26/07/2016 09:42 GMT+7 Email Print Like 0

សកម្មភាពរបស់ឧបនាយករដ្ឋមន្ត្រីនិងជារដ្ឋមន្រ្តីការបរទេសវៀតណាមនៅឡាវ

នាថ្ងៃទី២៤ ខែកក្កដា ឆ្នាំ​២០១៦ នៅខាងក្រៅថ្ងៃប្រជុំដំបូងនៃសន្និសីទរដ្ឋមន្រ្តី​ការបរទេស​អាស៊ានលើកទី​៤៩ (AMM៤៩) ឧបនាយករដ្ឋមន្រ្តី​ និងជារដ្ឋមន្រ្តីការបរទេស​​វៀតណាម លោក Pham Binh Minh បាន​ជួប​សន្ទនា​ទ្វេភាគី​ជាមួយ​រដ្ឋមន្ត្រី​ការ​បរទេស​សឹង្ហបុរី​និង​ឥណ្ឌូនេស៊ី។


ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាមលោក Pham Binh Minh

នៅជំនួបជាមួយ​រដ្ឋមន្រ្តីការបរទេសសឹង្ហបុរី លោក Vivian Balakrisnan បន្ទាប់ពី​ពិធី​ប្រារព្ធ AMM ៤៩ ភាគី​ទាំង​ពីរ​បាន​ជឿជាក់​ថា ដំណើរ​ទស្សន​កិច្ច​ថ្នាក់​រដ្ឋ​ នា​ពេលខាងមុខរបស់ប្រធាន​រដ្ឋវៀតណាម លោក Tran Dai Quang នៅសឹង្ហបុ​រី​នឹង​នាំទំនាក់​ទំនង រវាងប្រទេសទាំងពីរឡើងកំពស់ថ្មី។ ភាគីទាំងពីរបានឯក​ភាពលើ​ការ​បន្ត​អនុវត្តន៍​គំរោង​ការណ៍​សហប្រតិបតិ្តការ​សេដ្ឋកិច្ច​រយៈពេល​អង្វែង ហើយ​វាយ​តំលៃ​ខ្ពស់​ចំពោះ​សារ​សំខាន់​នៃគំរោង​ការណ៍មណ្ឌល​ឧស្សាហកម្ម​វៀតណាម-សឹង្ហបុរី (VSIP) ដែលប្រមូលផ្ដុំ​ទៅលើផ្នែក​បច្ចេកវិទ្យា​ថ្មី ហើយ​តភ្ជាប់​ជាមួយ​គំរោងការណ៍ចាប់ផ្ដើម​អាជីព។ នៅជំនួបជាមួយរដ្ឋមន្រ្តីការបរទេសឥណ្ឌូនេស៊ី លោក Retno Marsudi ភាគី​ទាំងពីរ​បានឯកភាព​លើការបន្តជំរុញខ្លាំង នូវទំនាក់ទំនងរវាងប្រទេសទាំងពីរឲ្យ​កាន់​តែជាក់​ស្ដែង និង​មានប្រសិទ្ធិភាព​ថែម​ទៀត។ ភាគីទាំងពីរក៏បា​ន​ឯកភាពថា​នឹង​បន្តសហការ យ៉ាងស្អិតរមួត​ក្នុង​យន្ត​ការសហប្រតិបត្តិការ​អាស៊ាននានា នៅ​វេទិការតំបន់និងអន្តរជាតិ៕
 

តាម VOV5 - វិទ្យុសម្លេងវៀតណាម
 

បណ្តាព័ត៌មានបានផ្សាយ