09/09/2018 09:48 GMT+7 Email Print Like 0

អគ្គលេខាបក្ស លោក Nguyen Phu Trong បញ្ចប់ប្រកបដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី

នារសៀលថ្ងៃទី៨ ខែកញ្ញា ឆ្នាំ២០១៨ អគ្គលេខាគណៈកម្មាធិការមជ្ឈឹមបក្សកុម្មុយនិស្តវៀតណាម  លោក Nguyen Phu Trong និងគណៈប្រតិភូជាន់ខ្ពស់វៀតណាមបានចាកចេញពីរដ្ឋធានីម៉ូស្គូ បញ្ចប់ប្រកបដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ីចាប់ពីថ្ងៃទី៥ ដល់ ថ្ងៃទី ៨ ខែកញ្ញា ឆ្នាំ២០១៨ តាមការអញ្ជើញរបស់ប្រធានាធិបតីសហព័ន្ធរុស្ស៊ី លោក Vladimir Putin។

សារទូរលេខបានចែងថា “ចាកចេញពីរដ្ឋធានីមូស្គូបញ្ចប់ប្រកបដោយជោគជ័យនូវដំណើរទស្សនកិច្ចជាផ្លូវការនៅសហព័ន្ធរុស្ស៊ី ខ្ញុំសូមថ្លែងអំណរគុណជូនចំពោះលោកប្រធានាធិបតីនិងតាមរយៈលោកជូនចំពោះថ្នាក់ដឹកនាំនិងប្រជាជនរុស្ស៊ីនូវអំណរគុណយ៉ាងជ្រាលជ្រៅចំពោះការស្វាគមន៍ដ៏កក់ក្តៅសម្រាប់រូបខ្ញុំផ្ទាល់និងគណៈប្រតិភូជាន់ខ្ពស់​វៀតណាម។

យើងខ្ញុំជឿជាក់ថា លទ្ធផលដ៏ល្អប្រសើដែលទទួលបានពីដំណើរទស្សនកិច្ចលើកនេះ ជាពិសេសគឺសេចក្តីថ្លែងការណ៍រួមរវាងប្រទេសទាំងពីរវៀតណាម- សហព័ន្ធរុស្ស៊ីនឹងជាមូលដ្ឋាន ដើម្បីប្រទេសយើងទាំងពីរធ្វើឲ្យស៊ីជម្រៅថែមទៀត នូវទំនាក់ទំនងមិត្តភាពជាប្រពៃណី ភាពជាដៃគូលើគ្រប់ជ្រុងជ្រោយរវាងវៀតណាមនិងរុស្ស៊ី ជាពិសេសជម្រុញកិច្ច សហប្រតិបត្តិការលើគ្រប់វិស័យដើម្បីឆ្លើយតបទៅនឹងបំណងប្រាថ្នានិងផលប្រយោជន៍រួមទាំងអនាគតយ៉ាងល្អប្រសើររបស់ប្រជាជននៃប្រទេសទាំងពីរ ដើម្បីសន្តិភាព ស្ថិរភាព កិច្ចសហប្រតិបត្តិការនិងការអភិវឌ្ឍក្នុងតំបន់អាស៊ី-ប៉ាស៊ីហ្វិកនិងលើពិភពលោក៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ