01/11/2021 11:59 GMT+7 Email Print Like 0

ប្រធានរដ្ឋសភាវៀតណាម លោក Vuong Dinh Hue អញ្ជើញចូលរួមសន្និសីទប្រមូលមតិលើខ្លឹមសារនៃគម្រោងច្បាប់រដ្ឋធានី (ធ្វើវិសោធនកម្ម)

សន្និសីទប្រមូលមតិរបស់សមាជិកនៃគណៈកម្មាធិការអចិន្ត្រៃយ៍រដ្ឋសភាអំពីខ្លឹមសារនៃគម្រោងច្បាប់រដ្ឋធានី (ធ្វើវិសោធនកម្ម) (រូបថត៖ TTXVN)


នារសៀលថ្ងៃទី៣០ ខែតុលា ឆ្នាំ២០២១ នៅរដ្ឋធានីហាណូយ ប្រធានរដ្ឋសភាវៀតណាម លោក Vuong Dinh Hue បានអញ្ជើញចូលរួមសន្និសីទប្រមូលមតិរបស់សមាជិកនៃគណៈកម្មាធិការអចិន្ត្រៃយ៍រដ្ឋសភាអំពីខ្លឹមសារនៃគម្រោងច្បាប់រដ្ឋធានី (ធ្វើវិសោធនកម្ម)។

អញ្ជើញថ្លែងមតិនៅសន្និសីទនេះ ប្រធានរដ្ឋសភា លោក Vuong Dinh Hue បានសង្កត់ធ្ងន់ថា សេចក្តីសម្រេចចិត្តនៃមហាសន្និបាតគណៈកម្មាធិការបក្សរដ្ឋធានីហាណូយលើកទី១៧ បានកំណត់នូវចក្ខុវិស័យអភិវឌ្ឍន៍រយៈពេលវែង ក្នុងនោះភារកិច្ចសំខាន់គឺត្រូវស្នើឲ្យរដ្ឋសភាធ្វើវិសោធនកម្មច្បាប់រដ្ឋធានី។ លោកប្រធានរដ្ឋសភាបានកត់សម្គាល់ថា ការអភិវឌ្ឍន៍គម្រោងច្បាប់រដ្ឋធានី (ធ្វើវិសោធនកម្ម) ចាំបាច់ត្រូវកំណត់ទីតាំងរដ្ឋធានីហាណូយជាមជ្ឈមណ្ឌលនយោបាយ-រដ្ឋបាលជាតិ បន្ទាប់មកគឺជាមជ្ឈមណ្ឌលអប់រំ និងវប្បធម៌ វិទ្យាសាស្ត្រ និងបច្ចេកវិទ្យា សេដ្ឋកិច្ច និងជាមជ្ឈមណ្ឌលពាណិជ្ជកម្មអន្តរជាតិរបស់ ប្រទេសទាំងមូល។

បន្ទាប់ពីបានលើកឡើងអំពីសក្ដានុពល ប្រៀបខ្លាំងនិងធនធានរបស់រដ្ឋធានីហាណូយនោះ ប្រធានរដ្ឋសភាបានសង្កត់ធ្ងន់ថា ឈរលើមូលដ្ឋាននោះ រដ្ឋធានីហាណូយបានសិក្សាលើការតាក់តែងមាត្រាក្នុងគម្រោងច្បាប់រដ្ឋធានី (ធ្វើវិសោធនកម្ម) ឲ្យស្របតាមលក្ខណៈវិសេសវិសាលរបស់រដ្ឋធានីហាណូយ។

ទន្ទឹមនឹងនេះ ប្រធានរដ្ឋសភា បានស្នើឲ្យរដ្ឋធានីហាណូយធ្វើការពិនិត្យដើម្បីកំណត់វិសាលភាពនៃបទប្បញ្ញត្តិនៃគម្រោងច្បាប់រដ្ឋធានី (ធ្វើវិសោធនកម្ម) ឲ្យសមស្របនឹងតួនាទី និងឋានៈរបស់រដ្ឋធានីក្នុងដំណើរការអភិវឌ្ឍន៍ឆ្ពោះទៅមុខរបស់ប្រទេសជាតិ ព្រមទាំង ជួយសម្រួលរដ្ឋធានី អភិវឌ្ឍន៍ឲ្យកាន់តែរឹងមាំ និងទូលំទូលាយក្នុងសម័យកាលថ្មី ក្រោមពាក្យស្លោក ហាណូយ ដើម្បី ប្រទេសជាតិទាំងមូល និងរួមដំណើរជាមួយប្រទេសជាតិទាំងមូល៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ