12/12/2017 10:15 GMT+7 Email Print Like 0

បើកទិវាកាហ្វេវៀតណាមលើកទីមួយឆ្នាំ២០១៧


 បើកទិវាកាហ្វេវៀតណាមលើកទីមួយឆ្នាំ២០១៧

នាយប់ថ្ងៃទី១០ ខែធ្នូ ឆ្នាំ២០១៧ នៅទីក្រុង Da Lat គណៈកម្មាធិការប្រជាជនខេត្ត Lam Dong បានរួមសហការជាមួយសម្ព័ន្ធសមាគមកាហ្វេ កាកាវវៀតណាម ក្រសួងកសិកម្មនិងអភិវឌ្ឍន៍ជនបទ និងគណៈកម្មាធិការទទួល​បន្ទុកបញ្ហា Tay Nguyen បានបើកទិវាកាហ្វេវៀតណាម លើកទីមួយ។ ដោយប្រធានបទ៖ “ ដំណាក់កាលអភិវឌ្ឍន៍ថ្មីរបស់ផ្នែកកាហ្វេវៀតណាម” ទិវាកាហ្វេវៀតណាម លើកទី ១ ឆ្នាំ ២០១៧ ប្រព្រឹត្តទៅក្នុងរយៈពេល៣ថ្ងៃ ចាប់​ពីថ្ងៃទី ៩ ដល់ថ្ងៃទី ១១ ខែធ្នូ ឆ្នាំ២០១៧។ បណ្ដាសកម្មភាពសំខាន់ៗ រួមមាន៖ សិក្ខាសាលាអន្តរជាតិក្នុងដំណាក់កាលអភិវឌ្ឍន៍ថ្មី របស់ផ្នែកកាហ្វេវៀតណាម ការតាំងពិព័រណ៌ឧទ្ទេសនាមអំពីផលិតផលមានគុណភាព មក​ពីតំបន់កាហ្វេល្បីឈ្មោះនានា ក្នុងទូទាំងប្រទេស ។

ថ្លែងមតិនៅទីនេះ លោក Le Quoc Doanh អនុរដ្ឋមន្ត្រីក្រសួងកសិកម្មនិងអភិវឌ្ឍន៍ជនបទវៀតណាម បានសង្កត់ធ្ងន់ថា៖

“ ឆ្នាំ ២០១៦ នាយករដ្ឋមន្ត្រីរដ្ឋាភិបាលបានអនុម័តយកថ្ងៃទី១០ ខែធ្នូ ប្រចាំឆ្នាំជាទិវាកាហ្វេវៀតណាម។  ទន្ទឹមនឹង​នោះ សម្រេចចិត្តដាក់មុខទំនិញកាហ្វេគុណភាពខ្ពស់ចូលក្នុងបញ្ជីឈ្មោះផលិតផលជាតិ។ គោលដៅ ទិវាកាហ្វេ​វៀតណាម លើកទីមួយគឺផ្សព្វផ្សាយរូបភាពកាហ្វេវៀតណាម និងជាឱកាសល្អមួយ ដើម្បីបណ្ដាដៃគូបានជួបជុំគ្នា​ ផ្លាស់ប្តូរ និងចុះហត្ថលេខាលើកិច្ចសន្យាសេដ្ឋកិច្ចនានា។”

វៀតណាមជាប្រទេសផលិតកម្ម កែច្នៃ និងនាំចេញកាហ្វេធំទីពីរលើពិភពលោក ដោយមានទំហំពាណិជ្ជកម្មនាំចេញ ឆ្នាំ ២០១៦ទទួលបានជាង៣ពាន់លានដុល្លារអាមេរិក៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ