09/11/2018 11:09 GMT+7 Email Print Like 0

អាមេរិក និងចិនឯកភាពគ្នា ពង្រឹងទំនាក់ទំនង និងកិច្ចសហប្រតិបត្តិការទ្វេភាគី

នាថ្ងៃទី ៨ ខែវិច្ឆិកា ឆ្នាំ២០១៨ តាមទីភ្នាក់ងារសារព័ត៌មានស៊ីនហួបានឲ្យដឹងថាសមាជិកការិយាល័យនយោបាយ ប្រធានខុទ្ធកាល័យនៃគណកម្មការកិច្ចការបរទេសមជ្ឈិមបក្សកុម្មុយនិស្តចិន លោក Yang Jiechi ដែលកំពុងធ្វើទស្សនកិច្ចនៅវ៉ាស៊ីនតោន បានអញ្ជើញជួបជាមួយទីប្រឹក្សាសន្តិសុខជាតិអាមេរិក លោក John Bolton។

នៅក្នុងជំនួបនេះ ភាគីទាំងពីរបានឯកភាពគ្នាពង្រឹងទំនាក់ទំនងនិងកិច្ចសហប្រតិបត្តិការ ព្រមទាំងបានឯកភាពគ្នាថា វង់ចរចាសន្តិសុខនិងការទូតទ្វេភាគីខាងមុខនឹងជួយសម្រួលដល់ជំនួបរវាងថ្នាក់ដឹកនាំនៃប្រទេស​ទាំងពីរនៅខាងក្រៅកិច្ចប្រជុំកំពូលក្រុមខឿនសេដ្ឋកិច្ចអភិវឌ្ឍន៍និងទើបនឹងលេចចេញជួរមុខលើពិភាពលោក (G20) នៅ ប្រទេសអាហ្សង់ទីន។

យោងតាមលោក Bolton បានឲ្យដឹងថា ប្រធានាធិបតីអាមេរិកលោក Donald Trump បានទន្ទឹមរង់ចាំជំនួបនេះជាមួយ​ប្រធានរដ្ឋចិន លោក Xi Jinping ហើយអាមេរិកត្រៀមខ្លួនរួចជាស្រេចរក្សាទំនាក់ទំនងយ៉ាងជិតស្និទ្ធជាមួយចិន ដើម្បីជំរុញរាល់លទ្ធផលដ៏ល្អប្រសើរដែលទទួលបាននៅក្នុងជំនួបរវាងថ្នាក់ដឹកនាំទាំងពីររូបផងដែរ។

ចំណែកឯលោក Yang Jiechi បានចាត់ទុកថាជំនឿទុកចិត្តគ្នាទៅវិញទៅមកជាបញ្ហាដែលទាក់ទិននឹងការអភិវឌ្ឍ​ទំ​នាក់ទំនងដ៏យូរអង្វែងរវាងប្រទេសទាំងពីរ។ លោកបានអះអាងថាចិនបានត្រៀមខ្លួនរួចជាស្រេចខិតខំប្រឹងប្រែងរួមជាមួយអាមេរិក ដើម្បីទទួលបានរាល់គោលដៅមែនប្រឈមមុខដាក់គ្នា ការគោរពគ្នាទៅវិញទៅមក និងកិច្ចសហប្រតិបត្តិការផងដែរ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ