ទិដ្ឋភាពនៃជំនួប
នារសៀលថ្ងៃទី២៨ ខែមេសា ឆ្នាំ២០១៦ នៅទីក្រុងហាណូយ ឧត្តមសេនីយ៍ឯក លោក Nguyen Chi Vinh អនុរដ្ឋមន្ត្រីក្រសួងការពារប្រទេសវៀតណាម បានអញ្ជើញ ជួបសន្ទនាជាមួយលោក Tim Huxley នាយកប្រតិបត្តិនៃវិទ្យាស្ថានស្រាវជ្រាវ យុទ្ធសាស្ត្រអន្តរជាតិតំបន់អាស៊ី ក្នុងឱកាសលោកមកបំពេញទស្សនកិច្ចការងារ នៅវៀតណាម។ នៅទីនេះ ឧត្តមសេនីយ៍ឯក Nguyen Chi Vinh បានឲ្យដឹងថា នាយឧត្តមសេនីយ៍ Ngo Xuan Lich រដ្ឋមន្ត្រីក្រសួងការពារប្រទេសវៀតណាម នឹងដឹកនាំគណៈប្រតិភូយោធាជាន់ខ្ពស់របស់វៀតណាមទៅចូលរូមកិច្ចសន្ទនា Shangri-La ២០១៦និងអញ្ជើញថ្លែងមតិនៅក្នុងសន្និសីទនេះ។ ឧត្តមសេនីយ៍ឯក Nguyen Chi Vinh បានសង្កត់ធ្ងន់ថា វៀតណាមគាំទ្រជានិច្ចនូវស្មារតីកសាង សន្តិភាពរបស់ប្រទេសក្នុងតំបន់អាស៊ី-ប៉ាស៊ីហ្វិកទាំងអស់ ព្រមទាំងសហគមន៍អន្តរជាតិចំពោះបញ្ហានេះ។ ដោយហេតុនេះ ក្នុងឱកាសចូលរួមកិច្ចសន្ទនា Shang ri-La លើកនេះ គណៈប្រតិភូវៀតណាមនឹង បង្កើនចំនួនអ្នកប្រាជ្ញខាងយោធា សំដៅបង្កើនគុណភាពនៃកិច្ចសន្ទនានេះ។
រីឯខ្លួនវិញ លោក Tim Huxley មានបំណងថា គណៈប្រតិភូយោធាជាន់ខ្ពស់ របស់វៀតណាមនឹងបន្តមានបទអន្តរាគមន៍មានគុណភាពប្រកបដោយប្រសិទ្ធិភាព រួមចំណែកចូលក្នុងជោគជ័យរបស់ Shangri-La ២០១៦ផងដែរ៕
តាម VOV5 - វិទ្យុសម្លេងវៀតណាម