EU ជាដៃគូលំដាប់ថ្នាក់ឈានមុខរបស់វៀតណាម
តាមសៀវភៅកាន់ដៃសម្រាប់សហគ្រាសវៀតណាម ស្តីពី EVFTA រៀបចំដោយក្រសួងពាណិជ្ជកម្ម គម្រោងការឧបត្ថម្ភគោលនយោបាយពាណិជ្ជកម្ម និងការវិនិយោគរបស់ទ្វីបអឺរុបរៀបរៀងចងក្រង អំឡុងជាងមួយទស្សវត្សកន្លងទៅ តម្លៃពាណិជ្ជកម្មទ្វេទិស កើនឡើង១០ដង ចាប់ពី៤,១ពាន់លានដូល្លាអាមេរិក នៅឆ្នាំ២០០០ កើនឡើងដល់៤១,៣ពាន់លានដូល្លាអាមេរិក នៅឆ្នាំ២០១៥។ តួលេខនេះ ជួយ EU ក្លាយជាដៃគូមួយក្នុងចំណោមដៃគូពាណិជ្ជកម្ម លំដាប់ថ្នាក់ឈានមុខ របស់វៀតណាមទៅកាន់ EU។ ក្នុងនោះ ការនាំចេញរបស់វៀតណាម ទៅកាន់ EU សម្រេចជិត៣១ពាន់លានដូល្លាអាមេរិក និងនាំចូលពី EU សម្រេចជាង១០ពាន់លានដូល្លាអាមេរិក។
EU ក៏ជាដៃគូមួយក្នុងចំណោមដៃគូលំដាក់ថ្នាក់ឈានមុខរបស់វៀតណាម ដោយមានគម្រោងការចំនួន១.៨០៩គម្រោង មកពី២៤ប្រទេសជាសមាជិក ដែលនៅមានសុពលភាព ជាមួយសរុបដើមទុនវិនិយោគបានចុះបញ្ជីគឺ ២៣,១៦ពាន់លានដូល្លាអាមេរិក ស្រូបយក៨,៧% នៃចំនួនគម្រោងការ និង៨% នៃសរុបដើមទុនវិនិយោគបានចុះបញ្ជីនៃទូទាំងប្រទេស។
លោកនាយករដ្ឋមន្រ្តី ង្វៀនស្វឹនភុក (Nguyen Xuan Phuc) ទទួលជួប លោក Phil Hogan ឧត្តមស្នងការ
ទទួលបន្ទុកកសិកម្ម របស់សហភាពអឺរុប។ រូបថត៖ ថុងញ៉ឹត/ទីភ្នាក់ងារសារព័ត៌មានវៀតណាម
កិច្ចពិភាក្សាស្តីពីភាពវិជ្ជមាននៃកិច្ចព្រមព្រៀងពាណិជ្ជកម្មសេរី EU និងវៀតណាម។
រូបថត៖ យ័ញឡាម/ទីភ្នាក់ងារសារព័ត៌មានវៀតណាម
ក្រុមសហគ្រាសអឺរុប អញ្ជើញមកបំពេញទស្សនកិច្ច និងស្វែងរកឱកាសសហប្រតិបត្តិការវិនិយោគ
នៅទីក្រុងហូជីមិញ។ រូបថត៖ ថាញវូ/ទីភ្នាក់ងារសារព័ត៌មានវៀតណាម
សហគ្រាសបារាំងពិភាក្សាការស្វែងរកឱកាសវិនិយោគ នៅវៀតណាម។ រូបថត៖ ហ្វីហុង/
ទីភ្នាក់ងារសារព័ត៌មានវៀតណាម
វិស័យទាំងឡាយដែលបានវិនិយោគិន EU យកចិត្តទុកដាក់បំផុត គឺវិស័យឧស្សាហកម្មកែច្នៃ ផលិតកម្មចែកចាយអគ្គិសនី អាជីវកម្មអចលនទ្រព្យ សាងសង់ និងវិស័យសេវាកម្មមួយចំនួនផ្សេងទៀង។ ប្រទេសនានាដែលវិនិយោគច្រើនបំផុត រួមមាន៖ ប្រទេសហូឡង់ អង់គ្លេស បារាំង លុចសំបួ និងអាលី្លម៉ង់ ស្រូបយក៨៤,៣% នៃសរុបដើមទុនវិនិយោគរបស់ EU ចូលមកប្រទេសវៀតណាម។
សកម្មភាពនាំចេញនិងនាំចូលទំនិញរបស់វៀតណាម ប្រមូលផ្តុំច្រើននៅប្រទេសមួយចំនួនដូចជា ប្រទេសអាល្លីម៉ង់ បារាំង អង់គ្លេស ហូឡង់ និងអ៊ីតាលី។ តាមសន្ទស្សន៍របស់អគ្គនាយដ្ឋានគយ នេះជាប្រាំទីផ្សារធំបំផុតរបស់វៀតណាមនៅក្នុងEU ទាំងការនាំចេញនិងនាំចូល ស្រូកយកជាង៦៨% នៃសរុបពាណិជ្ជកម្មនឹងប្រទេសនានានៅក្នុង EU។
ក្នុងពេលនោះ វៀតណាមនាំចូលពី EU នូវមុខទំនិញជាចម្បងដូចជា៖ ឱសថ ម៉ាស៊ីន សម្ភារៈរថយន្ត និងគ្រឿងបន្លាស ជាតិគីមិ ផលិតផលទឹកដោះគោ អាហារបសុសត្វ វត្ថុធាតុសម្រាប់ដេរសម្លៀកបំពាក់ និងធ្វើស្បែកជើង។
ឱកាសសម្រាប់ភាគីទាំងពីរ
លោក Phil Hogan ឧត្តមស្នងការកសិកម្មនិងអភិវឌ្ឍន៍ជនបទរបស់ EU បានចាត់ទុកវៀតណាមជាប្រទេសមួយមានខឿនសេដ្ឋកិច្ចសកម្ម ទំនាក់ទំនងពាណិជ្ជកម្មរបស់វៀតណាម និង EU រឹងមាំ ពេលភាគីទាំងពីរមានប្រយោជន៍រួម។
ក្រោយសឹង្ហបូរី វៀតណាមជាប្រទេសទី២ បញ្ចប់កិច្ចចរចា EVFTA ជាមួយ EU។ តាមនោះ EU ត្រៀមជាស្រេចការវិនិយោគផ្គត់ផ្គង់នូវទំនិញល្អបំផុត និងជួយវៀតណាមលើកកម្ពស់កម្រិតគ្រប់គ្រង អំពីសុវត្ថិភាពអាហារ។
តាមសៀវភៅកាន់ដៃសម្រាប់សហគ្រាសវៀតណាម វៀតណាមនិង EUនឹងបំបាត់ចោលពន្ធនាំចូលជិត១០០% ចំពោះប្រភេទពន្ធនិងតម្លៃនាំចេញសម្រាប់ទំនិញរបស់ភាគីទាំងពីរ ដោយដំណើរការអតិបរិមាណគឺ៧ឆ្នាំ មកពីភាគី EU និង១០ឆ្នាំមកពីភាគីវៀតណាម។ គួរកត់សម្គាល់ មានមុខទំនិញជាច្រើនទទួលបានពន្ធដាស្មើនឹង០% ពេលដែលកិច្ចព្រមព្រៀងមានសុពលភាព។ ក្នុងនោះឱកាសនាំចេញ ចំពោះក្រុមទំនិញកសិផលយ៉ាងច្រើន រួមមាន៖ ជលផល អង្ករ ស្ករ គ្រាប់ម្រេច គ្រាប់ស្វាយចន្ទី ទឹកឃ្មុំធម្មជាតិ ផលិផលទាំងអស់ដូចបន្លែផ្លែមើមស្រស់ និងច្នៃទឹកផ្លែឈើ។
ជាក់ស្តែង កាហ្វេសព្វថ្ងៃមានកម្រិតពន្ធមូលដ្ឋាន ពី០ទៅដល់១១,៥% គ្រាប់ម្រេចពី០ទៅដល់៤% ទឹកឃ្មុំធម្មជាតិគឺ១៧,៣% ផលិតផលបន្លែផ្លែមើមស្រស់ និងច្នៃទឹកផ្លែឈើស្រស់ទាំងអស់នេះ មានកម្រិតពន្ធមូលដ្ឋានខ្ពស់បំផុតគឺ២០% នឹងបានបំបាត់ចោលពន្ធនាំចូល ពេលដែលកិច្ចព្រមព្រៀងមានសុពលភាព។ មុខទំនិញទាំងឡាយនេះ មានតម្លៃនាំចេញទៅកាន់ EU នៅឆ្នាំ២០១៥ ចាប់ពីជិត៣០០លានដូល្លាអាមេរិក ឡើងដល់ជាង១,១៥ពាន់លានដូល្លាអាមេរិក។
យ៉ាងណាមិញ តាមលោកភុងហូវហាវ (Phung Huu Hao) នាយករងនៃការដ្ឋានគ្រប់គ្រងគុណភាពកសិ-រុក្ខ-ជលកម្ម ក្រសួងកសិកម្មនិងអភិវឌ្ឍន៍ជនបទ ដើម្បីមុខទំនិញផ្លែឈើវៀតណាម មានឱកាសនាំចេញទៅទីផ្សារពិបាកៗដូចជា EU វៀតណាមត្រូវការឧបត្ថម្ភពីស្ថាបនទ្វីបអឺរុប ពីការបំពាក់សម្ភារៈនិងបំណិនការងារក្នុងបន្ទប់ត្រួតពិនិត្យ, វិភាគរកឃើញថ្នាំការពាររុក្ខជាតិដែលបន្សល់នៅលើរុក្ខជាតិ ក្នុងកម្រិតទាបបំផុតតាមសំណូមពរម៉ឹងមាត់របស់ EU និយាយដោយឡែក និងរបស់ប្រទេសជាច្រើននៅលើពិភពលោកនិយាយរួម។
ក៏តាមសៀវភៅកាន់ដៃសម្រាប់សហគ្រាសវៀតណាម វាយភណ្ឌក៏ជាមុខទំនិញនាំចេញចម្បងរបស់វៀតណាម ទៅកាន់ EU ដោយតម្លៃនាំចេញកើនបង្គួរពី១,៥ពាន់លានដូល្លាអាមេរិក នៅឆ្នាំ២០០៧ ឡើងដល់ជិត៣,៥ពាន់លានដូល្លាអាមេរិកនៅឆ្នាំ២០១៥។
ដៃគូបរទេសស្វែងយល់ពីសក្តានុពលវត្ថុធាតុឈើរបស់វៀតណាម។ រូបថត៖ ថេអាញ/ទីភ្នាក់ងារសារព័ត៌មានវៀតណាម
EU ជាទីផ្សារមួយក្នុងចំណោមទីផ្សារ មានសក្តានុពលនៃវិស័យច្នៃនិងនាំចេញនូវផលិតផលឈើរបស់វៀតណាម។
រូបថត៖ ថេអាញ/ទីភ្នាក់ងារសារព័ត៌មានវៀតណាម
ផលិតផលផ្កាស្រស់ដាឡាត (Dalat) នាំចេញទៅទីផ្សារនៃប្រទេសនានានៅទ្វីបអឺរុប។
រូបថត៖ ផាមខា/ទីភ្នាក់ងារសារព័ត៌មានវៀតណាម
ឆ្នាំ២០១៦ នាំចេញស្បែកជើងរបស់វៀតណាម ទៅកាន់ទីផ្សារទ្វីបអឺរុប បន្តកើនឡើងខ្លាំង។
រូបថត៖ យឿងជីតឿង/ទីភ្នាក់ងារសារព័ត៌មានវៀតណាម
ផលិតនូវមុខទំនិញជលផលផ្អាប់ទឹកកក់ និងអាហារច្នៃសម្រាប់ហូបភ្លាម នាំចេញទៅកាន់ទីផ្សារទ្វីបអឺរុប។
រូបថត៖អានហីវ/ទីភ្នាក់ងារសារព័ត៌មានវៀតណាម
ផលិតនូវមុខទំនិញសិប្បកម្មគុណភាពខ្ពស់ ធ្វើពីវត្ថុធាតុធម្មជាតិដូចជា ផ្តៅ ឫស្សី...នាំចេញទៅកាន់ទ្វីបអឺរុប។
រូបថត៖ យ័ញឡាម/ទីភ្នាក់ងារសារព័ត៌មានវៀតណាម
វៀតណាមកំពុងសកម្មជម្រុញសកម្មភាពផ្សាយពាណិជ្ជកម្ម និងនាំចេញផ្លែឈើទៅកាន់ទីផ្សារទ្វីបអឺរុប។
រូបថត៖ អានហីវ/ទីភ្នាក់ងារសារព័ត៌មានវៀតណាម
វៀតណាមមួយថ្ងៃទៅមួយថ្ងៃនាំចូលនូវមុខទំនិញជាច្រើន ដែលមានប្រភពដើមពីទ្វីបអឺរុប ដូចជា៖ ផ្លែឈើ
ទឹកក្រូច ស្រា ខ្លាញប៊ើ ទឹកដោះគោ នំស្ករគ្រាប់...។ល។ រូបថត៖ ផឿងវី/ទីភ្នាក់ងារសារព័ត៌មានវៀតណាម
នៅពេលកិច្ចព្រមព្រៀងមានសុពលភាព ៤២,៥% ប្រភេទពន្ធនៃមុខទំនិញនេះ ដែលមានពន្ធមូលដ្ឋានពី៨ទៅដល់១២% នឹងចុះស្មើនឹង០%។ ផលិតផលដែលនៅមកនឹងចុះស្មើ០% ក្រោយពី៣ទៅដល់៧ឆ្នាំ។ អត្រាតម្លៃនាំចេញរបស់វៀតណាម បានបំបាត់ចោលពន្ធនៃមុខទំនិញនេះ ក្រោយ៥ឆ្នាំ គឺ៧៧,៣% ក្រោយ៧ឆ្នាំគឺ១០០%។
ស្បែងជើងក៏ជាមុខទំនិញមួយក្នុងចំណោមមុខទំនិញនាំចេញចម្បង របស់វៀតណាម ទៅកាន់ទីផ្សារ EU ជាមួយ៣៧% នៃប្រភេទពន្ធប្រហាក់ប្រហែល៤២,១% នៃតម្លៃនាំចេញ ដែលមានពន្ធមូលដ្ឋានពី៣,៥ទៅដល់១៧% នឹងចុះស្មើ០% ពេលកិច្ចព្រមព្រៀងមានសុពលភាព។
ចំពោះមុខទំនិញឈើ ៨៣%នៃប្រភេទពន្ធ ដែលមានពន្ធមូលដ្ឋានពី០ ទៅដល់៦% នឹងចុះស្មើ០% ពេលកិច្ចព្រមព្រៀងមានសុពលភាព, ១៧%ដែលនៅមករួមមានក្តារ particle board, plywood, ក្តាឆ្នូត មានពន្ធមូលដ្ឋានពី៦ទៅដល់១០% នឹងចុះស្មើ០%ក្រោយ៥ឆ្នាំ។
ក្រៅពី ម៉ាស៊ីនកុំព្យូទ័រ ផលិតផលអេឡិចត្រូនិក និងគ្រឿងបន្លាស់ ក៏ជាក្រុមមុខទំនិញគ្រោងនឹងមានសក្តានុពលនាំចេញយ៉ាងធំទៅកាន់ EU ដោយមានតម្លៃនាំចេញកើនឡើងគួរឲ្យចំណាប់អារម្មណ៍ ពីជាង៤០០លានដូល្លាអាមេរិកនៅឆ្នាំ២០០៧ ឡើងដល់ជិត២,៨ពាន់លានដូល្លាអាមេរិក នៅឆ្នាំ២០១៥។ តាមនោះ ៧៤% នៃប្រភេទពន្ធ (ក្នុងនោះមានកុំព្យួទ័រ) ដែលមានពន្ធមូលដ្ឋានពី០ទៅដល់៦% នឹងចុះស្មើ០%។ ផលិតផលដែលនៅមក មានពន្ធមូលដ្ឋានពី៥ទៅដល់១៤% នឹងចុះស្មើ០% ក្រោយពី៣ទៅដល់៥ឆ្នាំ។
ចំពោះកិច្ចព្រមព្រៀងនេះ ក្រៅពីការនាំចេញ វៀតណាមនៅមានឱកាសនាំចូលពីទីផ្សារ EU នូវមុខទំនិញម៉ាស៊ីន សម្ភារៈ ដោយកម្រិតពន្ធស្មើ០%។ ជាក់ស្តែង ៦១% នៃប្រភេទពន្ធ ដែលមានពន្ធមូលដ្ឋានពី០ទៅដល់៥% នឹងចុះស្មើ០% ពេលកិច្ចព្រមព្រៀងមានសុពលភាព, ផលិតផលទាំងឡាយដែលនៅមកមានពន្ធមូលដ្ឋានពី៣ទៅដល់៥០% នឹងចុះស្មើ០% ក្រោយអតិបរិមាណ១០ឆ្នាំ។
ម្យ៉ាងទៀត ក្រៅពីឱកាសដែលនាំមកឲ្យ លោក Diego Canga Fano នាយកផ្នែកទំនាក់ទំនងពហុភាគី និងគោលនយោបាយគុណភាព នាយកដ្ឋានកសិកម្ម និងអភិវឌ្ឍន៍ជនបទ EU កំណត់ចំណាំ សហគ្រាសវិនិយោគចូលមកប្រទេសវៀតណាម ត្រូវសង្កេតពិនិត្យដល់កត្តានីតិវិធី បរិស្ថាន...។ល។ ប៉ុន្តែលោកអះអាងថា លទ្ធភាពជោគជ័យរបស់សហគ្រាស ដែលបានវិនិយោគចូលប្រទេសវៀតណាម គឺខ្ពស់ខ្លាំងណាស់៕
ទីភ្នាក់ងារសារព័ត៌មានវៀតណាម/កាសែតរូបភាពវៀតណាម