18/02/2018 14:18 GMT+7 Email Print Like 0

ស.ប.ប.ក.អំពាវនាវកូរ៉េខាងត្បូងបញ្ចប់សកម្មភាពធ្វើសមយុទ្ធរួមជាមួយអាមេរិក


 កូរ៉េខាងត្បូង ធ្វើសមយុទ្ធរួមជាមួយអាមេរិកនាឆ្នាំ២០១៣

នាថ្ងៃទី១៦ ខែកុម្ភៈ ឆ្នាំ​២០១៨​ ស.ប.ប.ក. បានអំពាវនាវ​ឲ្យកូរ៉េ​ខាងត្បូង​លុបចោល​បណ្ដា ការ​ធ្វើសមយុទ្ធ​រួមជាមួយ​អាមេរិក​សំដៅកែ​លំអថែម​ទៀតទំនាក់ទំនង​អន្តរកូរ៉េ ព្រមទាំង​អះអាង​ជាថ្មីម្តង​ទៀតនូវ​ការប្តេជ្ញា​ចិត្ត​របស់​ព្យុងយ៉ាង​ក្នុងការ​ជំរុញសមត្ថភាពនុយក្លេអ៊ែរ។ តា​មទីភ្នាក់ងារសារ​ព័ត៌មាន​ជប៉ុន Kyodo ថា៖ ក្នុង​អត្ថធិប្បាយ​រំលឹកខួប​អនុស្សាវរីយ៍លើកទី ​៧៦ ទិវាកំណើតរបស់ អ​តីតថ្នាក់ដឹកនាំ Kim J​ong-Il ​គេហ​ទំពណ៌រUriminzokkiri របស់កូរ៉េខាងជើងបានសង្កត់ធ្ង​ន់​ថា៖ គប្បី​បញ្ចប់​អោយបាន​ជារៀង​រហូត​សមយុទ្ធ​រួមរវាង​អាមេរិក​និង​កូរ៉េខាងត្បូងដែលត្រូវបានផ្អាក់ក្នុងរយៈពេលប្រព្រឹ​ត្តទៅ Olympicរដូវរ​ងារ​និង Paralympics ២០១៨​ នៅទីក្រុង PyeongChang កូរ៉េខាងត្បូង​។ ក្នុងពេលជាមួយគ្នានោះ ​កាសែត Ro​dong Sinmun របស់កូរ៉េខាង​ជើង ក៏បានអះអាងនា​ថ្ងៃដដែលថា៖ ព្យុ​ងយ៉ាង​បានក្លាយ​ទៅជាមហា​អំណាច​នុយក្លេអ៊ែរ​អាស្រ័យដោយ​ការខំប្រឹង​ប្រែងយ៉ាងម៉ត់ចត់រប​ស់អតីតថ្នាក់ដឹក​នាំ Kim Jong-Il។ ម​ជ្ឈដ្ឋានអ្នកវិភាគបានប​ញ្ជាក់ថា៖ ព្យុងយ៉ាង​នៅមាន​គំនិតអភិវឌ្ឍន៍​អាវុធ​នុយក្លេអ៊ែរ​ដោយមិន​អើពើ​ដល់ភាព​កក់ក្តៅក្នុង​ទំនាក់​ទំនង​ជាមួយ​កូរ៉េខាង​ត្បូង៕
 

តាម VOV5 - ​វិទ្យុសម្លេង​វៀតណា​ម
 

បណ្តាព័ត៌មានបានផ្សាយ