25/02/2019 21:49 GMT+7 Email Print Like 0

លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) អញ្ជើញចូលគាល់ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា នៅព្រះបរមរាជវាំង។

នារសៀលថ្ងៃទី ២៥ ខែកុម្ភៈ ឆ្នាំ២០១៩ បន្ទាប់ពិធីទទួលស្វាគមន៍  លោកអគ្គលេខាធិការបក្ស ប្រធានរដ្ឋ ង្វៀន ភូត្រុង (Nguyen Phu Trong) ធ្វើឡើង នៅព្រះបរមរាជវាំង លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) បានអញ្ជើញចូលគាល់ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា។ 

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ទទួលស្វាគមន៍
លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong)។
រូបថត៖ ទ្រីយុង/ ទីភ្នាក់ងារសារព័ត៌មានវៀតណាម

យុវនារីជនជាតិខ្មែរម្នាក់បានជូនផ្កាទៅកាន់ លោកអគ្គលេខាធិការបក្ស ប្រធានរដ្ឋ ង្វៀន ភូត្រុង
( Nguyen Phu Trong)។ រូបថត៖ ទ្រីយុង/ ទីភ្នាក់ងារសារព័ត៌មានវៀតណាម

 
ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា និងលោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) អញ្ជើញត្រួតកងពលកិត្តិយស។
រូបថត៖ ទ្រីយុង/ ទីភ្នាក់ងារសារព័ត៌មានវៀតណាម

លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) បានអញ្ជើញចូលគាល់ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា។ 
រូបថត៖ ទ្រីយុង/ ទីភ្នាក់ងារសារព័ត៌មានវៀតណាម

 

ក្នុងជំនួបនេះ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា បានថ្លែងអំណរគុណ និងមិនបំភ្លេចបានឡើយនូវការគាំទ្រនិងជួយឧបត្ថម្ភដ៏ធំធេងពីបក្សកម្មុយនិស្តវៀតណាម រដ្ឋនិងប្រជាជនវៀតណាមសំរាប់ប្រជាជនកម្ពុជា ក្នុងបុព្វហេតុរំដោះប្រជាជាតិចេញផុតពីប្រល័យពូជសាសន៍ ក៏ដូចជាការស្តារឡើងវិញ និងអភិវឌ្ឍន៍ប្រទេសជាតិ។

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា បានបញ្ជាក់អះអាងថា ប្រជាជនវៀតណាមគឺជាមិត្តធំ និងជឿជាក់របស់ប្រជាជនកម្ពុជា។ ប្រជាជនកម្ពុជាគឺអ្នកជិតខាងល្អ កៀកស្មាគ្នានឹងប្រជាជនវៀតណាមជានិច្ចកាល។ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជានឹងបន្តជំរុញទំនាក់ទំនងនៃប្រទេសទាំងពីរ ប្រជាជនទាំងពីរកាន់តែជិតស្និទ្ធថែមទៀត។

រីឯ លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) វិញ ជឿជាក់ថា ក្រោមការដឹកនាំរបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា និងការដឹកនាំរបស់រាជរដ្ឋាភិបាលកម្ពុជា ប្រជាជនកម្ពុជានឹងទទួលសមិទ្ធផលធំធេងថែមទៀត ក្នុងបុព្វហេតុកសាងព្រះរាជាណាចក្រកម្ពុជាប្រកបដោយសន្តិភាព ឯករាជ្យ ប្រជាធិបតេយ្យ អព្យាក្រឹត និងជឿនលឿន។ ក្រៅពីនេះ ទំនាក់ទំនងរវាងកម្ពុជានិងបណ្តាប្រទេសលើពិភពលោកកាន់តែល្អប្រសើរ ជាពិសេសគឺទំនាក់ទំនងជាមួយបណ្តាប្រទេសជិតខាងនិងក្នុងតំបន់ ដែលរួមចំណែកយ៉ាងសកម្ម ក្នុងការរក្សាសន្តិភាព ស្ថេរភាព កិច្ចសហប្រតិបតិ្តការ និងអភិវឌ្ឍន៍ក្នុងតំបន់និងលើពិភពលោក។

នាយប់ថ្ងៃដដែល ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា បានរៀបចំពិធីលៀងសាយភោជន៍ជូន លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) និងគណៈប្រតិភូជាន់ខ្ពស់./.

 

ទីភ្នាក់ងារសារព័ត៌មានវៀតណាម/ កាសែតរូបភាពវៀតណាម


បណ្តាព័ត៌មានបានផ្សាយ