22/12/2021 19:49 GMT+7 Email Print Like 0

អាស៊ាន​អំពាវនាវ​ឲ្យ​ពន្លឿន​កិច្ច​សហប្រតិបត្តិការ​ប្រយុទ្ធប្រឆាំង​នឹង​ការ​ប្រែប្រួល​អាកាសធាតុ

ដើម្បីធានាថា អាស៊ានមានសមត្ថភាពស្ដារឡើងវិញ ប្រកបដោយចីរភាព ឲ្យសមស្របនឹងផែនកាមេស្ដីពីសហគមន៍អាស៊ានឆ្នាំ ២០២៥ នោះ គឺចាំបាច់ត្រូវត្រៀមរៀបចំឲ្យបានល្អថែមទៀត ដើម្បីកាត់បន្ថយ និងដោះស្រាយរាល់ផលប៉ះពាល់អវិជ្ជមាននៃការប្រែប្រួលអាកាសធាតុ។

(រូបថត៖ VNA)


លេខាធិការដ្ឋាននៃសមាគមប្រជាជាតិអាស៊ីអាគ្នេយ៍ (អាស៊ាន) ទើបបានរៀបចំកិច្ចប្រជុំសម្របសម្រួលលើកទី ១៧ ស្តីពីសហគមន៍សង្គម-វប្បធម៌អាស៊ាន (SOC-COM) សំដៅធ្វើការពិភាក្សាលើកិច្ចសហប្រតិបត្តិការអាកាសធាតុក្នុងតំបន់។ អគ្គលេខាធិការរងអាស៊ានទទួលបន្ទុកសហគមន៍សង្គមវប្បធម៌អាស៊ាន (ASCC) លោក Ekkaphab Phanthavong បានសង្កត់ធ្ងន់ថា៖ ដើម្បីធានាថា អាស៊ានមានសមត្ថភាពស្ដារឡើងវិញ ប្រកបដោយចីរភាព ឲ្យសមស្របនឹងផែនកាមេស្ដីពីសហគមន៍អាស៊ានឆ្នាំ ២០២៥ នោះ គឺចាំបាច់ត្រូវត្រៀមរៀបចំឲ្យបានល្អថែមទៀត ដើម្បីកាត់បន្ថយ និងដោះស្រាយរាល់ផលប៉ះពាល់អវិជ្ជមាននៃការប្រែប្រួលអាកាសធាតុ។

ប្រធានកិច្ចប្រជុំមន្ត្រីជាន់ខ្ពស់អាស៊ានស្តីពីបរិស្ថានបានរំលឹកឡើងវិញអំពីការសន្យារបស់អាស៊ាន ក្នុងការកសាងសហគមន៍តំបន់ផ្សារភ្ជាប់ មានសមត្ថភាពទប់ទល់នឹងអាកាសធាតុ ក្នុងនោះមានការសន្យារបស់ប្រទេសសមាជិកនានាសំដៅសម្រេចឲ្យបានគោលដៅអព្យាក្រឹតកាបូនដែលត្រូវបានប្រកាសនៅក្នុងសន្និសីទលើកទី ២៦ នៃភាគីចូលរួមអនុសញ្ញាក្របខ័ណ្ឌនៃអង្គការសហប្រជាជាតិ (COP 26) ស្តីពីការប្រែប្រួលអាកាសធាតុផងដែរ៕

តាម VOV5 - វិទ្យុសម្លេងវៀតណាម


បណ្តាព័ត៌មានបានផ្សាយ