02/08/2019 11:06 GMT+7 Email Print Like 0

ប្រធានរដ្ឋសភាវៀតណាម លោកស្រី Nguyen Thi Kim Ngan អញ្ជើញទទួល​ជួបជាមួយ​ឯកអគ្គរដ្ឋទូត​ និងជាប្រធានប្រតិភូ​សហភាពអឺរ៉ុប​ប្រចាំនៅវៀតណាម​ លោក Bruno Angetlet​


 ប្រធានរដ្ឋសភាវៀតណាម លោកស្រី Nguyen Thi Kim Ngan អញ្ជើញទទួលជួបជាមួយឯកអគ្គរដ្ឋទូត និងជាប្រធានប្រតិភូសហភាពអឺរ៉ុបប្រចាំនៅវៀតណាម លោក Bruno Angetlet  (រូបថត៖ quochoi.vn)
 

 នាព្រឹក​ថ្ងៃទី១ ខែសីហា ឆ្នាំ​២០១៩ នៅទីក្រុងហាណូយ ប្រធានរដ្ឋសភាវៀតណាមលោកស្រី Nguyen Thi Kim Ngan បាន​អប​អរសាទរ​ឯកអគ្គរដ្ឋទូត និងជាប្រធានប្រតិភូសហភាពអឺរ៉ុបប្រចាំនៅវៀត​ណាម​ លោក Bruno Angetlet ដែលបាន​បញ្ចប់អាណត្តិបំពេញបេសសកកម្មប្រកបដោយជោគជ័យនៅវៀត​ណាម។
 
លោកស្រី​ Nguyen Thi Kim Ngan បានសំដែង​នូវសេចក្តី​រីករាយ​ចំពោះ​ទំនាក់ទំនង​រវាង​វៀត​ណាម​និង​សហភាព​អឺរ៉ុប​នាពេលកន្លង​មក មា​នជំហាន​អភិវឌ្ឍន៍យ៉ាងវិជ្ជមាន​ជាច្រើន ព្រមទាំង​វាយតម្លៃខ្ពស់​ចំពោះការ​រួម​ចំណែក​របស់លោក​ឯក​អគ្គរដ្ឋទូត​ក្នុងការជំរុញទំនាក់ទំនង រវាងវៀតណាមនិងសហភាពអឺរ៉ុប (EU) ក៏ដូច​ជា​សភា​អឺ​រ៉ុប (EP) ផងដែរ​។ លោកស្រី Nguyen Thi Kim ​Ngan ក៏បាន​សម្តែង​ក្តីសប្បាយ​រីករាយចំពោះ​ជំហាន​អភិវឌ្ឍន៍​​នានាក្នុងការអនុវត្តកិច្ចព្រមព្រៀងភាពជាដៃគូសហប្រតិបត្តិការគ្រប់ជ្រុងជ្រោយវៀតណាម - អឺរ៉ុប (PCA) ដើម្បី​ជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្មនិង​វិនិយោគ។លោកស្រី Nguye​n Thi Kim Ngan សង្ឃឹម​ថាក្នុងរយៈពេលខាងមុខនេះ ភាគីទាំងពីរនឹងបន្តជំរុញឲ្យមានការផ្តល់សច្ចាប័ន ដើម្បី​ឈាន​ទៅ​អនុវត្ត​​ឲ្យបានឆាប់ៗនូវកិច្ចព្រមព្រៀងទាំងពីរដូចពោលខាងលើនេះ ព្រមទាំងបើក​ឱកាស​ថ្មីសម្រាប់​សហគ្រាស​​នៃប្រទេស​ទាំងពីរក្នុងកិច្ចសហប្រ​តិបត្តិការ​វិនិយោគនិងធ្វើអាជីវកម្មផង    ដែរ។
 
រីឯខ្លួនវិញ លោក Bruno Angelet បានឲ្យដឹងថាក្នុង​រយៈពេល​កន្លង​ទៅលោក​ទទួលបាន​ការគាំទ្រ​ជាវិជ្ជមាន​ពីស្ថាប័ន​នានា​របស់វៀតណា ដែលក្នុងនោះមា​ន  រដ្ឋសភាវៀតណាម ​ដើម្បីបំពេញបេសកកម្ម​របស់ខ្លួន​ប្រកប​ដោយ​​ជោគជ័យ​។ ក្នុងនាមជាតំណា​ងសហភាពអឺរ៉ុប លោក Bruno An​gelet បានចែករំលែក​ថាពេលវេលា​ធ្វើការ​នៅ​​ប្រទេស​វៀតណាមគឺជាអាណត្តិដ៏ជោគ​ជ័យបំផុត និងគួរឱ្យចងចាំបំផុតសម្រាប់​រូបលោកផ្ទាល់។ លោកក៏បា​ន​អះអាង​ថា សភាពអឺរ៉ុ​បតែងតែខិត​ខំប្រឹងប្រែង​អស់ពីកម្លាំង​កាយចិត្ត​ដើម្បីជំរុញ​ទំនាក់ទំនង​រវាងវៀ​តណា​មនិងសហភាពអឺរ៉ុបឲ្យបាន​ល្អប្រសើរ ក៏ដូចជាគាំទ្រវៀ​តណាមឱ្យអភិវឌ្ឍន៍​កាន់តែខ្លាំង​ក្លាថែមទៀត​នៅក្នុងតំបន់​ផងដែរ៕

 

តាម​ VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ