21/08/2021 21:10 GMT+7 Email Print Like 0

វៀតណាមត្រូវបានវាយតម្លៃថានឹងក្លាយទៅជា “ប្រទេសមហាអំណាចថាមពលបៃតង” នៅអាស៊ី

បើតាម ការធ្វើស្ថិតិរបស់ទីភ្នាក់ងារថាមពលកកើតឡើងវិញអន្តរជាតិ (IRENA) បានបង្ហាញថា គិតត្រឹមចុងឆ្នាំ២០២០ វៀតណាមបានជាប់បញ្ជីប្រទេសទាំង១០ដែលមានសមត្ថភាព ដំឡើងថាមពលពន្លឺព្រះអាទិត្យខ្ពស់បំផុតលើពិភពលោក។

វៀតណាមបានបង្ហាញឲ្យឃើញការប្ដេជ្ញាចិត្តឆ្ពោះទៅរកដំណើរ ការផ្ទេរប្ដូរទៅថាមពលស្អាត ជាពិសេសនៅពេលអនុវត្តន៍ថាមពលពន្លឺព្រះអាទិត្យ។ (រូបថត៖ VNA)

នាថ្ងៃទី១៩ ខែសីហា គេហទំព័របច្ចេកវិទ្យា Techwire Asia ដែលមានទីស្នាក់ការ នៅម៉ាឡេស៊ីបានធ្វើអត្ថាធិប្បាយថា វៀតណាមបានបង្ហាញឲ្យពិភពលោកឃើញសមត្ថ ភាពជំរុញដំណោះស្រាយថាមពលស្អាត ដោយមានសមត្ថភាពដំឡើងថាមពលពន្លឺ ព្រះអាទិត្យខ្ពស់បំផុតនៅអាស៊ីអាគ្នេយ៍ ក៏ដូចជាការសន្យារបស់រដ្ឋាភិបាលដោយជំរុញ ការផ្គត់ផ្គង់ថាមពលនិងតម្រូវការខ្លាំងក្លានូវគុណភាពអាកាសផងដែរ។ តាម Techwire Asia ចាត់ទុកថា ក្នុងនាមជាប្រទេសមួយដោយមានល្បឿនអភិវឌ្ឍសេដ្ឋកិច្ចដ៏លឿន បំផុតនៅអាស៊ីអាគ្នេយ៍ វៀតណាមបានបង្ហាញឲ្យឃើញការប្ដេជ្ញាចិត្តឆ្ពោះទៅរកដំណើរការផ្ទេរប្ដូរទៅថាមពលស្អាត ជាពិសេសនៅពេលអនុវត្តន៍ថាមពលពន្លឺព្រះអាទិត្យ។

គួរបញ្ជាក់ថា យោងតាមរបាយការណ៍របស់ធនាគារពិភពលោក (WB) នា បច្ចុប្បន្នវៀតណាមមានសមត្ថភាពដំឡើងថាមពលពន្លឺព្រះអាទិត្យខ្ពស់បំផុតនៅអាស៊ីអាគ្នេយ៍ ដោយបង្កើតឡើងអានុភាពចំនួន១៦.៥០០ MW នាចុងឆ្នាំ២០២០។ បើតាម ការធ្វើស្ថិតិរបស់ទីភ្នាក់ងារថាមពលកកើតឡើងវិញអន្តរជាតិ (IRENA) បានបង្ហាញថា គិតត្រឹមចុងឆ្នាំ២០២០ វៀតណាមបានជាប់បញ្ជីប្រទេសទាំង១០ ដែលមានសមត្ថភាព ដំឡើងថាមពលពន្លឺព្រះអាទិត្យខ្ពស់បំផុតលើពិភពលោក។ អ្នកជំនាញជាច្រើន ព្យាករណ៍ថា ប្រសិនបើបន្តរក្សាបាននូវល្បឿនអភិវឌ្ឍថាមពលកកើតឡើងវិញដូច២ឆ្នាំ កន្លងមក វៀតណាមអាចវ៉ាដាច់ប្រទេសមួយចំនួនដូចជាអូស្ត្រាលីនិងអ៊ីតាលីក្នុង ការអភិវឌ្ឍថាមពលកកើតឡើងវិញនិងដំណោះស្រាយថាមពលប្រកបដោយនវានុវត្តភាព៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ