ព្រឹត្តិការណ៍នេះបានធ្វើឡើងនៅព្រឹកថ្ងៃទី១៨ ខែសីហា នៅទីក្រុងហាណូយ ដោយការិយាល័យនយោបាយ និងលេខាធិការដ្ឋានរៀបចំឡើង។ អញ្ជើញចូលរួមមានវត្តមានលោកនាយករដ្ឋមន្ត្រី ឡេ មិញ ហ៊ឹង ប្រធានរដ្ឋសភា លោក ជិន ថាញ់ មិន និងសមាជិកអចិន្ត្រៃយ៍នៃលេខាធិការដ្ឋាន លោក ជិន កឹម ទូ។

អគ្គលេខាបក្ស ប្រធានរដ្ឋលោកតូ ឡឹម អញ្ជើញថ្លែងនៅក្នុងកិច្ចប្រជុំ (រូបថត៖ VNA)

អញ្ជើញថ្លែងក្នុងជំនួបនេះ អគ្គលេខាបក្ស ប្រធានរដ្ឋ លោកតូ ឡឹម បានបញ្ជាក់ពីតម្រូវការក្នុងការរក្សា និងបង្កើនភាពជាអ្នកដឹកនាំគ្រប់ជ្រុងជ្រោយរបស់បក្ស; បន្តប្រកាន់យ៉ាងខ្ជាប់ខ្ជួននូវគោលដៅឯករាជ្យជាតិនិងសង្គមនិយម និងបន្តកែលម្អសមត្ថភាពគ្រប់គ្រង និងកម្លាំងប្រយុទ្ធរបស់បក្ស។ អគ្គលេខាបក្ស ប្រធានរដ្ឋ លោកតូ ឡឹម មានប្រសាសន៍ថា៖ “ធ្វើយ៉ាងម៉េចដើម្បីឲ្យក្បាលម៉ាស៊ីនបន្ទាប់ពីបានរៀបចំរចនាសម្ព័ន្ធឡើងវិញ ត្រូវតែមានភាពសាមញ្ញ បង្រួម រឹងមាំនិងមានប្រសិទ្ធភាព។ រង្វាស់គឺមិនត្រឹមតែកាត់បន្ថយចំនួនស្ថាប័នប៉ុណ្ណោះទេ ប៉ុន្តែថា តើការសម្រេចចិត្តលឿនជាង ការសម្របសម្រួលរលូនជាង ធនធានត្រូវបានប្រើប្រាស់ប្រសើរជាង ហើយប្រជាជន និងអាជីវកម្មត្រូវបានបម្រើងាយស្រួលជាងអត់។ ជាមួយគ្នានោះ វិមជ្ឈការ និងវិសហមជ្ឈការត្រូវតែដើរទន្ទឹមគ្នាជាមួយនឹងធនធាន សមត្ថភាព ការទទួលខុសត្រូវ និងការគ្រប់គ្រងអំណាច។ ភារកិច្ចនីមួយៗត្រូវតែមានគោលបំណងច្បាស់លាស់ពោលគឺ ភារកិច្ចច្បាស់លាស់ មនុស្សច្បាស់លាស់ ការទទួលខុសត្រូវច្បាស់លាស់ ថ្ងៃផុតកំណត់ច្បាស់លាស់ ធនធានច្បាស់លាស់ និងលទ្ធផលច្បាស់លាស់”។

នៅក្នុងពិធីនេះ អគ្គលេខាបក្ស ប្រធានរដ្ឋ​លោកតូ ឡឹម បានប្រគល់គ្រឿងឥស្សរិយយសហូជីមិញដល់អតីតប្រធានរដ្ឋលោក លឿង គឿង។ អតីតនាយករដ្ឋមន្ត្រី លោក ផាម មិញ ជិញ រួមជាមួយអតីតសមាជិកនៃការិយាល័យនយោបាយតាមសម័យកាលនិមួយៗ៕