ស្ថិតនៅដំណាច់ផ្លូវតូចមួយដែលនាំចូលទៅក្នុងភូមិទឺធៀន (Tu Thien) គឺជាឆ្នេរសមុទ្រមួយដែលមានវាលសារ៉ាយសមុទ្រធម្មជាតិរំលេចពណ៌បៃតងដ៏ធំល្វឹងល្វើយដោយមានប្រវែងជាង ២ គីឡូម៉ែត្រ។ យោងតាមអ្នកស្រុកឱ្យដឹងថា ដើម្បីមើលឃើញបាននូវវសម្រស់នៃវាលសារ៉ាយសមុទ្រនេះអ្នកទេសចរត្រូវមកលេងឆ្នេរសមុទ្រនេះចាប់ពីម៉ោង ៤ ព្រឹកដល់ម៉ោង ៩ ព្រឹកឬចាប់ពីម៉ោង ៣ រសៀលដល់ម៉ោង ៦ ល្ងាចប្រសិនបើយើងមកយឺតពេលនោះទឹកនឹងឡើងគ្របលើវាលសារ៉ាយសមុទ្រនេះ។

វាលសារ៉ាយសមុទ្រដែលមានទីតាំងស្ថិតនៅឆ្ងាយពីកណ្តាលទីក្រុង ផានរ៉ាង (Phan Rang) - ថាបចាម (Thap Cham)ប្រហែល ១០ គីឡូម៉ែត្រទៅទិសខាងត្បូង នៅភូមិទឺធៀន(Tu Thien) ឃុំភឿកយីញ (Phuoc Dinh) ស្រុកធួនណាម (Thuan Nam)។ឃុំភឿកយីញស្រុកធួនណាម។រូបថត៖ ង្វៀនលន់ វាលសារ៉ាយសមុទ្រធម្មជាតិនេះរំលេចពណ៌បៃតងដ៏ធំល្វិងល្វើយដែលមានប្រវែងជាង ២ គីឡូម៉ែត្រ។ រូបថត៖ ង្វៀនលន់ សារ៉ាយសមុទ្រធម្មជាតិតោងជាប់នឹងផ្ទាំងថ្មហើយលោតចេញពីផ្ទៃទឹកពិតជាស្រស់ស្អាតណាស់។ រូបថត៖ ឡេមិញ ក្តាមសមុទ្របានលាក់ខ្លួននៅក្នុងសារ៉ាយសមុទ្រ។ រូបថត៖ ឡេមិញ អ្នកទេសចរស្ទាបលើសារ៉ាយសមុទ្រពណ៌បៃតងនិងទន់ៗ។ រូបថត៖ ឡេមិញ ពេលព្រះអាទិត្យរះនៅលើវាលសារ៉ាយសមុទ្រ។ រូបថត៖ ឡេមិញ ប្រជាជនក្នុងតំបន់កំពុងប្រមូលផលសារ៉ាយសមុទ្រ។ រូបថត៖ ឡេមិញ

នៅពេលជំនោរចុះសារ៉ាយសម្រុទ្របានផុសចេញពីផ្ទៃទឹកដោយតោងជាប់នឹងផ្ទាំងថ្ម និងគ្របដណ្តប់ពេញផ្ទៃសមុទ្របានបង្កើតជាពណ៌បៃតងធម្មជាតិដ៏ស្រស់ស្អាត។ នៅក្រោមពន្លឺនៃព្រះអាទិត្យរះវាលសារ៉ាយសមុទ្រនេះមានពន្លឺផ្លេកៗដ៏ស្រស់ស្អាតដូច្នេះហើយទើបមានមនុស្ស​ជាច្រើនដែលបានមកដល់ឆ្នេរនេះពីព្រលឹមដើម្បីគយគន់ទេសភាពស្រស់ស្អាតនៃវាលសារាយសមុទ្រផង និងមើលថ្ងៃរះនៅលើសមុទ្រផង។ អ្នកទេសចរក៏អាចមុជខ្លួនទៅក្នុងរលកបោកបក់ស្ទាបសារ៉ាយសមុទ្រទន់ៗ និងថតរូបផងដែរ។ លើសពីនេះទៀតវាលសារ៉ាយសមុទ្រគឺនៅជិតនឹងតំបន់កសិដ្ឋានថាមពលដើរដោយកម្លាំងខ្យល់ មុយយីញ (Mui Dinh)ដែលវាក៏ស្ថិតនៅក្នុងឃុំភឿកយីញនេះដែរកន្លែងទាំងពីរនេះរួមបញ្ចូលគ្នាក្លាយទៅជាគោលដៅទេសចរណ៍គួរឲ្យចាប់អារម្មសម្រាប់ភ្ញៀវទេសចរនៅពេលមកស្រុកធួនណាម (Thuan Nam) ខេត្តនិញធៀន (NinhThuan)។

ចាប់តាំងពីពេលលេចឡើងវាលសារ៉ាយសមុទ្រនេះ អ្នកទេសចរជាច្រើនបានមកទស្សនាជារៀងរាល់ថ្ងៃឆ្នេរសមុទ្រនៅភូមិទឺធៀន (Tu Thien) បានទាក់ទាញភ្ញៀវទេសចររាប់រយនាក់មកលេង។ ក្រៅពីសារ៉ាយសមុទ្រធម្មជាតិនោះ ឆ្នេរសមុទ្រទឺធៀនក៏មានសត្វសមុទ្រជាច្រើនផងដែរដូចជាសារ៉ាយសមុទ្រដែលមានរូបរាងដូចទំពាំងបាយជូរត្រីផ្កាយសមុទ្រត្រីសមុទ្រខ្យងសមុទ្រនិងផ្កាថ្មជាដើម។