ការចុះឈ្មោះនឹងចាប់ផ្តើមនៅថ្ងៃទី ៤ ខែវិច្ឆិកា ឆ្នាំ ២០២៦។ វត្តមាននៃពានរង្វាន់ប្រណាំង IRONMAN ៧០.៣ ឈូងសមុទ្រហាឡុង បញ្ជាក់បន្ថែមទៀតអំពីការរីកចម្រើននៃវិញ្ញាសាប្រកួតកីឡាត្រីអត្តពលកម្មនៅប្រទេសវៀតណាម ខណៈពេលដែលពង្រីកបណ្តាញប្រណាំង IRONMAN ៧០.៣ ទៅកាន់តំបន់ភាគខាងជើង។ ពានរង្វាន់ ៧០.៣ ឈូងសមុទ្រហាឡុង ផ្តល់ជូននូវការប្រកួតកីឡាត្រីអត្តពលកម្មសរុបចម្ងាយ ១១៣គីឡូម៉ែត្រ រួមមានហែលទឹក ១,៩ គីឡូម៉ែត្រ ជិះកង់ ៩០ គីឡូម៉ែត្រ និងរត់ ២១,១ គីឡូម៉ែត្រ។

ពានរង្វាន់ IRONMAN ៧០.៣ ឈូងសមុទ្រហាឡុង នឹងប្រព្រឹត្តទៅជាផ្លូវការនៅថ្ងៃអាទិត្យ ថ្ងៃទី ២១ ខែមីនា ឆ្នាំ ២០២៧។ មុននោះ នៅថ្ងៃទី ២០ ខែមីនា ឆ្នាំ ២០២៧ ការប្រកួតកីឡាត្រីអត្តពលកម្មចម្ងាយ ៥១៥០ ម៉ែត្រ ការប្រណាំង SUNRISE SPRINT វៀតណាម និង IRONKIDS វៀតណាម នឹងត្រូវធ្វើឡើងនៅទីក្រុងហាឡុង ដែលបង្កើតជាសប្តាហ៍កីឡាចម្រុះសម្រាប់អត្តពលិកគ្រប់វ័យ និងគ្រប់កម្រិតជំនាញ។

ជ្រុងមួយនៃឈូងសមុទ្រហាឡុង។ រូបថត៖ VNA

ពានរង្វាន់ IRONMAN ៧០.៣ ឈូងសមុទ្រហាឡុង ផ្តល់ជូនអ្នកចូលរួមនូវបទពិសោធន៍ដ៏ចាប់អារម្មណ៍ក្នុងការស្វែងរកឈូងសមុទ្រហាឡុង និងគោលដៅទេសចរណ៍ដ៏ទាក់ទាញផ្សេងទៀតនៅក្នុងទីក្រុងក្វាងនិញ៕