31/03/2015 14:47 GMT+7 Email Print Like 0

អគ្គលេខាបក្សកុម្មុយនីស្តវៀតណាមទទួលជួបគណៈប្រតិភូជាន់ខ្ពស់គណៈបក្សប្រជាជន​កម្ពុជា


អគ្គលេខាបក្សកុម្មុយនីស្តវៀតណាម លោក Nguyen Phu Trong បានទទួលជួបសន្ទនាជាមួយលោកស្រីម៉ែនសំអន​ឧបនាយករដ្ឋមន្ត្រីរាជរដ្ឋាភិបាលកម្ពុជា។

 

នាថ្ងៃទី ៣០ ​ខែមិនាឆ្នាំ ២០១៥ នៅទីក្រុងហាណូយ អគ្គលេខាបក្សកុម្មុយនីស្តវៀត​ណាម  លោក Nguyen Phu Trong បាន​ទទួលជួបសន្ទនា ជាមួយគណៈប្រតិភូជាន់​ខ្ពស់ នៃគណៈ​បក្សប្រជាជន​កម្ពុជា ដឹក​នាំ​ដោយ​លោក​ស្រី ម៉ែន​សំអន ឧបនា​យក​រដ្ឋមន្ត្រី រាជរដ្ឋាភិបាលកម្ពុជា ដែលកំពុងមានដំណើរបំពេញទស្សនកិច្ច នៅវៀត​ណាម។ ថ្លែងមតិនៅ​ទីនេះ អគ្គលេខាបក្ស Nguyen Phu Trong បាន​សង្កត់ធ្ងន់ថា៖​ប្រទេស​ទាំងពីរ​ត្រូវ​ជំរុញ​ការ​ផ្លាស់​ប្តូរព័ត៌មាន​អោយ​ទាន់ពេល​វេលា សកម្មរួមស​ហការឃោសនា អប់រំប្រជាជន​នៃ​ប្រទេស​ទាំង​ពីរ ជា​ពិសេស​ គឺជំនាន់វ័យក្មេង អំពីទំ​នាក់ទំនងសាមគ្គីភាពជាពិសេស មិត្តភាពប្រពៃណី​រវាង​បក្ស​ទាំងពី​រ​ រដ្ឋ​ទាំង​ពីរ​ និងប្រជាជននៃប្រទេស​ទាំងពីរ។ ទន្ទឹមនឹងនោះ សកម្មភាពសហប្រតិបត្តិការ អនុ​វត្ត​បណ្ដា​​​វិធានការ​បង្ការ​ប្រឆាំង​សកម្មភាព​មួលបង្កាច់ CPP និងវៀតណាម​បំបែក​ទំនាក់ទំនងមិត្តភាព រវាង​ប្រជា​ជន​​នៃ​ប្រទេស​ទាំង​ពីរ​​។ អគ្គលេខាបក្ស​បានអះអាង​នូវគោលនយោបាយមុន ក៏ដូចជាក្រោយរបស់វៀតណាម នោះ​គឺ​ជានិច្ច​កាល​គោរព​ និងលៃទុកអាទិភាពជួរមុខ សំរាប់ការពង្រឹងនិងពង្រីកទំនាក់ទំនងសាមគ្គីភាព មិត្ត​ភាព​ កិច្ច​សហប្រតិ​បត្តិ​ការ​លើគ្រប់ជ្រុង​ជ្រោយ ជាមួយ CPP និងព្រះរាជាណាចក្រកម្ពុជា។

​នាថ្ងៃនេះដែរ លោក Ngo Van Du សមាជិកការិយាល័យនយោបាយ ក៏បាន​ទទួលជួប​សន្ទនា​ជាមួយ គណៈ​ប្រ​តិភូ​គណៈ​បក្សប្រជាជនកម្ពុជា។ ក្រោយពីនោះ​ភាគីទាំង​ពីរបាន​ចុះហត្ថលេ​ខា លើកិច្ច​សហប្រតិ​បត្តិការរ​វាងបក្ស​ទាំងពីរ ក្នុងដំណា​ក់កាល ២០១៥-២០១៦៕

តាម VOV5 – វិទ្យុសម្លេងវៀតណាម
 

បណ្តាព័ត៌មានបានផ្សាយ