13/06/2015 11:15 GMT+7 Email Print Like 0

រំលឹកខួបអនុស្សាវរីយ៍លើកទី២៥នៃទិវាបុណ្យជាតិសហព័ន្ធរុស្ស៊ី

នាយប់ថ្ងៃទី១១ ខែមិថុនា ឆ្នាំ២០១៥ ស្ថានទូតសហព័ន្ធរុស្ស៊ីប្រចាំនៅវៀតណាមបានរៀបចំពិធីរំលឹក​ខួប​អនុស្សាវរីយ៍​​លើកទី២៥នៃទិវាបុណ្យជាតិរុស្ស៊ី (ថ្ងៃទី១២ខែមិថុនា)។ នៅទីនេះ ឯកអគ្គរដ្ឋទូត​រុស្ស៊ី​ប្រចាំ​នៅ​វៀត​ណាម​លោក Konstantin Vasili-evich Vnukov បានឲ្យដឹងថា សកម្មភាពការទូតរបស់រុស្ស៊ីកាន់តែផ្ទេរទៅតំ​បន់​អា​ស៊ី​-ប៉ាស៊ីហ្វិកពី១ថ្ងៃទៅ១ថ្ងៃ។ទំនាក់ទំនងជាមួយដៃគូស្នូលរបស់រុស្ស៊ីនៅតំបន់នេះមានសារសំខាន់ពិសេស ក្នុង​នោះមានវៀតណាមផង។ឆ្នាំនេះក៏ជាឆ្នាំ ដែលប្រទេសទាំង២រំលឹកខួបអនុស្សាវរីយ៍លើកទី៦៥នៃទិវាបង្កើត​ទំ​​នាក់​ទំនងការទូត។ រុស្ស៊ីជានិច្ចកាលត្រៀមខ្លួនជាស្រេចជួយឧបត្ថម្ភ សហប្រតិបតិ្តការជាមួយ វៀតណាមលើ​គ្រប់វិស័យ បង្កើនទំនាក់ទំនងមិត្តភាពជាប្រពៃណីនិងកិច្ចសហប្រតិបតិ្តការដ៏យូរលង់មករវាងប្រទេសទាំង២។

ថ្លែងមតិនៅពិធីនេះ រដ្ឋមន្រ្តីក្រសួងវប្បធម៌ កីឡានិងទេសចរណ៍វៀតណាមលោក Hoang Tuan Anh បានសំដែង​ជំ​នឿជាក់ថា ទំនាក់ទំនងមិត្តភាពជាប្រពៃណីនិងដៃគូយុទ្ធសាស្រ្តលើគ្រប់វិស័យរវាងវៀតណាមនិងរុស្ស៊ី នឹង​កាន់​​តែ​ស៊ីជំរៅនិងមានប្រសិទ្ធិភាពដើម្បីផលប្រយោជន៍របស់ប្រជាជននៃប្រទេសទាំង២ ដើម្បីសន្តិភាព ស្ថិរភាព​និងភាពសម្បូររុងរឿងនៅក្នុងតំបន់និងលើពិភពលោក។ ក្នុងឱកាសនេះដែរ ឯកអគ្គរដ្ឋទូតរុស្ស៊ីលោក Konstantin​ Vasilievich Vnukov បានប្រគល់គ្រឿងឥស្សរិយយសមិត្តភាពរបស់សហព័ន្ធរុស្ស៊ីជូន​រដ្ឋ​មន្រ្តី​ក្រសួង​វប្បធម៌​ កីឡានិងទេសចរណ៍វៀតណាមលោក Hoang Tuan Anh និងអនុប្រធានអចិន្ត្រៃនៃគណៈ​កម្មាធិការ​កិច្ចការ​បរទេសមជ្ឈឹមលោក Pham Xuan Son។ នេះជារង្វាន់ដ៏ថ្លៃថ្លាថ្នាក់រដ្ឋាភិបាល​លៃទុកសំរាប់​បុគ្គល​នានា​ដែល​មានការរួមវិភាគទានជាច្រើនសំរាប់ទំនាក់ទំនងរវាងវៀតណាមនិងសហព័ន្ធរុស្ស៊ី៕

 
តាម VOV5 - វិទ្យុសម្លេងវៀតណាម
បណ្តាព័ត៌មានបានផ្សាយ