21/09/2021 22:57 GMT+7 Email Print Like 0

វៀតណាមឈានចូលជុំ ១/៨ ​​FIFA Futsal World Cup 2021

នៅជុំ ១/៨ នៃការប្រកួត Futsal World Cup 2021 ក្រុមបាល់ទាត់ជម្រើស Futsal វៀតណាមនឹងប៉ះជាមួយក្រុមបាល់ទាត់ជម្រើសរុស្ស៊ីនាថ្ងៃទី ២២ ខែកញ្ញាខាងមុខ។

ក្រុមបាល់ទាត់ជម្រើស Futsal វៀតណាម (រូបថត៖ Getty )


ក្រុមបាល់ទាត់ជម្រើស Futsal វៀតណាមបានធ្វើការប្រកួតយ៉ាងប្ដូរផ្ដាច់ដោយលទ្ធផល ១ ទល់នឹង ១ ជាមួយគូប្រកួតសាធារណរដ្ឋឆែក ដែលត្រូវបានរៀបចំណាត់ថ្នាក់ពីលើវៀតណាម ២៦ កម្រិត ក្នុងតារាងរាបចំណាត់ថ្នាក់ FIFA Futsal នៅក្នុងការប្រកួតលើកទី ៣ នៃពូល D វគ្គផ្តាច់ព្រ័ត្រ FIFA Futsal World Cup 2021 នាយប់ថ្ងៃទី ១៩ ខែកញ្ញា នៅប្រទេស Litva។

នៅចុងបញ្ចប់នៃវគ្គចែកពូលនោះ វៀតណាមមាន ៤ ពិន្ទុ ដូចគ្នាជាមួយសាធារណរដ្ឋឆែក ប៉ុន្តែជាប់ចំណាត់ថ្នាក់លេខ ៣ ក្នុងពូល D ព្រោះថាមានសន្ទស្សន៍រងទាបជាង។ ទោះយ៉ាងណាក៏ដោយ ក្រុមបាល់ទាត់ជម្រើសរបស់គ្រូបង្វឹក Pham Minh Giang គឺជាក្រុមបាលទាត់អាស៊ីអាគ្នេយ៍ដំបូងគេ ដែលឡើងដល់វគ្គ ១/៨ នៃ FIFA Futsal World Cup 2021ក្នុងឋានៈជាក្រុមជាប់ចំណាត់ថ្នាក់លេខ ៣ ដែលមានលទ្ធផលលេងល្អបំផុតនៅវគ្គចែកពូល។ នេះក៏ជាសមិទ្ធផលមួយដែលវៀតណាមធ្លាប់សម្រេចបាននៅការប្រកួត World Cup 2016 នៅកូឡុំប៊ីផងដែរ។

នៅជុំ ១/៨ នៃការប្រកួត Futsal World Cup 2021 ក្រុមបាល់ទាត់ជម្រើស Futsal វៀតណាមនឹងប៉ះជាមួយក្រុមបាល់ទាត់ជម្រើសរុស្ស៊ីនាថ្ងៃទី ២២ ខែកញ្ញាខាងមុខ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ