25/05/2019 11:22 GMT+7 Email Print Like 0

វៀតណាម - អាមេរិកបន្តជំរុញកិច្ចសហប្រតិបត្តិការសេដ្ឋកិច្ច-ពាណិជ្ជកម្ម-វិនិយោគនិងការពារជាតិ


 ឧបនាយករដ្ឋមន្ត្រី រដ្ឋមន្ត្រីការបរទេសវៀតណាមលោក Pham Binh Minh និង រដ្ឋមន្ត្រីការពារជាតិស្តីទី លោក Patrick Shanahan (រូបថតៈ TTXVN) 
 

បន្តសកម្មភាពក្នុងក្របខ័ណ្ឌនៃដំណើរទស្សនកិច្ចជាផ្លូវការនៅសហរដ្ឋអាមេរិកនាថ្ងៃទី ២៣ ខែឧសភា ឆ្នាំ​២០១៩ ឧបនាយក​រដ្ឋមន្ត្រីនិងជារដ្ឋមន្ត្រីការបរទេស វៀត ណាមលោក Pham Binh Minh បាន​អញ្ជើញ​ជួប​សន្ទនា​ជាមួយ​រដ្ឋមន្ត្រីក្រសួងពាណិជ្ជកម្ម លោក Wilbur Ross, រដ្ឋមន្ត្រីក្រសួងហិរញ្ញវត្ថុ លោក Steven Mnuchin, រដ្ឋមន្រ្តីស្តីទីក្រសួង​ការពារជាតិ លោក Patrick Shanahan ព្រមទាំងជួប​ពិភាក្សា​ជាមួយ​សមាជិក​សភានិង​ជាប្រធាន​គណៈកម្មាធិ ការកិច្ចការបរទេសនៃសភាជាន់ទាប លោក Eliot Enger ព្រមទាំង​ទទួល​ជួប​ជាមួយ​អនុប្រធាន​សម្ព័ន្ធក្រុមហ៊ុន  AES Gustavo Pimenta ផងដែរ។
 
ក្នុងជំនួប​ជាមួយរដ្ឋមន្ត្រីក្រសួងហិរញ្ញវត្ថុអាមេរិក លោក Steven Mnuchin ឧបនា យករដ្ឋមន្ត្រីនិង​ជារដ្ឋ​មន្ត្រី​ការ​បរទេស​វៀតណាម លោក Pham Binh Minh បានអះអាងថា វៀត​ណាម​កំពុង​កែលំ​អបរិយាកាស​វិនិយោគឲ្យប្រសើរ​ជាង និងតែងតែលើក​ទឹកចិត្ត​ឲ្យក្រុម​ហ៊ុន​អាមេរិក​ធ្វើការវិនិយោគនិ​ងធ្វើអាជីវកម្ម​នៅ​វៀត​ណាម​​ រួម​ទាំងស្នើឱ្យភាគីទាំងពីរ បន្តដោះស្រាយប​ញ្ហាពាក់ព័ន្ធ តាមរយៈ​ស្មារតីនៃ​ការលើក​កម្ពស់​អត្ថប្រយោជន៍​​ទៅវិញទៅមក។ ជាការឆ្លើយត​ប លោក Steven Mnuchin បានឯក​ភាពបន្តជំរុញ​ទំនាក់​ទំនង​សេដ្ឋកិច្ច​-ពាណិជ្ជកម្ម - វិនិយោគ ដោយចាត់ទុកថា នេះជាមូលដ្ឋានគ្រឹះនៃទំនាក់ទំនងទ្វេភាគីវៀតណាម - អាមេរិក​ផង​ដែរ។
 
ក្នុងជំនួបជា​មួយលោក Wilbur Ross រដ្ឋមន្ត្រីក្រសួងពាណិជ្ជកម្ម ភាគីទាំងពីរ បានយល់ព្រម បន្តអនុវត្ត​នូវយន្តការ​កិច្ច​សហប្រតិបត្តិការដែលមានស្រាប់ ដូចជាកិច្ចព្រមព្រៀងក្របខ័ណ្ឌស្តីពីពាណិជ្ជកម្មនិងវិនិយោគ (TIFA) និង​បន្តពិភាក្សាអំពីការស្ថាបនាក្របខ័ណ្ឌសេដ្ឋកិច្ចនិងពាណិជ្ជក​ម្មថ្មី ប្រកបដោយស្ថេរភាព យូរអង្វែង​សម្រាប់​​ទំនាក់ទំនងវៀតណាម - អាមេរិក ស្របតាម​ទំនាក់ទំនង​សេដ្ឋកិច្ច​ទ្វេភាគីនិង​ក្របខ័ណ្ឌ​នៃកិច្ច​សហប្រតិ​បត្តិការ​រួម។
 
ក្នុងជំនួបជាមួយ​រដ្ឋមន្ត្រីការពារជាតិស្តីទី លោក Patrick Shanahan, លោក Pham Binh Minh បានវាយតំលៃខ្ពស់ ចំពោះ​ការដែល​ក្រសួងការពារជាតិអាមេរិកបានចំណាយថវិការសម្រាប់គម្រោងជាច្រើន ដើម្បីបោស​សំអាតជា​តិ​ពុល​នៅព្រលាន​យន្តហោះ Bien Hoa  ដែលទើបបានដាក់ឱ្យដំណើរការជាផ្លូវការកា​លពីខែមេសាឆ្នាំ ២​០១៩​។ ភាគីទាំងពីរ​បានឯកភាព បន្តជំរុញកិច្ចសហប្រតិបត្តិការ​តាមអនុស្សារណៈ ស្តីពីកិច្ច​សហប្រតិបត្តិកា​រ​ការពារ​ប្រទេស​វៀត​ណាម - អាមេរិក ឆ្នាំ ២០១១ និងសេច ក្តីថ្លែង​ការណ៍ទ​ស្សនវិស័យស្តីពីកិច្ចស​ហ​ប្រតិបត្តិ​ការ​ការ​ពារ​ជាតិ​ ឆ្នាំ២០​១៥ ​ព្រមទាំង​បន្តជួយ​ឧបត្ថម្ភ​សម្រាប់​ជន​រង​គ្រោះដោយ​ជាតិ​គីមី​ពុល​ពណ៌​លឿង​ទុំ​/dioxin ក៏ដូច ជាស្វែង​រកកងទ័ពវៀតណាមដែ​លបាត់ខ្លួនក្នុងសង្គ្រាមផងដែរ។
 
ក្នុងជំនួប​ជាមួយលោក Gustavo Pimenta អនុប្រធានសម្ព័ន្ធក្រុមហ៊ុន AES ដែល​ជាសម្ព័ន្ធ​ក្រុមហ៊ុន​ថាម​ពល​ឈាន​មុខ​ពិភពលោក, ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Pham Binh Minh បានអះ​អាងថា រដ្ឋាភិបាលវៀត ណាម តែងតែផ្តោតការយកចិត្តទុកដាក់ និងបង្កលក្ខណៈងាយស្រួល សម្រាប់​សហគ្រាស​អាមេរិកធ្វើអាជីវកម្មនៅវៀតណាម ជាពិសេសលើវិស័យថាមពល។ លោកបានសម្តែងការជឿជាក់ថា គម្រោង​វិនិយោគរបស់ AES នៅវៀតណាមនឹងទទួលជោគ ជ័យផង និងរួម​ចំណែក​ក្នុងការ​ទាក់​ទាញ​ការវិនិយោគ​របស់ក្រុម​ហ៊ុនអាមេរិកចូលមកវៀតណាមជា​មិនខាន៕ ​

 

តាម​ VOV5 - វិទ្យុសំឡេង​វៀតណាម​
 

បណ្តាព័ត៌មានបានផ្សាយ