លោកឧត្តមសេនីយ៍ត្រី Pham Truong Son អនុប្រធាននៃអគ្គសេនាធិការកងទ័ពប្រជាជនវៀតណាម ទទួលជួបលោកឧត្តមសេនីយ៍ទោ នឹម បាឡែន នាយកទីចាត់ការកលយុទ្ធ អគ្គបញ្ជាការដ្ឋាននៃកង យោធពលខេមរភូមិន្ទ។ (រូបថត៖VNA)

នាព្រឹកថ្ងៃទី១៨ ខែសីហា ឆ្នាំ២០២៣ នៅទីក្រុងហាណូយ លោកឧត្តមសេនីយ៍ត្រី Pham Truong Son អនុប្រធាននៃអគ្គសេនាធិការកងទ័ពប្រជាជនវៀតណាម បានទទួលជួប លោកឧត្តមសេនីយ៍ទោ នឹម បាឡែន នាយកទីចាត់ការកលយុទ្ធ អគ្គបញ្ជាការដ្ឋាននៃកង យោធពលខេមរភូមិន្ទ។ នៅក្នុងជំនួបនេះ លោកឧត្តមសេនីយ៍ត្រី Pham Truong Son បានអបអរសាទរចំពោះប្រទេសកម្ពុជា ដែលបានរៀបចំប្រកបដោយជោគជ័យនូវការបោះ ឆ្នោតជ្រើសតាំងតំណាងរាស្រ្តនីតិកាលទី៧ ជាមួយនឹងជ័យជំនះរបស់គណបក្ស ប្រជាជនកម្ពុជា ដែលបង្ហាញពីការជឿទុកចិត្តរបស់ប្រជាជនមកលើសម្ដេចតេជោ ហ៊ុន សែន នាយករដ្ឋមន្ត្រីកម្ពុជានិងគណបក្សប្រជាជនកម្ពុជា; អះអាងថា ថ្នាក់ដឹកនាំអគ្គ សេនាធិការកងទ័ពប្រជាជនវៀតណាមជានិច្ចកាលគាំទ្រ និងបង្កើតលក្ខខណ្ឌ អំណោយផលសម្រាប់នាយកដ្ឋានកលយុទ្ធវៀតណាម បង្កើនកិច្ចសហប្រតិបត្តិការជា មួយទីចាត់ការកលយុទ្ធកម្ពុជា រួមចំណែកជំរុញទំនាក់ទំនងសហប្រតិបត្តិការលើវិស័យ ការពារជាតិរវាងប្រទេសទាំងពីរឲ្យកាន់តែស៊ីជម្រៅថែមទៀត។

រីឯខ្លួនវិញ លោកឧត្តមសេនីយ៍ទោ នឹម បាឡែន បានឲ្យដឹងថា ក្នុងកិច្ចពិភាក្សា ការងារកន្លងទៅរបស់គណៈប្រតិភូទីចាត់ការកលយុទ្ធជាមួយនាយកដ្ឋានកលយុទ្ធ នៃអគ្គសេនាធិការកងទ័ពប្រជាជនវៀតណាម ភាគីទាំងពីរបានឯកភាពលើខ្លឹមសារ សហប្រតិបត្តិការសំខាន់ៗជាច្រើននាពេលខាងមុខ ដូចជា៖ ធ្វើសមយុទ្ធប្រឆាំងភេរវ កម្ម ការជួបប្រាស្រ័យមិត្តភាពរវាងកងទ័ពការពារព្រំដែននៃប្រទេសទាំងបី វៀតណាម - ឡាវ - កម្ពុជា នៅចុងឆ្នាំនេះ; ការស្វែងរកអដ្ឋិធាតុកងទ័ពស្ម័គ្រចិត្តវៀតណាម ដែល បានពលីជីវិតក្នុងរយៈពេលបំពេញភារកិច្ចអន្តរជាតិ៕