នៅក្នុងកិច្ចប្រជុំ គណៈប្រតិភូបានវាយតម្លៃថា នាឆ្នាំ២០១៩ រដ្ឋាភិបាលនឹងបន្តដឹកនាំនិងចាត់ចែងយ៉ាងខ្លាំងលើវិស័យសេដ្ឋកិច្ច សង្គមសន្តិសុខ ការពារជាតិនិងកិច្ចការបរទេស ដោយមានគោលដៅលើសពីការកំណត់ចំនួន ៥ និងសម្រេចបានគោលដៅចំនួន ៧។
ទិដ្ឋភាពនៃសម័យប្រជុំ
បន្តសម័យប្រជុំលើកទី ៣៨ នាថ្ងៃទី ១៥ ខែតុលា គណៈកម្មាធិការអចិន្ត្រៃយ៍នៃរដ្ឋសភាបានផ្តល់យោបល់លើរបាយការណ៍ស្តីពីលទ្ធផលនៃការអនុវត្តផែនការអភិវឌ្ឍន៍សេដ្ឋកិច្ច - សង្គមនិងថវិកាជាតិក្នុងឆ្នាំ២០១៩; ផែនការអភិវឌ្ឍន៍សេដ្ឋកិច្ច - សង្គម គម្រោងបែងចែកថវិការដ្ឋនិងផែនការសម្រាប់ការបែងចែកថវិកា
មជ្ឈឹមឆ្នាំ ២០២០ ផងដែរ។ នៅក្នុងកិច្ចប្រជុំ គណៈប្រតិភូបានវាយតម្លៃថា នាឆ្នាំ ២០១៩ រដ្ឋាភិបាលនឹងបន្តដឹកនាំនិងចាត់ចែងយ៉ាងខ្លាំងលើវិស័យសេដ្ឋកិច្ច សង្គមសន្តិសុខ ការពារជាតិនិងកិច្ចការបរទេស ដោយមានគោលដៅលើសពីការកំណត់ចំនួន ៥ និងសម្រេចបានគោលដៅចំនួន ៧។ ជាមួយនឹងដំណោះស្រាយដែលរដ្ឋាភិ បាលបានដាក់ចេញនោះ មតិជាច្រើនបានស្នើថា ត្រូវបន្តជំរុញការវិនិយោគសាធារណៈ។ ទន្ទឹមនឹងនេះជួយឧបត្ថម្ភការខាតបង់កសិកម្មទៀតផង។
អញ្ជើញថ្លែងក្នុងកិច្ចប្រជុំ ប្រធានរដ្ឋសភា លោកស្រី Nguyen Thi Kim Ngan បានមានប្រសាសន៍ថា៖ “សម្រាប់ឆ្នាំ ២០២០នេះ គោលដៅរបស់យើងនៅតែបានរក្សាប៉ុន្តែដើម្បីរក្សាបានស្ថេរភាពម៉ាក្រូសេដ្ឋកិច្ចក្នុងបរិបទនៃស្ថានភាពក្នុងស្រុកនិងអន្តរជាតិកំពុងប្រែប្រួលយ៉ាងស្មុគស្មាញ។ លើសពីនេះទៅទៀត និន្នាការគាំពារពាណិជ្ជកម្ម ជម្លោះពាណិជ្ជកម្ម ជម្លោះភូមិសាស្ត្រនយោបាយរវាងប្រទេសធំៗ ក៏អាចជះឥទ្ធិពលអវិជ្ជមានដល់ផលិតកម្មនិងការនាំចូល - នាំចេញរបស់វៀតណាមដែរ។ យ៉ាងណាមិញ វៀតណាមត្រូវឆ្លៀត យកនូវប្រយោជន៍ពីឱកាសដែលនាំមកដោយកិច្ចព្រមព្រៀងពាណិជ្ជកម្មសេរីជំនាន់ថ្មី និងដោះស្រាយហានិភ័យក៏ដូចជាបញ្ហាប្រឈមខណៈពេលដែល យើងធ្វើសមា ហរណកម្មកាន់តែស៊ីជម្រៅទៅក្នុងសេដ្ឋកិច្ចពិភពលោក”។
លោកស្រីប្រធានរដ្ឋសភា Nguyen Thi Kim Ngan ក៏បានស្នើអោយបន្តអនុវត្តគោលនយោបាយហិរញ្ញវត្ថុតឹងរឹង សន្សំសំចៃ មានប្រសិទ្ធភាពនិងតម្លាភាព។ ពោលគឺនៅឆ្នាំ ២០២០ ព្យាយាមបង្កើនប្រាក់ចំណូលនិងដោះស្រាយបំណុលពន្ធដើម្បីធ្វើខឿន ហិរញ្ញវត្ថុជាតិមានតម្លាភាព៕
តាម VOV5 - វិទ្យុសម្លេងវៀតណាម