នាយករដ្ឋមន្ត្រី លោក ហ្វាម មិញ ជីញ អញ្ជើញទួលលោក Renato Costa ប្រធានក្រុមហ៊ុន Friboi ចំណុះក្រុមហ៊ុនផ្គត់ផ្គង់សាច់ប្រេស៊ីល JBS SA (រូបថត៖ Duong Giang/TTXVN)
នៅក្នុងជំនួបនេះ នាយករដ្ឋមន្ត្រី លោក ហ្វាម មិញ ជីញ បានអះអាងនូវបំណងរួមជាមួយរដ្ឋាភិបាលប្រេស៊ីល ដើម្បីជំរុញទំនាក់ទំនងពាណិជ្ជកម្ម និងវិនិយោគទ្វេភាគី; ស្នើឲ្យ JBS S.A ពង្រីកកិច្ចសហប្រតិបត្តិការនិងវិនិយោគនៅវៀតណាមលើវិស័យដែលក្រុមហ៊ុនមានប្រៀបខ្លាំងដូចជា៖ ការចិញ្ចឹមសត្វ ការកែច្នៃសាច់ ការស្រាវជ្រាវ និងកិច្ចសហប្រតិបត្តិការលើវិស័យដំណាំឧស្សាហកម្ម ការកែច្នៃកាហ្វេ។ល។ វៀតណាមក៏មានបំណងចង់ពង្រឹងកិច្ចសហប្រតិបត្តិការរ៉ែជាមួយប្រេស៊ីល ហើយត្រៀមខ្លួនជាស្រេចដើម្បីដើរតួជាស្ពានរវាងធុរកិច្ចប្រេស៊ីលនិងអាស៊ីអាគ្នេយ៍ ក៏ដូចជាទីផ្សារដែលវៀតណាមបានចុះហត្ថលេខាលើកិច្ចព្រមព្រៀងពាណិជ្ជកម្មសេរីផងដែរ។
ចំណែកលោក Renato Costa សង្ឃឹមថា រដ្ឋាភិបាលវៀតណាមនឹងបន្តបង្កើតលក្ខខណ្ឌអំណោយផលសម្រាប់ JBS S.A. នៅក្នុងសកម្មភាពអាជីវកម្ម និងការពង្រីកការវិនិយោគ; សន្យាបន្តជំរុញទំនាក់ទំនងរវាងអង្គភាពអាជីវកម្មប្រេស៊ីលនិងវៀតណាម ជំរុញកិច្ចសហប្រតិបត្តិការលើវិស័យនានាតាមការស្នើរបស់លោកនាយករដ្ឋមន្ត្រី៕