11/05/2018 09:45 GMT+7 Email Print Like 0

វៀតណាមនិងកាហ្សាក់ស្ថានពង្រឹងកិច្ចសហប្រតិបត្តិការលើវិស័យសារព័ត៌មាន

នារសៀលថ្ងៃទី១០ ខែឧសភា ឆ្នាំ២០១៨ នៅមជ្ឈមណ្ឌលផ្សាយសម្លេងជាតិ លេខ ៥៨វិថី Quan Su រដ្ឋធានីហាណូយ លោក Vu Hai អគ្គនាយករង វិទ្យុសម្លេងវៀតណាមបានអញ្ជើញទទួលជួបជាមួយលោក Aibek Smadiyarov ឯកអគ្គរដ្ឋទូតរងសាធារណរដ្ឋកាហ្សាក់ស្ថានប្រចាំនៅវៀតណាម។

 

អគ្គនាយករង លោក Vu Hai អញ្ជើញទទួលជួបជាមួយលោក  Aibek Smadiyarov
ឯកអគ្គរដ្ឋទូតរងសាធារណរដ្ឋកាហ្សាក់ស្ថានប្រចាំនៅវៀតណាម

ក្នុងជំនួបនេះ លោក Vu Hai អញ្ជើញឧទ្ទេសនាមទ្រួសៗអំពីវិទ្យុសម្លេងវៀតណាម ដោយឲ្យដឹងថា ជារៀងរាល់ឆ្នាំ វិទ្យុសម្លេងវៀតណាម តែងតែផ្លាស់ប្តូរកម្មវិធីផ្សាយសម្លេងទូរទស្សន៍ជាមួយដៃគូបរទេស។ លោក Vu Hai អញ្ជើញមានប្រសាសន៍ថា៖



“យើងខ្ញុំមានបំណងថា តាមរយៈស្ថានទូតកាហ្សាក់ស្ថានប្រចាំនៅវៀតណាមនេះ យើងអាចចុះហត្ថលេខានូវកិច្ចសហប្រតិបត្តិការ​រវាងវិទ្យុសម្លេងវៀតណាមជាមួយវិទ្យុសម្លេងទូរទស្សន៍កាហ្សាក់ស្ថាន ជាពិសេសគឺកម្មវិធីបទ​ចម្រៀងកម្មវិធីឧទ្ទេសនាមនិងផ្សពផ្សាយរូបភាព ទឹកដី រមណីដ្ឋានរបស់ប្រទេសយើងទាំងពីរ។ ម្យ៉ាងវិញទៀត អាចផ្លាស់ប្តូរគណៈប្រតិភូអ្នកយកព័ត៌មាននិងសហការរៀបចំកម្មវិធីផ្សាយសម្លេងទូរទស្សន៍ជាដើម”។

រីខ្លួនវិញ លោក Aibek Smadiyarov បានលើកច្បាស់ថា ចាប់ពីថ្ងៃទី២២ដល់ថ្ងៃទី២៤ខែឧសភា វេទិកាផ្សព្វផ្សាយអាស៊ី-អឺរ៉ុបលើកទី១៥នឹងបានរៀបចំឡើងនៅប្រទេសកាហ្សាក់ស្ថាន។ តាមនោះ កាហ្សាក់ស្ថានចង់អញ្ជើញតំ​ណាង​របស់វិទ្យុសម្លេងវៀតណាមចូលរួមព្រឹត្តិការណ៍នេះ។ លោករូបនេះក៏ឲ្យដឹងថែមទៀតថា ស្ថានទូទកាហ្សាក់ស្ថាននឹងរួមសហការជាមួយគណៈកម្មការកិច្ចការបរទេសនៃវិទ្យុសម្លេងវៀតណាម ដើម្បីផ្លាស់ប្តូរខ្លឹមសារលំអិត​អំ​ពីកិច្ចព្រមព្រៀងសហប្រតិបត្តិការរវាងភាគីទាំងពីរផងដែរ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ