បច្ចុប្បន្ននេះ ប្រទេសកេនយ៉ា អ៊ូហ្គង់ដា និងរវ៉ាន់ដា បានអំពាវនាវឱ្យពលរដ្ឋក្នុងប្រទេសអ៊ីស្រាអែល និងអ៊ីរ៉ង់ផ្តល់ព័ត៌មានទំនាក់ទំនង និងរក្សាទំនាក់ទំនងជាមួយបេសកកម្មការទូតរបស់ពួកគេ។ រដ្ឋាភិបាលអ៊ូហ្គង់ដាបាននិយាយថា ខ្លួនកំពុងសម្របសម្រួលយ៉ាងសកម្មក្នុងការជម្លៀសប្រជាជនអ៊ូហ្គង់ដាដែលជាប់គាំងទាំងក្នុងប្រទេសអ៊ីស្រាអែល និងអ៊ីរ៉ង់ តាមរយៈប្រទេសជិតខាង ដូចជាតួកគី អាស៊ែបៃហ្សង់និងហ្ស៊កដានី។

រដ្ឋាភិបាលកេនយ៉ាក៏បានចេញសេចក្តីណែនាំសម្រាប់ពលរដ្ឋរបស់ខ្លួនដែលរស់នៅក្នុងប្រទេសអ៊ីស្រាអែល និងអ៊ីរ៉ង់ ដោយស្នើឱ្យពួកគេធ្វើតាមការណែនាំរបស់អាជ្ញាធរមូលដ្ឋាន និងចែករំលែកព័ត៌មានទំនាក់ទំនងក្នុងករណីមានការជម្លៀសចេញ។ ប្រជាជនកេនយ៉ាត្រូវបានណែនាំឱ្យជៀសវាងសកម្មភាពដែលមិនចាំបាច់ និងរៀបចំឯកសារធ្វើដំណើរក្នុងករណីមានការចាកចេញជាបន្ទាន់ ឬការជម្លៀសចេញ។

ម្សិលមិញ (១៩ មិថុនា) រដ្ឋមន្ត្រី ងរដ្ឋមន្ត្រីការបរទេសអ៊ីតាលី លោក Antonio Tajani បាននិយាយថា ប្រទេសអ៊ីតាលីនឹងរក្សាស្ថានទូតរបស់ខ្លួនទាំងនៅទីក្រុង Tehran និង Tel Aviv ចំពេលមានជម្លោះដែលកំពុងបន្តរវាងអ៊ីរ៉ង់ និងអ៊ីស្រាអែល៕