បណ្តាហាងកាហ្វេពិសេសដូចជា "ឡានក្រុងកាហ្វេ" ឬ "រថយន្តកាហ្វេ" កំពុងទាក់ទាញចំណាប់អារម្មណ៍របស់ប្រជាជនដែលរស់នៅរដ្ឋធានីជាច្រើននាក់ ពិសេសគឺនិស្សិតរៀននៅមហាវិទ្យាល័យពីព្រោះទីស្ថានប្លែកៗនិងថ្មីនេះ។
មានទំហំ ២៥ ម៉ែត្រការ៉េ ហាងកាហ្វេនេះអាចទទួលភ្ញៀវចំនួន ៣០ នាក់ ជាក់ស្តែងហាងកាហ្វេនេះគឺជាឡានក្រុងចាស់មួយ ដែលគេដោះម៉ាស៊ីនចេញហើយត្រូវបានដាក់ទីតាំងអចល័តក្នុងទីកន្លែងចំណតឡាននៅក្បែរផ្សារទំនើប Coopmart (ខណ្ឌហាដុង)។ កន្លែងបើកបរត្រូវប្រើប្រាស់ដូចជាបានីយដ្ឋានតូចមួយ ដើម្បីធ្វើមុខភេសជ្ជៈ និងលាងសំអាតពែង កែវ។ ទីស្ថានខាងក្នុងហាងត្រូវតុបតែងដោយវត្ថុសាមញ្ញដូចជា៖ តុ កៅអីដែលធ្វើពីឈើ លើតុនិមួយៗ គេដាក់សំបកដបស្រាបរទេសមួយដបសំរាប់ធ្វើជាថូផ្កា រូបសំណាកតូចធ្វើពីភាជន៍មួយចំនួន និងសៀវភៅមួយចំនួនទៀត...
ក្រៅពីបណ្តាទីស្ថានបានកសាងឡើងក្នុងគោលបំណងធ្វើជាហាងកាហ្វេ បណ្តាផ្នែកផ្សេងៗ នៃឡានក្រុងនេះស្ទើរតែរក្សាជាដដែល។ នៅពេលអតិថិជនឡើងឡាន ឡានអង្រួនយ៉ាងស្រាល ធ្វើឲ្យអតិថិជនអង្គុយក្នុងហាងមានអារម្មណ៍ដូចជាគេកំពុងធ្វើដំណើរតាមឡានក្រុងពិតៗ។
ក្រៅពីនោះ Bus Café មាន ២ សាខាដាក់ទីតាំងក្នុងមជ្ឈមណ្ឌលតាំងពិព័ណ៌កសិកម្មវៀតណាម (វិថីហ្វាងក្វឹកវៀត)។ ទីស្ថានក្នុងហាងកាហ្វេនោះគឺជាឡានទីក្រុងមាន ៤៥ កៅអី ប៉ុន្តែត្រូវគូរប្លង់ទីកន្លែងអង្គុយបន្ថែមលើដំបូល ក្លាយទៅជាហាងកាហ្វេឡានក្រុងពីរជាន់ពិសេសនិងល្អស្អាត។
ហាងកាហ្វេឡានក្រុងគឺជាទម្រង់រូបភាពធ្វើពាណិជ្ជកម្មល្អនិងចាប់ចិត្ត ដែលបានអភិវឌ្ឍន៍នៅប្រទេសអង់គ្លេស ប្រទេសជប៉ុននិងប្រទេសមួយចំនួនផ្សេងៗ ទៀតក្នុងតំបន់អ៊ឺរ៉ុប។ គុណសម្បត្តិធំបំផុតរបស់របៀបធ្វើពាណិជ្ជកម្មនេះគឺការសន្សំសំចៃលុយ បត់បែនក្នុងការធ្វើដំណើរមកដល់ទីកន្លែងផ្សេង។ អតិថិជនរបស់ប្រភេទហាងកាហ្វេនេះគឺសិស្ស និស្សិត និងយុវវ័យ ហើយក្រៅពីនេះគឺភ្ញៀវបរទេស។ បើសិនជាមានការអនុញ្ញាតិធ្វើដំណើរ ហាងកាហ្វេពិសេសនេះនឹងឆ្ពោះទៅកាន់ការទទួលភ្ញៀវបរទេសក្នុងតំបន់បឹងហ្វានគៀមនិងតំបន់វិថីបុរាណហាណូយ។ នៅទីនោះ ភ្ញៀវអាចគយគន់វិថីហាណូយផង ពិសាកាហ្វេក្នុងទីស្ថានដ៏កក់ក្តៅផង៕
អនុវត្ត៖ក្លឹបថតរូបកាលៈទេសៈមាស (កាសែតរូបភាពវៀតណាម)