16/10/2018 09:21 GMT+7 Email Print Like 0

ពិគ្រោះយោបល់លើការបំពេញឯកសារការពាររបាយការណ៍ជាតិរបស់វៀតណាម

 ស្តីពីការ​អនុវត្តអនុសញ្ញាអង្គការសហប្រជាជាតិប្រឆាំង​នឹង​ការធ្វើទារុណកម្ម​ ដើម្បីត្រៀម​លក្ខណៈ​ល្អ​បំផុត​សម្រាប់​កិច្ចការពាររបាយការ​ណ៍ជាតិលើកទីមួយរបស់វៀតណា​ម ស្តីពី​ការអនុវត្ត​អនុសញ្ញា​អង្គការ​សហប្រ​ជា​ជាតិ​ប្រឆាំង​នឹងកា​រធ្វើទារុណកម្ម ​នៅទីក្រុង​ហ្សឺណែវ​ប្រទេស​ស្វីសក្នុង​ខែវិច្ឆិកា​ខាង​មុខ​នេះ ក្នុងរយៈពេលពីរថ្ងៃ គឺថ្ងៃ​​ទី១៥និងទី១៦ នៅទីក្រុងហាណូយ កម្មវិធីអភិវ​ឌ្ឍន៍អង្គការសហប្រជាជាតិ បានរួម​សហការ​ជាមួយ​ក្រសួង​នគរ​បាល​វៀតណាម រៀបចំសិក្ខាសាលាពិគ្រោះយោបល់លើពីឯកសារស្តីពី កិច្ច​ការ​ពារ​របាយ​ការណ៍​ជាតិ​លើក​ដំបូង​របស់វៀត​ណាម​ ស្តីពីការអនុវត្តអនុសញ្ញាអ.ស. ប ប្រ​ឆាំងនឹង​ការធ្វើទារុណកម្ម។

 
 ទិដ្ឋភាពនៃសិក្ខាសាលា (រូបថតៈ VGP/Thu Le) 

អនុសញ្ញា​ប្រឆាំងទារុណកម្មគឺជាអនុសញ្ញាមួយនៃអនុសញ្ញាសំខាន់ចំនួន៩ ស្តីពីសិទ្ធិមនុស្ស​របស់​អង្គការ​សហប្រ​ជាជា​តិ​ ដែលត្រូវបានអនុម័តនៅថ្ងៃទី ១០ ខែធ្នូ ឆ្នាំ ១៩៨៤ ហើយបានចូលជាធរមាននៅថ្ងៃទី ២៦ ខែ​មិថុនា​ឆ្នាំ​ ១៩៨៧។ ខ្លឹមសារនៃអនុស​ញ្ញានេះ គឺស្របតាមគោលការណ៍​ណែនាំរបស់​បក្សនិង​រដ្ឋវៀត​ណាម​ក្នុង​កិច្ចការ​ពារសិទ្ធិ​មនុស្សដូច្នេះវៀត​ណាម បានផ្តល់សច្ចាប័នយ៉ាងសកម្មលើអ​នុសញ្ញានេះ។
 
​នៅក្នុង​សិក្ខាសាលា​នេះតំណាងវៀតណាមនិងអន្តរ​ជាតិ បានផ្តល់មតិអំពីរចនាសម្ព័ន្ធមាតិ​កា និង​ព័ត៌មាន​ដែលត្រូវ​បាន​បង្ហាញនៅក្នុងសុន្ទរកថារបស់ប្រធានគ​ណៈប្រតិភូអន្តរស្ថាប័នរបស់វៀតណាម ចំ​ពោះមុ​ខ គណៈកម្មាធិកា​រប្រឆាំងនឹងការធ្វើទារុណកម្មរបស់អង្គការសហប្រជាជាតិ។​ មតិជា​ច្រើន​ក៏បាន​ចូល​រួមចំណែក​ទៅក្នុង​ខ្លឹម​សារនៃការឆ្លើយតបរបស់គណៈកម្មការ​ពាក់ព័ន្ធដល់ការអនុវត្ត ​អនុសញ្ញា​ដើម្បីបំពេញ​ឯសារការ​ពាររបាយ​ការណ៍​របស់វៀតណាម៕

 

តាម​ VOV5 - វិទ្យុសំឡេង​វៀតណាម
 

បណ្តាព័ត៌មានបានផ្សាយ