ទិដ្ឋភាពនៅសន្និសីទសារព័ត៌មានអំពីពិព័រណ៍ផលិតផលនាំចេញ OCOP។ (រូបថត៖ VOV5)

ក្នុងសន្និសីទសារព័ត៌មាននារសៀលថ្ងៃទី ២៣ ខែកក្កដា នៅទីក្រុងហាណូយ គណៈកម្មការរៀបចំបានឲ្យដឹងថា ការតាំងពិព័រណ៍ផលិតផល OCOP (កម្មវិធីជាតិ ឃុំមួយផលិតផលមួយ) មានស្តង់ទំនិញចំនួន ៣០០ ស្តង់របស់អង្គភាពជិត ២០០ ដែលតាំងបង្ហាញផលិតផលជាប់វិញ្ញាបនបត្រ OCOP រាប់ពាន់មុខ មកពីខេត្ត-ក្រុង ចំនួន ៣៤ លើទូទាំងប្រទេស។ ព្រឹត្តិការណ៍នេះក៏បានទាក់ទាញការចូលរួមពីស្តង់ អន្តរជាតិនៃប្រទេសមួយចំនួនដូចជា ប៉េរូ ឡាវ កម្ពុជាជាដើម។ គិតត្រឹមខែកក្កដាឆ្នាំ ២០២៥ លើទូទាំងប្រទេសមានផលិតផល OCOP ចំនួនជាង ១៧ ពាន់មុខដែលជាប់ លំដាប់ផ្កាយ ៣ ឡើងទៅ ក្នុងនោះផលិតផល ១២៦ មុខ ត្រូវបានទទួលស្គាល់ ជាផលិតផល OCOP ផ្កាយ ៥ ថ្នាក់ជាតិ។ ក្នុងក្របខណ្ឌនៃពិព័រណ៍នេះ ក៏មាន ព្រឹត្តិការណ៍នានាដូចជា៖ សិក្ខាសាលា៖ “ការធ្វើបរិវត្តកម្មឌីជីថលក្នុងការអភិវឌ្ឍផលិត ផលនាំចេញ OCOP"; វេទិកា៖ និន្នាការប្រើប្រាស់សកល និងឱកាសសម្រាប់ការ នាំចេញ OCOP; ការតភ្ជាប់ពាណិជ្ជកម្មរវាងសហគ្រាសវៀតណាម និងអ្នកនាំចូល អន្តរជាតិ; កម្មវិធី Megalivestream “កសិផលកំពូល - កសិផលទៅកាន់ទីក្រុង"; ការកែច្នៃមុខម្ហូបពីផលិតផល OCOP។ ល៕