រដ្ឋាភិបាលវេណេស៊ុយអេឡា​បាន​ឱ្យ​ដឹងថា គិតត្រឹម​យប់ថ្ងៃទី ២៦ ខែមិថុនា (ម៉ោងក្នុងស្រុក) ចំនួនអ្នកស្លាប់បានកើនឡើងដល់ ៥៨៩ នាក់ ខណៈដែល​មនុស្ស ២.៩៨០ នាក់បានរងរបួស។ យោងតាម​អាជ្ញាធធរវេណេស៊ុយអេឡា មនុស្សរាប់រយនាក់ត្រូវបានកប់នៅក្រោមគំនរបាក់បែកបន្ទាប់ពីអគារជាច្រើនបានដួលរលំទាំងស្រុង។ កិច្ចខិតខំប្រឹងប្រែងជួយសង្គ្រោះ​ជួប​ការ​លំបាក់​ជាច្រើន​ ដោយសារតែ​កង្វះខាតធន​ធានមនុស្ស​មាន​ជំនាញច្ពស់ និងឧបករណ៍ធុន​ធ្ងន់ ហើយអាកាសយានដ្ឋានអន្តរជាតិសំខាន់របស់ទីក្រុង Caracas នៅ La Guaira នៅតែបិទ ដោយសារតែការខូចខាតយ៉ាង​ធ្ងន់ធ្ងរ ដែលប៉ះពាល់ដល់ការទទួល​ជំនួយ​មនុស្ស​ធម៌។

សហគមន៍អន្តរជាតិកំពុងបង្កើនការឧបត្ថម្ភសម្រាប់ប្រទេសវេណេស៊ុយអេឡា​។ ក្រុមជួយសង្គ្រោះមកពីប្រទេស អែល សាល់វ៉ាឌ័រ ម៉ិកស៊ិក ស្វីស អេស្ប៉ាញ ឈីលី អាល្លឺម៉ង់ និងប្រទេសជាច្រើនទៀតបានមកដល់ ឬកំពុងធ្វើដំណើរទៅកាន់កន្លែងកើតហេតុ។ សហរដ្ឋអាមេរិកបានដាក់ពង្រាយប្រតិបត្តិការសង្គ្រោះទ្រង់ទ្រាយធំជាមួយ​នាវាចម្បាំង យន្តហោះដឹកជញ្ជូន ឧទ្ធម្ភាគចក្រ និងបានសន្យាផ្តល់ជំនួយ​​ចំនួន ១៥០ លានដុល្លារអាមេរិក​៕​