09/05/2021 11:42 GMT+7 Email Print Like 0

វៀតណាមមានគោលបំណងជំរុញកិច្ចសហប្រតិបត្តិការពហុភាគីសំដៅដោះស្រាយបញ្ហារួម

លោករដ្ឋមន្ត្រីការបរទេស Bui Thanh Son (រូបថតៈ baoquocte.vn )
 

នាថ្ងៃទី៧ ខែឧសភា ឆ្នាំ២០២១ ទទួលការអញ្ជើញរបស់រដ្ឋមន្ត្រីការបរទេសចិន លោក Wang Yi នោះ ប្រធានក្រុមប្រឹក្សាសន្តិសុខអង្គការសហប្រជាជាតិប្រចាំខែឧសភា ឆ្នាំ ២០២១ រដ្ឋមន្ត្រីការបរទេសវៀតណាម លោក Bui Thanh Son បានអញ្ជើញចូលរួម និងថ្លែងសុន្ទរកថានៅក្នុងសម័យពិភាក្សាបើកចំហថ្នាក់រដ្ឋមន្ត្រីតាមប្រព័ន្ធវីដេអូនៃក្រុមប្រឹក្សាសន្តិសុខអង្គការសហប្រជាជាតិស្តីពីប្រធានបទ " ពង្រឹងពហុភាគីនិយមនិងប្រព័ន្ធអន្តរជាតិជាមួយអង្គការសហប្រជាជាតិជាមជ្ឈភាព" ។

អញ្ជើញថ្លែងនៅក្នុងកិច្ចប្រជុំនេះ លោករដ្ឋមន្រ្តី Bui Thanh Son បានអបអរសាទរចំពោះគំនិតផ្ដួចផ្ដើមរបស់ចិន ដោយចាត់ទុកថា កិច្ចសហប្រតិបត្តិការពហុភាគីមានអត្ថន័យជាគន្លឹះ ក្នុងបរិបទនៃបណ្ដាបញ្ហាប្រឈមចាប់ពីការរត់ប្រណាំងសព្វាវុធ ភេរវកម្ម ឧក្រិដ្ឋកម្មឆ្លងដែន រហូតដល់បម្រែបម្រួលអាកាសធាតុ និងជំងឺរាតត្បាតកូវីដ ១៩ ដែលកំពុងមានការវិវឌ្ឍយ៉ាងស្មុគស្មាញនាបច្ចុប្បន្ននេះ។ លោករដ្ឋមន្ត្រីការបរទេស Bui Thanh Son បានរំលឹកឡើងវិញនូវការប្តេជ្ញាចិត្តយ៉ាងខ្លាំងក្លារបស់ក្រុមប្រឹក្សាសន្តិសុខ ស្ដីពីការជំរុញពហុភាគីនិយម ការគោរពធម្មនុញ្ញរបស់អង្គការសហប្រជាជាតិ និងកសាងសណ្ដាប់ធ្នាប់អន្តរជាតិ ដោយឈរលើច្បាប់អន្តរជាតិ ដូចដែលបានចែងនៅក្នុងសេចក្តីថ្លែងការណ៍ប្រធាន ដែលត្រូវបានក្រុមប្រឹក្សាសន្តិសុខអនុម័ត នៅពេលដែលវៀតណាមធ្វើជាប្រធានកាលពីខេមករា ឆ្នាំ ២០២០ ផងដែរ៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ