អគ្គនាយក PetroVietnam លោក Nguyen Quoc Khanh និងប្រធានក្រុមប្រឹក្សាអភិបាល Gazprom លោក Alexey Miller ចុះហត្ថលេខាលើកិច្ចព្រមព្រៀងសហប្រតិបតិ្តការរវាងសម្ព័ន្ធក្រុមហ៊ុនទាំង២ (រូបថត៖Vietnam+)
ក្នុងក្របខ័ណ្ឌវេទិការសេដ្ឋកិច្ចអន្តរជាតិ St. Petersburg លើកទី១៩(SPIEF ២០១៥) ដែលប្រព្រឹត្តទៅ ចាប់ពីថ្ងៃទី១៨ដល់ថ្ងៃទី២០ ខែមិថុនា ឆ្នាំ២០១៥ ក្រុមការងារនៃសម្ព័ន្ធក្រុមហ៊ុនប្រេងឧស្ម័នវៀតណាម (PetroVietnam) ដឹកនាំដោយអគ្គនាយកលោក Nguyen Quoc Khanh បានមានជំនួបចរចា ជាមួយថ្នាក់ដឹកនាំនៃសម្ព័ន្ធក្រុមហ៊ុនប្រេងឧស្ម័នធំៗរបស់រុស្ស៊ី ស្ដីពីការបង្កើនទំនាក់ទំនងសហប្រតិបតិ្តការវិនិយោគរវាងភាគីទាំង២។ ក្នុងជំនួបចរចាជាមួយប្រធានក្រុមប្រឹក្សាអភិបាល Gazprom លោក Alexey Miller ភាគីទាំង២បានពិភាក្សា អំពីការបើក ទូលាយរោងចក្រចម្រាញ់ប្រេង Dung Quat ហើយចុះហត្ថលេខាលើកិច្ចព្រមព្រៀង ស្ដីពីលក្ខខ័ណ្ឌមូលដ្ឋានសំរាប់គំរោងការអភិវឌ្ឍន៍ និងធ្វើអាជីវកម្មអណ្ដូងប្រេង Nagumanovsky និងPurpovsk ខាងជើងរបស់រុស្ស៊ី។ ក្នុងជំនួបចរចា ជាមួយថ្នាក់ដឹកនាំសម្ព័ន្ធក្រុមហ៊ុន Rosneft ភាគីទាំង២បានផ្លាស់ប្ដូរ អំពីរបៀបបង្កើនកិច្ចសហប្រតិបតិ្តការ ក្នុងគំរោងការណ៍ធ្វើអាជីវកម្មរួមនៅតំបន់ខ្ពង់រាបបាតសមុទ្រវៀតណាម៕
តាម VOV5 - វិទ្យុសម្លេងវៀតណាម
