19/08/2020 15:29 GMT+7 Email Print Like 0

ផ្លាស់ប្ដូរថ្មី ច្នៃប្រឌិតនិងចាប់ផ្ដើមអាជីវកម្មដើម្បីគោលដៅអភិវឌ្ឍប្រកបដោយចីរភាព

សិក្ខាសាលាវិទ្យាសាស្ត្រអន្តរជាតិដោយប្រធានបទ “ផ្លាស់ប្ដូរថ្មី ច្នៃ ប្រឌិតនិងចាប់ផ្ដើមអាជីវកម្មដើម្បីគោលដៅអភិវឌ្ឍប្រកបដោយចីរភាព៖ រយៈ ៥ ឆ្នាំនៃការក្រឡែកមើលឡើងវិញនិងចក្ខុវិស័យនាពេលខាងមុខ” បាន ប្រារព្ធធ្វើឡើងនាព្រឹកថ្ងៃទី១៨ សីហា នៅទីក្រុងហាណូយ។

សិក្ខាសាលាត្រូវបានរៀបចំឡើងតាមប្រព័ន្ធវីដេអូ។ (រូបថត៖ VOV)


ព្រឹត្តិការណ៍នេះត្រូវបានរៀបចំឡើងដោយមជ្ឈមណ្ឌលចាប់ផ្ដើមអាជីវកម្មនិងច្នៃប្រឌិតសង្គម មជ្ឈមណ្ឌលទ្រទ្រង់ការចាប់ផ្ដើមអាជីវកម្មនិងច្នៃប្រឌិតជាតិ ក្រុមប្រឹក្សាអង់គ្លេសនៅវៀតណាមនិងមជ្ឈមណ្ឌលបារាំង-វៀតណាមបណ្ដុះបណ្ដាលការគ្រប់គ្រង។ លោកសាស្ត្រាចារ្យបណ្ឌិត Tran Thi Van Hoa សាកលវិទ្យាធិការរងនៃសាកលវិទ្យាល័យសេដ្ឋកិច្ចជាតិហាណូយបាន ឲ្យដឹងថា៖

“ការផ្លាស់ប្ដូរថ្មី ការច្នៃប្រឌិតនិងការចាប់ផ្ដើមអាជីវកម្មគឺជាកូនសោរនាំទៅប្រភពធនធានថ្មីសម្រាប់ការអភិវឌ្ឍនៃប្រទេសនានា លើសកលលោក។ ចាប់តាំងពីឆ្នាំ២០១៦មក ការចាប់ផ្ដើមអាជីវកម្ម ការផ្លាស់ប្ដូរថ្មីនិងការច្នៃប្រឌិតត្រូវបានចាត់ទុកថា ជាដំណោះស្រាយមួយក្នុងចំណោមដំណោះ ស្រាយដ៏សំខាន់ក្នុងយុទ្ធសាស្ត្រអភិវឌ្ឍសេដ្ឋកិច្ចសង្គមនៅវៀតណាម ព្រមទាំងត្រូវបានដាក់បញ្ចូលក្នុងកម្មវិធីនានារបស់រដ្ឋាភិបាល ក្រសួង ស្ថាប័ន និងតំបន់ជាច្រើនផងដែរ”។

គួរជម្រាបបន្ថែមទៀតថា នាពេលថ្មីៗនេះ StartupBlink មជ្ឈមណ្ឌលស្រាវជ្រាវនិងបង្កើតផែនទីនៃប្រព័ន្ធអេកូឡូស៊ីចាប់ផ្ដើមអាជីវកម្មសកល ទើបតែបានប្រកាសតារាងរៀបចំណាត់ថ្នាក់ប្រព័ន្ធអេកូឡូស៊ី Startup ឆ្នាំ ២០២០។ តាមនោះ វៀតណាមឡើង១៣កាំ ដោយឈរលំដាប់ទី ៥៩ លើពិភពលោក ហើយឆ្ពោះទៅគោលដៅក្លាយទៅជាមជ្ឈមណ្ឌលចាប់ផ្ដើមអាជីវកម្មជួរមុខនៅតំបន់អាស៊ីអាគ្នេយ៍៕ 

តាម VOV5- វិទ្យុសម្លេងវៀតណាម

បណ្តាព័ត៌មានបានផ្សាយ