ប្រធានរដ្ឋវៀតណាម លោក Tran Dai Quang
នាព្រឹកថ្ងៃទី១៩ ខែឧសភា ឆ្នាំ២០១៧ នៅទីក្រុងហាណូយ បានប្រារព្វឡើងសិក្ខាសាលា ស្ដីអំពីអនាគតទំនាក់ទំនងពាណិជ្ជកម្មនិងវិនិយោគវៀតណាម-អាមេរិក ដោយប្រធានបទ៖ ទស្សនះវិស័យវៀតណាមនិងអាមេរិកឆ្នាំ២០១៧ និងបណ្ដាឆ្នាំជាបន្ត។ នៅទីនេះ ប្រធានរដ្ឋវៀតណាម លោក Tran Dai Quang បានវាយតំលៃខ្ពស់ ចំពោះទំនាក់ទំនងវៀតណាម-អាមេរិក ដែលមានជំហានលោតផ្លោះខ្លាំងក្លា ជាក់ស្ដែងនិងនៅលើគ្រប់វិស័យ តាមទិសដៅនៃទំនាក់ទំនងដៃគូលើគ្រប់វិស័យ វៀតណាម-អាមេរិក ឆ្នាំ ២០១៣ សេចក្ដីថ្លែងការណ៍ស្ដីអំពីចក្ខុវិស័យរួម ក្នុងឱកាសបំពេញទស្សនកិច្ច នៅអាមេរិករបស់អគ្គលេខាបក្សលោក Nguyen Phu Trong នាខែកក្កដាឆ្នាំ២០១៥ និងសេចក្តីថ្លែងការណ៍រួមវៀតណាម-អាមេរិក ក្នុងឱកាសប្រធានាធិបតីអាមេរិក លោក Barack Obama មកបំពេញទស្សនកិច្ចនៅវៀតណាម នាខែឧសភាឆ្នាំ២០១៦។ ប្រធានរដ្ឋ លោក Tran Dai Quang បានសង្កត់ធ្ងន់ថា៖
“ ស្ដីអំពីវិស័យវិនិយោគ យើងខ្ញុំលើកទឹកចិត្តសហគ្រាសអាមេរិកបោះទុនវិនិយោគនៅវៀត ណាមក្នុងវិស័យដែលអាមេរិកមានឧត្តមភាព និងវៀតណាមមានតម្រូវការ និងអាចបង្កលក្ខណៈដើម្បីសហគ្រាសអាមេរិក សហប្រតិបត្តិការជាមួយសហគ្រាសវៀតណាម រួមគ្នាអភិវឌ្ឍន៍ ដូចជា៖ ថាមពល ប្រេងឧស្ម័ន ហេដ្ឋារចនាសម្ព័ន្ធ ហិរញ្ញវត្ថុ-ធនាគារ អប់រំ-បណ្ដុះបណ្ដាលនិងទេសចរណ៍។ ”
រីឯ ឯកអគ្គរដ្ឋទូតអាមេរិកប្រចាំនៅវៀតណាម លោក Ted Osius បានចាត់ទុកថា៖សិក្ខាសាលាជាឱកាសមួយដើម្បីសហគមន៍សហគ្រាសនៃប្រទេសទាំងពីរ ជួបសន្ទនាផ្ទាល់ ចែករំលែកបទពិសោធន៍ ក្នុងសកម្មភាពវិនិយោគនិងអាជីវកម្ម៕
តាម VOV5 - វិទ្យុសំឡេងវៀតណាម