គណៈប្រតិភូដែលចូលរួមសិក្ខាសាលា និងកម្មវិធីជួបប្រាស្រ័យឆ្នាំ ២០២៦ សម្រាប់មន្រ្តីយោធាវ័យក្មេងនៃប្រទេសវៀតណាម ឡាវ និងកម្ពុជា។ រូបថត៖ qdnd

កម្មវិធីជួបប្រាស្រ័យនេះ មានប្រធានបទ «មិត្តភាពដ៏ ស្អិតរមួត - បោះជំហានយ៉ាងរឹងមាំឆ្ពោះទៅអនាគត»។ ថ្លែងនៅក្នុងកម្មវិធីនេះ តំណាងគណៈប្រតិភូនាយទាហានវ័យក្មេងនៃប្រទេសទាំងបីបានបញ្ជាក់ថា ជំនួប​ប្រាស្រ័យលើកនេះ គឺជាសកម្មភាពដ៏​មានអត្ថន័យជាក់ស្តែង សំដៅអនុវត្តការយល់ឃើញរួមរបស់រដ្ឋមន្ត្រីក្រសួងការពារជាតិនៃប្រទេសទាំងបី វៀតណាម - ឡាវ - កម្ពុជា: រួមចំណែកបង្កើនការយល់ដឹងគ្នាទៅវិញ​ទៅមក ជម្រុញ​ទំនុកចិត្ត ពូនជ្រុំទំនាក់ទំនងសាមគ្គីភាពមិត្តភាពប្រពៃណីរវាងប្រជាជន និងកងទ័ពនៃប្រទេសទាំងបី។

ក្នុងក្របខ័ណ្ឌនៃកម្មវិធីនេះ នាយទាហានវ័យក្មេងនៃប្រទេសទាំងបីបានចូលរួមសកម្មភាពដ៏​មានអត្ថន័យជាច្រើន ដូចជា៖ ពិធីដាក់កម្រងផ្កា និងអុជធូប​រំលឹកវិញ្ញាណក្ខន្ធលោក​ប្រធាន ហូជីមិញ និងលោក​នាយ​ឧត្តមសេនីយ៍ Vo Nguyen Giap; ទៅទស្សនាសារមន្ទីរ និងកេរដំណែលប្រវត្តិសាស្ត្រ ការផ្លាស់​ប្តូរ វប្បធម៌ សិល្បៈ កីឡា; ទស្សនាបង្គោលព្រំដែនចំណុចប្រសព្វនៃប្រទេសទាំងបី វៀតណាម - ឡាវ - កម្ពុជា; ពិធីដាំដើមឈើមិត្តភាព និងការរៀបចំសកម្មភាពសុខុមាលភាពសង្គមផ្សេងៗទៀតផងដែរ៕