ទីក្រុងហាណូយត្រូវបានតុបតែងលម្អដោយទង់ជាតិ បដា និងពាក្យស្លោកចម្រុះពណ៌ ដើម្បីស្វាគមន៍មហាសន្និបាតទូទាំងប្រទេសលើកទី១៤ របស់បក្សកុម្មុយនិស្តវៀតណាម។ (រូបថត៖ VOV)

ប្រជាជនវៀតណាមរំពឹងថា មហាសន្និបាតលើកទី ១៤ នឹងដាក់ចេញគោលនយោបាយយុទ្ធសាស្ត្រ និងជាក់ស្តែង ដើម្បីជំរុញការអភិវឌ្ឍសេដ្ឋកិច្ចយ៉ាងឆាប់រហ័ស និងប្រកបដោយចីរភាព លើកកម្ពស់ជីវភាពរស់នៅរបស់ប្រជាជន រក្សាឯករាជ្យ អធិបតេយ្យភាព និងបរិយាកាសសន្តិភាពនិងស្ថិរភាព។

 “សហគមន៍ធុរកិច្ចវៀតណាមនៅប្រទេសជប៉ុនរំពឹងថា មហាសន្និបាតលើកទី ១៤នឹងចេញសេចក្តីសម្រេចចិត្តដ៏សំខាន់ដើម្បីបង្កើនតួនាទីរបស់អាណិកជនវៀតណាម ក្នុងការអភិវឌ្ឍសេដ្ឋកិច្ចរបស់ប្រទេសជាតិ។ យើងសង្ឃឹមថា នឹងមានយន្តការបើកចំហរបន្ថែមទៀតសម្រាប់អាណិក
ជនវៀតណាមធ្វើការវិនិយោគ ផ្ទេរបច្ចេកវិទ្យា និងតភ្ជាប់ទំនាក់ទំនងជាមួយទីផ្សារ”។

នៅលើឆាកអន្តរជាតិ មហាសន្និបាតលើកទី ១៤ ត្រូវបានតាមដានយ៉ាងដិតដល់ ពីព្រោះវៀតណាមកំពុងដើរតួនាទីយ៉ាងសំខាន់នៅក្នុងតំបន់ និងពិភពលោក ក្នុងនាមជាសេដ្ឋកិច្ចស្វាហាប់ ជាដៃគូដែលអាចទុកចិត្តបាន និងជាសមាជិកដែលមានទំនួលខុសត្រូវនៃសហគមន៍អន្តរជាតិ។

“ខ្ញុំជឿជាក់ថា ជាមួយនឹងស្មារតីសាមគ្គីភាព ប្រជាធិបតេយ្យ វិន័យ នវានុវត្តន៍ និងការអភិវឌ្ឍ មហាសន្និបាតលើកទី១៤ នឹងកំណត់ទិសដៅយុទ្ធសាស្ត្រត្រឹមត្រូវ ដោយបង្កើតមូលដ្ឋានគ្រឹះរឹងមាំ ដើម្បីវៀតណាមចូលដល់ដំណាក់កាលអភិវឌ្ឍន៍ថ្មី ដែលលឿនជាង និងប្រកបដោយចីរភាពជាង ដោយមានគោលបំណងឆ្ពោះទៅរកចក្ខុវិស័យនៃការក្លាយជាប្រទេសអភិវឌ្ឍន៍ និងមានប្រាក់ចំណូលខ្ពស់នៅឆ្នាំ២០៤៥។ ខ្ញុំជឿជាក់ និងរំពឹងថា ដោយផ្អែកលើទិសដៅយុទ្ធសាស្ត្រដែលបានកំណត់នៅក្នុងមហាសន្និបាតលើកទី១៤ ទំនាក់ទំនងមិត្តភាព កិច្ចសហប្រតិបត្តិការគ្រប់ជ្រុងជ្រោយ និងការតភ្ជាប់យុទ្ធសាស្ត្ររវាងប្រទេសទាំងពីរ នឹងបន្តបានពង្រឹង និងអភិវឌ្ឍកាន់តែខ្លាំងក្លាជាង”។

វៀតណាមកំពុងស្ថិតនៅចំណុចប្រសព្វប្រវត្តិសាស្ត្រមួយ។ រាល់ការសម្រេចចិត្តដែលបានអនុម័តនៅក្នុងមហាសន្និបាតលើកទី ១៤ នឹងបើកចេញជំពូកថ្មីមួយដ៏រុងរឿងជាង ក្នុងដំណើរអភិវឌ្ឍន៍ប្រទេសជាតិ គឺប្រទេសវៀតណាមដ៏រឹងមាំ វិបុលភាព មនុស្សធម៌ និងប្រកបដោយចីរភាព៕