ក្រុមបាល់ទាត់ជម្រើសជាតិវៀតណាម កាលពីយប់ថ្ងៃទី១៥ ខែធ្នូ បានយកឈ្នះលើក្រុមបាល់ទាត់ជម្រើសជាតិឥណ្ឌូនេស៊ីក្នុងលទ្ធផល ១-០ ក្នុងការប្រកួតទីពីរនៃពូល B នៃព្រឹត្តិការណ៍បាល់ទាត់ជើងឯកអាស៊ីអាគ្នេយ៍-អាស៊ាន ២០២៤។ ការប្រកួតធ្វើឡើងនៅកីឡដ្ឋាន Viet Tri, ខេត្ត Phu Tho។ គ្រាប់បាល់ឈ្នះតែមួយគត់របស់ក្រុមជម្រើសជាតិវៀតណាម រកបានដោយកីឡាករ Nguyen Quang Hai នៅនាទី៧៨។

នេះជាជ័យជម្នះលើកទី២របស់ក្រុមជម្រើសជាតិវៀតណាម បន្ទាប់ពីប្រកួតបាន២លើក (លើកមុនឈ្នះឡាវ ៤-១ កាលពីថ្ងៃទី៩ ធ្នូ)។ ជាមួយនឹងលទ្ធផលនេះ ក្រុមបាល់ទាត់ជម្រើសជាតិវៀតណាម បានឡើងឈរកំពូលតារាងពូល B ដោយមាន ៦ ពិន្ទុ បន្ទាប់ពីប្រកួតបាន ២ លើក។ ក្រុមជម្រើសជាតិឥណ្ឌូណេស៊ីឈរនៅលេខរៀងទី២ មាន៤ពិន្ទុបន្ទាប់ពីប្រកួតបាន៣លើក។ ជ័យជម្នះនេះក៏បានបញ្ចប់ការរងបរាជ័យជាបន្តបន្ទាប់របស់ក្រុមជម្រើសជាតិ វៀត ណាមជាមួយនឹងក្រុមជម្រើសជាតិឥណ្ឌូណេស៊ីក្នុងឆ្នាំនេះ៕