02/11/2018 09:40 GMT+7 Email Print Like 0

វៀតណាមគាំទ្រ “ការជម្រុញនិងការធានាសិទ្ធិមនុស្ស” នៅក្នុងបណ្តាសម័យប្រជុំពេញអង្គរបស់គណកម្មាធិការទី៣នៃក្រុមប្រឹក្សាសន្តិសុខអ.ស.ប

ក្នុងរយៈពេល ២ សប្តាហ៍ ពោលគឺចាប់ពីថ្ងៃទី ១៥ ដល់ថ្ងៃទី ២៩ ខែតុលា ឆ្នាំ ២០១៨ គណៈកម្មការទី ៣ ទទួលបន្ទុកបញ្ហាសង្គម មនុស្សធម៌ និងវប្បធម៌បានបន្តសម័យប្រជុំលើកទី ៧៣ នៃមហាសន្និបាតអង្គការសហប្រជាជាតិ ដោយផ្តោតការពិភាក្សាលើប្រធានបទ “ជម្រុញនិងធានាសិទ្ធិមនុស្ស”។

ឯកអគ្គរដ្ឋទូត ប្រធានក្រុមបេសកកម្មវៀតណាមប្រចាំអ.ស.ប លោក Dang Dinh Quy
អញ្ជើញថ្លែងមតិក្នុងកិច្ចប្រជុំ (រូបថតៈ TTXVN)

អញ្ជើញថ្លែងនៅក្នុងសម័យប្រជុំរួម ឯកអគ្គរដ្ឋទូត លោក Dang Dinh Quy ប្រធានក្រុមបេសកកម្មវៀតណាមប្រចាំ​អង្គការសហប្រជាជាតិបានសង្កត់ធ្ងន់ថា ចំពោះមុខបញ្ហាការសាកល្បងកំពុងដាក់ចេញនាបច្ចុបន្ននេះ ប្រទេស​នានាគួរតែពង្រឹងសាមគ្គីភាពនិងកិច្ចសហប្រតិបត្តិការ ដើម្បីស្វែងរកដំណោះស្រាយរួម ដោយចាំបាច់ត្រូវ​រក្សាតួនាទីរបស់វេទិកាអង្គការសហប្រជាជាតិក្នុងការជម្រុញកិច្ចសន្ទនា មានចរិតលក្ខណៈស្ថាបនា ដើម្បីជំនួស​ការប្រឈមមុខដាក់គ្នានិងរិះគន់គ្នាផងដែរ។ ឯកអគ្គរដ្ឋទូត Dang Dinh Quy បានអះអាងថា គោលនយោបាយឥតងាក់រ៉េរបស់វៀតណាមគឺត្រូវគោរព និងធានាសិទ្ធិមនុស្សឱ្យបានសមស្របតាមស្តង់ដារអន្តរជាតិ ចែករំលែករាល់ការខិតខំប្រឹងប្រែងនិងសមិទ្ធិផលដែលវៀតណាមទទួលបានក្នុងវិស័យសុខាភិបាល អប់រំនិងកាត់​បន្ថយភាពក្រីក្រជាដើម។

ឯកអគ្គរដ្ឋទូតលោក Dang Dinh Quy ក៏បានសង្កត់ធ្ងន់ទៅលើកិច្ចសហប្រតិបត្តិការនិងការពិគ្រោះយោបល់ជាប្រចាំរបស់វៀតណាមជាមួយដៃគូជាច្រើនដូចជា អាមេរិក ស្វីស អូស្ត្រាលី សហភាពអឺរ៉ុប (EU) ហើយវៀតណាមក៏បានចូលរួមយ៉ាងសកម្មនៅ គណៈកម្មាធិការអន្តររដ្ឋាភិបាលអាស៊ានស្តីពីសិទ្ធិមនុស្សផងដែរ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ