14/09/2018 07:20 GMT+7 Email Print Like 0

ប្រធានរដ្ឋវៀតណាមលោក Tran Dai Quang ទទួលជួយជាមួយទីប្រឹក្សារដ្ឋមីយ៉ាន់ម៉ាលោកស្រី Aung San Suu Kyi

នាព្រឹកថ្ងៃទី១៣ ខែកញ្ញា ឆ្នាំ២០១៨ ប្រធានរដ្ឋវៀតណាម លោក Tran Dai Quang បានអញ្ញើញជួបសន្ទនាជាមួយលោកស្រី Aung San Suu Kyi ទីប្រឹក្សារដ្ឋមីយ៉ាន់ម៉ា ក្នុងឱកាសធ្វើទស្សនកិច្ចនៅវៀតណាមដើម្បីចូលរួមវេទិកាសេដ្ឋ កិច្ចពិភពលោកស្តីពីអាស៊ាន (WEF ASEAN ) ។

ប្រធានរដ្ឋវៀតណាម លោក Tran Dai Quang អញ្ជើញទទួលជួបជាមួយ
ទីប្រឹក្សារដ្ឋមីយ៉ាន់ម៉ា លោកស្រី Aung San Suu Kyi

ក្នុងជំនួបនេះ លោកប្រធានរដ្ឋ Tran Dai Quang បានស្នើរឲ្យប្រទេសទាំងពីរបន្តរក្សាការផ្លាស់ប្តូរគណៈប្រតិភូជាន់ខ្ពស់និងគ្រប់ជាន់ថ្នាក់រួមទាំងរាល់យន្តការសហប្រតិបត្តិការក្នុងនោះជម្រុញការចុះហត្ថលេខាលើកម្មវិធីសកម្មភាពសម្រាប់ការអនុវត្តភាពជាដៃគូកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងមីយ៉ាន់ម៉ាដំណាក់កាល២០១៨-២០២៣។ លោកប្រធានរដ្ឋវៀតណាមក៏បានលើកឡើងថា ប្រទេសទំាងពីរត្រូវបន្តខិតខំបង្កើនទំហំពាណិជ្ជកម្មទ្វេភាគីសំដៅទទួលឲ្យបានមួយពាន់លានដុល្លារអាមេរិកនាពេលឆាប់បំផុត។ ប្រធានរដ្ឋ លោក Tran Dai Quang មានបំណងចង់ឲ្យលោកស្រី Aung  San Suu Kyi និងរដ្ឋាភិបាលមីយ៉ាន់ម៉ាបន្តបង្កលក្ខខណ្ឌអំណោយផលសម្រាប់សហគ្រាសវៀតណាមវិនិយោគធ្វើអាជីវកម្មនៅមីយ៉ាន់ម៉ា។

រីឯខ្លួនវិញ លោកស្រី Aung San Suu Kyi បានឲ្យដឹងថា មីយ៉ាន់ម៉ាមានបំណងសហ ការជាមួយវៀតណាមក្នុងវិស័យសេដ្ឋកិច្ច អប់រំនិងជម្រុញការជួបប្រាស្រ័យរវាងជំនាន់ វ័យក្មេងនៃប្រទេសទាំងពីរ។ ទន្ទឹមនឹងនោះភាគីទាំងពីរគួរតែពង្រឹងកិច្ចសហប្រតិបត្តិការរវាងទីក្រុងនិងតំបន់នៃប្រទេសទាំងពីរ។ ទីប្រឹក្សារដ្ឋមីយ៉ាន់ម៉ា​សង្ឃឹម​ថា​នឹងបានទទួលស្វាគមន៍លោកប្រធានរដ្ឋវៀតណាម Tran Dai Quang មកបំពេញទស្សនកិច្ចនៅមីយ៉ាន់ម៉ានាពេលខាងមុខ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ