16/12/2015 09:38 GMT+7 Email Print Like 0

អាមេរិកអំពាវនាវបង្កើនការប្រយុទ្ធប្រឆាំងនឹង IS


ប្រធានាធិបតីអាមេរិកលោក Barack Obama (រូបថត៖AFP/TTXVN)

ប្រធានាធិបតីអាមេរិកលោក Barack Obama នាថ្ងៃទី១៤ ខែធ្នូ ឆ្នាំ២០១៥ បានអះ​អាង​ជា​ថ្មី​ម្ដង​ទៀត​នូវ​ការ​ប្ដេជ្ញា​ចិត្ត​កំទេច​ អង្គការរដ្ឋអ៊ីស្លាមស្វ័យប្រកាស (IS) តាម​រយៈ​ការ​អំពាវ​នាវ​ឲ្យ​បង្កើន​ល្បឿន​ប្រយុទ្ធ​ប្រឆាំង​នឹង​ក្រុមភេរ​វកម្ម​នេះ ព្រមទាំង​ដាស់តឿនឲ្យសម្ព័ន្ធមិត្តនានាបង្កើន​ការរួមវិភាគ​ទានខាង​យោធា។ ថ្លែងមតិនៅ​សន្និសីទ​កាសែតនៅវិមាន​បញ្ចកោន លោក Obama បានឲ្យដឹងថា នឹងបញ្ជូនរដ្ឋ​មន្រ្តី ក្រសួង​ការពារជាតិ​លោក Ashton Carter ទៅកាន់មជ្ឈឹមបូព៌ាដើម្បីស្វែងរកថែម​ទៀត​នូវ​ប្រភព​ជំនួយ​ឧបត្ថម្ភ​យោធា​ពីដៃគូ​និង​សម្ព័ន្ធ​មិត្ត​នានា​របស់​អាមេរិកក្នុង​ការប្រយុទ្ធប្រឆាំងនឹង IS។ លោកបានទទួលស្គាល់ថា ការប្រយុទ្ធប្រឆាំងនឹងលិទ្ធិ​ភេរវកម្ម​និយាយ​រួមនិង​អង្គការ IS និយាយដោយឡែកនឹងបន្តជួបការលំបាក ប៉ុន្តែ​សង្កត់​ធ្ងន់​ថា សម្ព័ន្ធភាព​ទ័ព​ត្រូវ​បង្កើន​ល្បឿនថែមទៀតនូវការរីកចំរើនដែលទទួល​បាន ក្នុងការ​ប្រយុទ្ធនេះ។ ទន្ទឹមនឹង​នោះ សម្ព័ន្ធ​ភាព​ទ័ព​ដឹក​នាំ​ដោយ​អាមេរិកក៏​កំពុងខំ ប្រឹងប្រែងបំផ្លាញប្រភពហិរញ្ញវត្ថុរបស់អង្គការភេរវកម្មនេះ ដោយការវាយ​ប្រហា​រ​និង​កំទេច​រថយន្តដឹកជញ្ជូនប្រេង និងរោងចក្រចម្រាញ់ប្រេងរបស់ IS៕
 

តាម VOV5 - វិទ្យុសម្លេងវៀតណាម
 

បណ្តាព័ត៌មានបានផ្សាយ