បញ្ចប់បណ្ដាព្រឹត្តិការណ៍សប្តាហ៍សន្តិសុខស្បៀងអាហារ APEC
នាថ្ងៃទី២៥ ខែសីហា ឆ្នាំ២០១៧ នៅទីក្រុង Can Tho ភាគខាងត្បូងវៀតណាម អនុរដ្ឋមន្រ្តីក្រសួងកសិកម្មនិងអភិវឌ្ឍន៍ជនបទវៀតណាម លោក Le Quoc Doanh បានអញ្ជើញជាអធិបតីភាពសន្និសីទកាសែត បញ្ចប់ បណ្ដា ព្រឹត្តិការណ៍សប្តាហ៍សន្តិសុខស្បៀងអាហារ និងកិច្ចសន្ទនាគោលនយោបាយ ជាន់ខ្ពស់ ស្ដីពី សន្តិសុខស្បៀងអាហារ និងកសិកម្មប្រកបដោយនិរន្តរភាព បន្សាំនឹងបម្រែបម្រួលអាកាសធាតុ។ តាមលោក Le Quoc Doanh ថាកិច្ចសន្ទនា សន្តិសុខស្បៀងអាហារលើកនេះបានអនុម័តលើឯកសារសំខាន់ចំនួន ៣ គឺ៖ ផែនការសកម្មភាពអនុវត្តកម្មវិធីក្របខ័ណ្ឌច្រើនឆ្នាំរបស់ APEC ស្ដីពីសន្តិសុខស្បៀងអាហារ និងបម្រែបម្រួលអាកាសធាតុ ផែនការសកម្មភាពអនុវត្ត ក្របខ័ណ្ឌយុទ្ធសាស្រ្ត APEC ស្ដីពីការអភិវឌ្ឍជនបទនិងទីក្រុងប្រកបដោយនិរន្តរភាព ដើម្បីបង្កើនសន្តិសុខស្បៀងអាហារ និងកំណើនមានគុណភាព។ សេចក្តីប្រកាស Can Tho ស្ដីពីការបង្កើនសន្តិសុខស្បៀងអាហារ និងកសិកម្មប្រកបដោយនិរន្តរភាព បានសង្កត់ធ្ងន់ទៅលើសន្តិសុខស្បៀងអាហារនឹង បន្តជាបញ្ហាសំខាន់ចំពោះសហគមអន្តរជាតិនិយាយរួម និងតំបន់ APEC និយាយដោយឡែក។ លោក Le Quoc Doanh បានឲ្យដឹងថា៖
"គ្រប់ប្រទេសទាំងអស់សុទ្ធតែមានយុទ្ធសាស្ត្រ និងសកម្មភាពដើម្បីធានាសន្តិសុខស្បៀងអាហារ ក្នុងនោះបានឯកភាពនូវកិច្ចសហប្រតិបត្តិការ និងចែករំលែករវាងបណ្ដាខឿនសេដ្ឋកិច្ចនានា ក្នុងបញ្ហាសន្តិសុខស្បឿងអាហារ ជាពិសេសគឺបម្រែបម្រួលអាកាសធាតុ។ ដោយឡែក ចំពោះប្រទេសកសិកម្មដូចជាវៀតណាមគឺទទួលរងផលប៉ះពាល់យ៉ាងខ្លាំងបំផុត នៃបម្រែបម្រួលអាកាសធាតុ”។
ក្នុងរយៈពេលមួយសប្តាហ៍ប្រព្រឹត្តិទៅសប្ដាហ៍សន្តិសុខស្បៀងអាហារមានសកម្មភាពសំខាន់ៗដូចជា៖ កិច្ចសន្ទនាគោលនយោបាយជាន់ខ្ពស់ ស្ដីពីពីសន្តិសុខស្បៀងអាហារ និងអភិវឌ្ឍន៍កសិកម្មប្រកបដោយនិរន្តរភាព កិច្ចប្រជុំប្រចាំឆ្នាំរបស់បណ្ដាក្រុមការងារ APEC ជាដើម៕
តាម VOV5 - វិទ្យុសម្លេងវៀតណាម