឱ្យបានជោគជ័យនូវសេចក្តីសម្រេចចិត្តនៃមហាសន្និបាតបក្សលើកទី ១៣។
2. កំណើន GDP សម្រេចបានជាង ៥%៖
ការប្រមូលផលស្រូវ នៅវាលស្រែ ស្ថិតក្នុងឃុំតឹនងៀ (Tan Nghia) ស្រុក កាវឡាញ (Cao Lanh) ខេត្តដុងថាប (Dong Thap) ។ រូបថត៖ VNA
ក្នុងបរិបទប្រឈមមុខនឹងការលំបាក និងបញ្ហាប្រឈមជាច្រើន សេដ្ឋកិច្ចវៀតណាមសម្រេចបានកំណើន GDP លើសពី ៥% ជាមួយនឹងសញ្ញាវិជ្ជមានជាច្រើន៖ តម្លៃម៉ាកយីហោជាតិឈានដល់ ៤៣១ ពាន់លានដុល្លារ ជាប់ចំណាត់ថ្នាក់លេខ ៣២/១០០ ម៉ាកយីហោជាតិដែលពូកែជាងគេលើពិភពលោក; ការនាំចេញអង្ករលើសពី ៨លានតោន សម្រេចបានជាង ៤,៤ ពាន់លានដុល្លារ - ខ្ពស់បំផុតចាប់តាំងពីឆ្នាំ ២០០៩ ដើមទុន FDI បានឈានដល់កម្រិតខ្ពស់បំផុតចាប់តាំងពីឆ្នាំ ២០២០ ក្នុងនោះដើមទុនចុះបញ្ជីទទួលបាន ២៨,២៥ ពាន់លានដុល្លារ ហើយដើមទុនអនុវត្តសម្រេចបាន ២០,២៥ ពាន់លានដុល្លារ។ ជាពិសេស ផលនាំចេញលើសចំនួនក្នុង៨ឆ្នាំបន្តបន្ទាប់ ដោយទទួលបាន 26 ពាន់លានដុល្លារ កើនឡើងជិត ៣ ដង នៃឆ្នាំ២០២២ ។
3.លោកអគ្គលេខាបក្ស ប្រធានរដ្ឋចិន លោកប្រធានាធិបតីអាមេរិក បានអញ្ជើញបំពេញទស្សនកិច្ច នៅវៀតណាម៖
លោកអគ្គលេខាធិការបក្ស ង្វៀនភូត្រុង (Nguyen Phu Trong) និងភរិយារបស់លោកអគ្គលេខាធិការបក្ស ង្វៀនភូត្រុង (Nguyen Phu Trong) អញ្ជើញធ្វើជាអធិបតីក្នុងពិធីបដិសណ្ឋារកិច្ចទទួលស្វាគមន៍ លោកអគ្គលេខាធិការបក្ស ប្រធានរដ្ឋចិន Xi Jinping និងភរិយារបស់លោកអគ្គលេខាធិការបក្ស ប្រធានរដ្ឋចិន Xi Jinping។ រូបថត៖ Trí Dũng – TTXVN
លោកអគ្គលេខាធិការបក្ស ង្វៀនភូត្រុង (Nguyen Phu Trong) ទទួលស្វាគមន៍ លោកប្រធានាធិបតីអាមេរិក Joe Biden ក្នុងឳកាសបំពេញទស្សនកិច្ចជាផ្លូវរដ្ឋ នៅប្រទេសវៀតណាម កាលពីរសៀលថ្ងៃទី ១០ ខែកញ្ញា។ រូបថត៖ Trí Dũng - TTXVN
កងកម្លាំងជួយសង្គ្រោះ និងជម្នះផលវិបាកនៃការរញ្ជួយដីនៅប្រទេសទួគី។ រូបថត៖ VNA
4. ផ្សាយបទប្បញ្ញត្តិថ្មីស្តីពីការគ្រប់គ្រងអំណាច ទប់ស្កាត់ និងប្រឆាំងអំពើពុករលួយ និងភាពអវិជ្ជមាន៖
បទប្បញ្ញត្តិ 114-QD/TW, 131-QD/TW, 132-QD/TW នៃការិយាល័យនយោបាយ បង្ហាញពីការប្តេជ្ញារបស់បក្ស និងរដ្ឋ បន្តលើកកម្ពស់ ការឆាំងនឹងអំពើពុករលួយ និងភាពអវិជ្ជមានក្នុងកិច្ចការរៀបចំកម្មភិបាលរដ្ឋ; ត្រួតពិនិត្យ សវនកម្ម ជម្រះបញ្ជី ស៊ើបអង្កេត វិនិច្ឆ័យទោស កាត់ក្តី និងអនុវត្តក្ដី។
ជនជាប់ចោទ ឌីញគ្វឹកថាយ (Dinh Quoc Thai) អតីតប្រធានគណៈកម្មាធិការប្រជាជនខេត្ត ដុងណាយ (Dong Nai) ក្នុងសវនាការបឋមកាត់ទោសក្រុមហ៊ុន AIC និងអង្គភាពពាក់ព័ន្ធក្នុងសំណុំរឿងកើតឡើង នៅមន្ទីរពេទ្យពហុព្យាបាល ដុងណាយ (Dong Nai) ។ រូបថត៖ An Dang - VNAករណីពុករលួយ អវិជ្ជមានជាច្រើន ជាធ្ងន់ធ្ងរពិសេស និងស្មុគស្មាញ ត្រូវបានវិនិច្ឆ័យ កាត់ទោស។ ជាពិសេសនៅក្នុងករណីដែលបានកើតឡើងនៅក្រុមហ៊ុន វ៉ាន ធីញផាត (Van Thinh Phat) ធនាគារ SCB និងអង្គភាពផ្សេងទៀត មន្ត្រីអធិការកិច្ច និងសវនកម្មចំនួន ២៣ នាក់ត្រូវបានកាត់ទោស បានរកឃើញបុគ្គលម្នាក់ស៊ីសំណូកចំនួន ៥,២ លានដុល្លារ ដែលជាចំនួនធំបំផុតតាំងពីមុនមក។
5. បង្កើតឯកទគ្គកម្មដាក់ឱ្យប្រើប្រាស់ផ្លូវល្បឿនលឿនប្រវែង ៤៧៥ គីឡូម៉ែត្រក្នុងរយៈពេលមួយឆ្នាំ៖
ខ្សែល្បឿនលឿន Nha Trang - Cam Lam ប្រវែង 49,11 km ដែលបានដាក់ឲ្យដំណើរការ។ រូបថត៖ Dương Giang - TTXVN
ការសម្រេចបានគម្រោងចរាចរណ៍សំខាន់ៗចំនួន ១៤ រួមទាំងបណ្តាគម្រោងផ្លូវល្បឿនលឿនពីជើងទៅត្បូងដំណាក់កាលទី ១ បានបង្កើនប្រវែងសរុបនៃផ្លូវល្បឿនលឿនទូទាំអប្រទេសគឺ ១.៨៩២ គីឡូម៉ែត្រ។ លទ្ធផលនេះរួមចំណែកដល់ការសម្រេចបាននូវរបកគំហើញមួយក្នុងចំណោមទម្លុះភាពទល់ច្រកទាំងបីនៃយុទ្ធសាស្ត្រអភិវឌ្ឍន៍សេដ្ឋកិច្ចសង្គមសម្រាប់រយៈពេល ២០២១- ២០៣០។
ពិធីបើកការដ្ឋានសាងសង់គម្រោងចំនួណ ១២ ចំណុះផ្លូវល្បឿនលឿនខាងជើង-ត្បូង ដំណាក់កាលទី ២ នៅប៉ុន្មានថ្ងៃនៃដើមឆ្នាំ២០២៣ បានបើកការដ្ឋានសម្រាប់គម្រោងដឹសំខាន់ៗជាបន្តបន្ទាប់ទៀត។
6.គ្រូពេទ្យឆ្នើម និងកន្លែងជាច្រើនដែលបានអង្គការ UNESCO លើកតម្កើង ៖
ឈូងសមុទ្រ Lan Ha Cát Bà ខេត្ត Hải Phòng។ រូបថត៖ Công Đạt/Báo Ảnh Việt Nam
ប្រជុំឈូងសមុទ្រហាឡុង (Ha Long) - ប្រជុំកោះ កាតបា (Cat Ba) បានទទួលស្គាល់ជាបេតិកភណ្ឌធម្មជាតិពិភពលោក ទីក្រុង ហូយអាន (Hoi An) និង ដាឡាត (Da Lat) បានទទួលស្គាល់ជា "ទីក្រុងច្នៃប្រឌិត" ក្នុងវិស័យសិប្បកម្ម - សិល្បៈប្រជាប្រិយ និងតន្ត្រី; គ្រូពេទ្យឆ្នើម ហាយថឿងឡានអុង ឡេ ហ៊ឺវត្រាច (Hai Thuong Lan Ong Le Huu Trac) បានអង្គការ UNESCO ផ្ដល់កិត្តិយសនិងអបអរសារទខួបលើកទី ៣០០ នៃទិវាខួបកំណើតរបស់លោក។ លើសពីនេះ ប្រទេសវៀតណាមទទួលកិត្តិនាមលើកទីបួនដែលជា “គោលដៅបេតិកភណ្ឌឈានមុខគេរបស់ពិភពលោក” នៅក្នុងកម្មវិធីពានរង្វាន់ទេសចរណ៍ពិភពលោក។ វិស័យទេសចរណ៍ត្រូវបានគេរំពឹងថានឹងទទួលភ្ញៀវបរទេសជាង ១២,៥ លាននាក់ ដែលលើសពីផែនការមានភ្ញៀវប្រហែល ៥លាននាក់។
7.គ្រប់គ្រងទាន់ពេលវេលានៃការវាយប្រហារភេរវកម្មនៅខេត្ត ដាក់ឡាក់ (Dak Lak) ៖
ចាប់មុខសញ្ញាភេរវកម្ម។ រូបថត៖ Phan Anh Dung - VNA
ការវាយប្រហារភេរវកម្មប្រឆាំងនឹងអាជ្ញាធរប្រជាជនដែលបង្កផលវិបាកធ្ងន់ធ្ងរបានកើតឡើងនៅក្នុងឃុំ Ea Tieu និងឃុំ Ea Ktur ស្រុក Cu Kuin ខេត្ត ដាក់ឡាក់ (Dak Lak) កាលពីព្រឹកថ្ងៃទី ១១ ខែមិថុនា ត្រូវបានគ្រប់គ្រងក្នុងរយៈ២៤ ម៉ោង ហើយនាំមកនូវសន្តិភាពជូនប្រជាពលរដ្ឋ។
8. គ្រោះអគ្គីភ័យ "ខនដូ mini" នៅរដ្ឋធានី ហាណូយ (Ha Noi) ៖
កងកម្លាំងសមត្ថកិច្ចបានជួយសង្គ្រោះ នៅព្រឹត្តិការអគ្គីភ័យ "ខនដូ mini " បានកើតឡើងនៅយប់ថ្ងៃទី ១២ ខែកញ្ញា នៅលើផ្លូវ ខឿងហា (Khuong Ha) រដ្ឋធានី ហាណូយ (Ha Noi) រូបថត៖ Phạm Kiên - TTXVN
អគ្គីភ័យ " ខនដូ mini" បានកើតឡើងនៅយប់ថ្ងៃទី ១២ ខែកញ្ញា នៅលើផ្លូវ ខឿងហា (Khuong Ha) រដ្ឋធានី ហាណូយ (Ha Noi) បានសម្លាប់មនុស្ស ៥៦ នាក់ និងរបួស ៣៧ នាក់ ។ គ្រោះមហន្តរាយនេះបានបន្លឺសំឡេងរោទិ៍អំពីការគ្រប់គ្រងសំណង់ដ៏ធូររលុងនៅក្នុងទីក្រុង។
អនុវត្តតាមការណែនាំរបស់នាយករដ្ឋមន្ត្រី ស្ថាប័នមុខងារគ្រប់ជាន់ថ្នាក់មានសមត្ថកិច្ចបានពិនិត្យ និងកែសម្រួលការងារគ្រប់គ្រងការកសាង និងដាក់ពង្រាយនូវដំណោះស្រាយជាបន្ទាន់ ដើម្បីបង្ការ និងពន្លត់អគ្គិភ័យក្នុងខនដូ និងផ្ទះល្វែង អាជីវកម្មផ្ទះជួល... ធានាសុវត្ថិភាពអាយុជីវិត និងទ្រព្យសម្បត្តិជូនប្រជាជន។
9. លើកដំបូងកីឡាវៀតណាមជាប់ចំណាត់ថ្នាក់លេខ ១ ស៊ីហ្គេមរៀបចំនៅក្រៅប្រទេស ៖
គណៈប្រតិភូកីឡាវៀតណាមនៅពីធីបើក SEA Games លើកទី៣២។ រូបថត៖ Minh Quyết - TTXVN
ក្នុងព្រឹត្តិការណ៍កីឡា SEA Games លើកទី៣២ ដែលប្រារព្ធឡើងនៅកម្ពុជា គណៈប្រតិភូកីឡាវៀតណាមដណ្តើមបានមេដាយមាស ១៣៦ គ្រឿង មេដាយប្រាក់ ១០៥ គ្រឿង មេដាយសំរិទ្ធ ១១៤ គ្រឿង ហើយវៀតណាមបានជាប់ចំណាត់ថ្នាក់ទី ១ ។ នេះជាលើកដំបូងដែលវៀតណាមបានឈរនៅលើកំពូលតារាងមេដាយក្នុងព្រឹត្តិការណ៍ SEA Games ដែលរៀបចំនៅក្រៅប្រទេស បន្ទាប់ពីឈរនៅលើកំពូលពីរលើក នៅឆ្នាំ២០០៣ និង ២០២២ ដែលរៀបចំនៅវៀតណាម ។
10. អនុវត្តបទប្បញ្ញត្តិ "បើពិសាគ្រឿងស្រវឹង - មិនបើកបរ" " ៖
កម្លាំងនគរបាលចរាចរណ៍ខេត្ត Lang Son បានផាកពិន័យអ្នកបើកបរយានយន្តជាង ៦.៩០០ ករណី ដែលធ្វើដំណើរ ប៉ុន្តែមានជាតិស្រវឹងក្នុងដង្ហើម។ រូបថត៖ Anh Tuan - VNA
ការផាកពិន័យយ៉ាងតឹងរឹងលើការបំពានដែលបានរួមចំណែកលើកកម្ពស់ការយល់ដឹងរបស់ប្រជាពលរដ្ឋក្នុងការធានាសុវត្ថិភាពចរាចរណ៍ បង្កើតជាវប្បធម៌ "បើពិសាគ្រឿងស្រវឹង - មិនបើកបរ" ដែលត្រូវបានមតិសាធារណៈគាំទ្រយ៉ាងខ្លាំង។/.