ក្នុងកិច្ចប្រជុំនេះ ប្រធានរដ្ឋសភាវៀតណាម លោក ត្រិន ថាញ់មិន បានបញ្ជាក់ថា ច្បាប់ចំនួន៤ និងសេចក្តីសម្រេចចិត្តចំនួន៥ ស្តីពីការអនុវត្តការរៀបចំនិងបង្រួមក្បាលម៉ាស៊ីនរដ្ឋ ត្រូវបានរដ្ឋសភា អនុម័ត ដើម្បីលើកកំពស់គុណភាពនិងប្រសិទ្ធភាពនៃអភិបាលកិច្ចរដ្ឋ។ សេចក្តីសម្រេចចិត្តស្តីពីយន្តការ និងគោលនយោបាយពិសេស ជាក់លាក់ ព្រមទាំងខ្លឹមសារសំខាន់ៗ បន្ទាន់ និងចាំបាច់ផ្សេងទៀតក៏ត្រូវបានអនុម័តផងដែរ ដែលរួមចំណែកដល់ការពន្លឿនការអនុវត្តភារកិច្ចនានា ដើម្បីសម្រេចបាននូវគោលដៅកំណើន GDP ចាប់ពី ៨% ឡើងទៅ ក្នុងឆ្នាំនេះ និងកំណើនពីរខ្ទង់ក្នុងដំណាក់កាល ២០២៦-២០៣០។ លោកប្រធានរដ្ឋសភាបានសង្កត់ធ្ងន់ថា៖ “ក្នុងស្ថានភាពនៃការរៀបចំក្បាលម៉ាស៊ីនថ្នាក់ឃុំ នាពេលខាងមុខ  ត្រូវរួមបញ្ចូលប្រហែល ៦០-៧០% នៃឃុំសរុបចំនួន ១០.០០០ ។ គណៈកម្មាធិការអចិន្ត្រៃយ៍រដ្ឋសភាត្រូវមានភាពសកម្មនិងបន្ទាន់ដោយផ្អែកលើសំណើររបស់រដ្ឋាភិបាល។ តាមផែនការ គណៈកម្មាធិការអចិន្ត្រៃយ៍រដ្ឋសភានឹងជួបប្រជុំក្រៅម៉ោងយ៉ាងហោចណាស់កន្លះខែ។ យើងសម្រេចថា ចាប់ពីពេលនេះតទៅលែងមានអង្គភាពថ្នាក់ស្រុកទៀត ហើយនឹងបង្រួមអង្គភាពថ្នាក់ខេត្ត។ នេះគឺជាបរិមាណការងារដ៏ធំ”៕