04/09/2017 11:51 GMT+7 Email Print Like 0

ប្រធានាធិបតីអេហ្ស៊ីបលោក El-Sisi ចាប់ផ្ដើមដំណើរទស្សនកិច្ចលើកទី៤នៅទ្វីបអាស៊ី


 ប្រធានាធិបតីអេហ្ស៊ីបលោក Abdel Fattah El-Sisi (រូបថត៖AFP/TTXVN)

ប្រធានាធិបតីអេហ្ស៊ីប​លោក Abdel Fattah El-Sisi នាថ្ងៃទី២ ខែកញ្ញា ឆ្នាំ​​២០១៧ បាន​អញ្ជើញ​ទៅបំពេញ​ទស្សនកិច្ច​នៅប្រទេស​អាស៊ី ចំនួន២រួម​មានចិននិងវៀតណាម​ ចាប់ពីថ្ងៃ​ទី៣ ខែកញ្ញា។ នេះជា​ដំណើរ​ទស្សនកិច្ច​ទៅកាន់ទ្វីប​អាស៊ី លើកទី៤ របស់លោ​ក El-Sisi និងជាដំណើរ​ទស្សន​កិច្ចលើកទី៣ របស់​លោកនៅ​ប្រទេស​ ចិន​ ចាប់តាំងពីឡើងកាន់អំណាចកាលពីខែ​មិថុនាឆ្នាំ​២០១៤ មក។ ប្រមុខ​ដឹកនាំ​អេហ្ស៊ីប​រូប​នេះអញ្ជើញ​ទៅកាន់ចិន ក្នុងឋានៈជាភ្ញៀវអញ្ជើញរបស់ប្រធានរដ្ឋ​ចិន លោក Xi Jinping ចូលរួម​សន្និសីទ​កំពូល​ក្រុម​ខឿន​សេដ្ឋកិច្ច​ធំ ទើបលេចឡើង (BRICS) ដែលត្រូវបានរៀបចំឡើងនៅទីក្រុ​ង Xianmen ចា​ប់ពី ថ្ងៃទី៣ដល់ទី៥​ ខែ​កញ្ញា។  ថ្នាក់ដឹកនាំអេហ្ស៊ីបនិងចិនទាំ​ង២រូប នឹងអញ្ជើញជួប ចរចារ​អំពីវិធាន​ការបង្កើន​ទំនាក់​ទំនង​ទ្វេភាគី​នៅខាងក្រៅស​ន្និសីទ BRICS លើកនេះ។
 
ក្រោយ​ពីចិន ប្រធានាធិបតីលោក El-Sisi នឹងអញ្ជើញទៅបំពេញ​ទស្សនកិច្ច នៅ​វៀតណាម ចាប់ពីថ្ងៃទី៦ដល់​ថ្ងៃទី​៧ ខែក​ញ្ញា។ នេះជាដំណើរទស្សនកិច្ចដំបូង រ​បស់ប្រធានាធិបតីអេហ្ស៊ី​បមួយរូ​បនៅវៀតណាម ចាប់​តាំង​ពីពេល​ដែល​ប្រទេស ទាំង២បង្កើតទំនាក់ទំនងការ​ទូតកាលពី​ឆ្នាំ១៩៦៣មក៕

 

តាម VOV5 - ​វិទ្យុសម្លេង​វៀតណាម
 

បណ្តាព័ត៌មានបានផ្សាយ