21/10/2020 14:41 GMT+7 Email Print Like 0

ប្រព័ន្ធផ្សព្វផ្សាយជប៉ុនបានចុះផ្សាយយ៉ាងច្បាស់អំពីដំណើរទស្សនកិច្ចនៅវៀតណាមរបស់លោកនាយករដ្ឋមន្រ្តី Suga Yoshihide


នាយករដ្ឋមន្រ្តី លោក Nguyen Xuan Phuc និងភរិយារួមជាមួយនាយករដ្ឋមន្រ្តីជប៉ុន Suga Yoshihide និងភរិយា ក្នុងពិធីលាគ្នា (រូបថត៖ TTXVN)
 

ក្នុងអំឡុងពេលថ្ងៃទី១៩ និង ២០ ខែតុលា ឆ្នាំ២០២០ ប្រព័ន្ធផ្សព្វផ្សាយជប៉ុនបានបន្តចុះផ្សាយយ៉ាងច្បាស់ អំពីដំណើរទស្សនកិច្ចរបស់លោកនាយករដ្ឋមន្រ្តី Suga Yoshihide មកកាន់ប្រទេសវៀតណាម។

ក្រោមប្រធានបទ “មេដឹកនាំជប៉ុននិងវៀតណាម បានបញ្ជាក់ពីកិច្ច សហប្រតិបត្តិការសេដ្ឋកិច្ច” ទីភ្នាក់ ងារសារព័ត៌មានក្យូដូ នៅថ្ងៃទី ១៩ ខែតុលាបានឲ្យដឹងថា នៅឯកិច្ចពិភាក្សានៅទីក្រុងហាណូយ លោកនាយករដ្ឋមន្រ្តី Suga និងនាយករដ្ឋមន្រ្តី Nguyen Xuan Phuc បានបញ្ជាក់អះអាងពីកិច្ចសហប្រតិបត្តិការសេដ្ឋកិច្ចរវាងប្រទេសទាំងពីរ។ ថ្លែងទៅកាន់ អ្នកសារព័ត៌មាន បន្ទាប់ពីកិច្ចពិភាក្សា លោកនាយករដ្ឋមន្រ្តី Suga បានពណ៌នាវៀត ណាមជា “កត្តាគន្លឹះក្នុងកិច្ចប្រឹងប្រែងដើម្បីសម្រេចជាក់ស្តែង នូវតំបន់មហាសមុទ្រឥណ្ឌា - ប៉ាស៊ីហ្វិក ប្រកបដោយសេរីភាពនិងបើកចំហរ ព្រមទាំងបានសន្យាថា  ជប៉ុននឹង “បន្តចូលរួមចំណែកដល់សន្តិភាពនិងវិបុលភាពនៃតំបន់នេះ”។

នៅក្នុងព័ត៌មានមួយទៀតដែលមានចំណងជើងថា “លោកនាយករដ្ឋមន្រ្តី Suga បានសន្យាគាំទ្រអាស៊ានក្នុងការបង្កើតគោលការណ៍ យកច្បាប់ជាចម្បង” NHK បានរាយការណ៍ថា លោកនាយករដ្ឋមន្រ្តី Suga បានបញ្ជាក់ថា ប្រទេសជប៉ុននឹងបង្កើនការគាំទ្រដល់ប្រទេសជាសមាជិកអាស៊ាន ដើម្បីបង្កើតគោលការណ៍យកច្បាប់ជាចម្បងសម្រាប់តំបន់នេះ។ លោកនាយករដ្ឋមន្រ្តី Suga បានជ្រើសរើសប្រទេសវៀតណាមនិងឥណ្ឌូនេស៊ីជាទិសដៅសម្រាប់ដំណើរទស្សនកិច្ចក្រៅប្រទេសលើកដំបូងរបស់លោកដើម្បីបង្ហាញពីអាទិភាពក្នុងគោលនយោបាយការបរទេសរបស់ខ្លួន៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ